សង្គ្រាមអ៊ុយក្រែន ៖ ក្រសួងការបរទេសរុស្ស៊ីវាយតម្លៃ កាលពីថ្ងៃទី៦ មីនា ថា បទឈប់បាញ់គ្នាបណ្ដោះអាសន្ននៃសង្គ្រាមនៅអ៊ុយក្រែន ដែលស្នើជាពិសេស ដោយបារាំងនិងអ៊ុយក្រែន ដាច់ខាតមិនអាចទទួលយកបានឡើយ…
សង្គ្រាមអ៊ុយក្រែន ៖ ក្រសួងការបរទេសរុស្ស៊ីវាយតម្លៃ កាលពីថ្ងៃទី៦ មីនា ថា បទឈប់បាញ់គ្នាបណ្ដោះអាសន្ននៃសង្គ្រាមនៅអ៊ុយក្រែន ដែលស្នើជាពិសេស ដោយបារាំងនិងអ៊ុយក្រែន ដាច់ខាតមិនអាចទទួលយកបានឡើយ ព្រោះជម្លោះទីបំផុតនឹងវិលត្រឡប់មកវិញ។
អ្នកនាំពាក្យក្រសួងការបរទេសរុស្ស៊ី លោកស្រីម៉ារីយ៉ា ហ្សាខារ៉ូវ៉ា អះអាងថា កិច្ចព្រមព្រៀងម៉ឺងម៉ាត់ស្ដីពីដំណោះស្រាយជាស្ថាពរមួយ គឹចាំបាច់។ រាល់រូបភាពនៃបទឈប់គ្នាបណ្ដោះអាសន្នឬមួយរយៈពេលនឹងអាចឲ្យមានការប្រមូលទ័ពឡើងវិញ ដែលជាការមិនអាចទទួលយកបានឡើយ ព្រោះទីបំផុត វាផ្ដល់លទ្ធផលបញ្ច្រាសទៅវិញ ។
ប្រធានាធិបតីបារាំងលោកអេម ម៉ានុយ អែលម៉ាក្រុង កាលពីថ្ងៃទី២ មីនា កន្លងទៅ បានលើកពីគំនិតនៃបទឈប់បាញ់គ្នាដំបូងរយៈពេល១ខែ តាមអាកាសតាមជើងទឹក និងការវាយប្រហារលើបណ្ដាហេដ្ឋារចនាសម្ព័ន្ធថាមពល។ ចំណែកសមភាគីអ៊ុយក្រែនលោកវ៉ូឡូឌីមៀរ ហ្សេឡេនស្គី ក៏ស្នើផងដែរ នាថ្ងៃទី៤ មីនា ការដោះលែងបណ្ដាឈ្លើយសឹក ព្រមទាំងការឈប់បាញ់គ្នាក្នុងអាកាសនិងក្នុងសមុទ្រ។
លោកស្រីម៉ារីយ៉ាហ្សាខារ៉ូវ៉ា អះអាងថា ពួកគេស្វែងរកឲ្យទទួលបានដង្ហើមដកមួយ សម្រាប់កងទ័ពអ៊ុយក្រែនដែលកំពុងជួបការលំបាកនៅតាមខ្សែរណសិរ្ស ។ ពេលនោះ អ៊ុយក្រែននឹងប្រើប្រាស់បទឈប់បាញ់បែបនេះ ដើម្បីពង្រឹងសមត្ថភាពយោធារបស់ខ្លួនឡើងវិញ។ ក្នុងសេណារីយ៉ុូនោះជម្លោះនឹងកើតមានឡើងវិញដោយចៀសមិនរួច។
បន្ទាប់ពីការប៉ះទង្គិចពាក្យសម្ដីគ្នាខ្លាំង នៅការិយាល័យពងក្រពើនៃសេតវិមាន ជាមួយប្រធានាធិបតីអាមេរិក លោកដូណាល់ត្រាំ និងអនុប្រធានាធិបតីរបស់លោក លោកហ្សេឡេនស្គី និយាយថា ត្រៀមចាប់ផ្ដើមពិភាក្សាពីសន្តិភាពស្ថិតស្ថេរមួយក្រោមការជ្រោមជ្រែងរបស់ប្រធានាធិបតីអាមេរិក ។
លោកក៏និយាយដែរថា ត្រៀមចុះហត្ថលេខាលើកិច្ចព្រមព្រៀងក្របខណ្ឌមួយ ស្ដីពីការធ្វើអាជីវកម្មធនធានធម្មជាតិនៅអ៊ុយក្រែនជាមួយសហរដ្ឋអាមេរិក ដូចការទាមទាររបស់ក្រុងវ៉ាស៊ីនតោន៕
ចែករំលែកព័តមាននេះ