ជំងឺផ្លូវដង្ហើម ក្លាយជាជំងឺដែលវាយលុកកម្ពុជាខ្លាំងបំផុត ក្នុងឆ្នាំកន្លងទៅ ក្នុងចំណោមជំងឺចំនួន១០ ដែលមានប្រជាជនកម្ពុជាជាច្រើន បានមកទទួលសេវាកម្មពិគ្រោះជំងឺ នៅតាមមន្ទីរពេទ្យរដ្ឋ ។ នេះបើយោងតាមរបាយការណ៍របស់ក្រសួងសុខភាភិបាល ។…
ជំងឺផ្លូវដង្ហើម ក្លាយជាជំងឺដែលវាយលុកកម្ពុជាខ្លាំងបំផុត ក្នុងឆ្នាំកន្លងទៅ ក្នុងចំណោមជំងឺចំនួន១០ ដែលមានប្រជាជនកម្ពុជាជាច្រើន បានមកទទួលសេវាកម្មពិគ្រោះជំងឺ នៅតាមមន្ទីរពេទ្យរដ្ឋ ។ នេះបើយោងតាមរបាយការណ៍របស់ក្រសួងសុខភាភិបាល ។
របាយការណ៍នោះ បានអោយដឹងថា ជំងឺរលាកផ្លូវដង្ហើមស្រួចស្រាវ គឺជាជំងឺបញ្ហាសុខភាពចម្បងច្រើនជាងគេ ដោយជាប់ចំណាក់ថ្នាក់លេខមួយ ក្នុងចំណោមជំងឺទាំង១០ ដែលប្រជាជនមកពិនិត្យជំងឺ ។
របាយការណ៍ក៏បានបន្ថែមទៀតថា នៅឆ្នាំ២០២៤ មានករណីជំងឺរលាកផ្លូវដង្ហើមស្រួចស្រាលចំនួនជិត២,២លានករណី ចំណែកនៅឆ្នាំ២០២៣ វាមានចំនួនត្រឹមជិត២លានករណីប៉ុណ្ណោះ ។ ដូច្នេះប្រជាជនកម្ពុជាត្រូវប្រយ័ត្នអំពីការឆ្លងជំងឺនេះ ។
ជំងឺចំនួន១០ ដែលគិតថា ជាបញ្ហាសុខភាពចម្បងរួមមានជំងឺ ១. រលាកផ្លូវដង្ហើមស្រួចស្រាល់ ២. ជំងឺរលាកក្រពះស្រួចស្រាល់ ៣. ជំងឺលើសសម្ពាធឈាម ៤. រាកគ្មានខ្សោះជាតិទឹក ៥. ជំងឺទឹកនោមផ្អែម ៦. រលាកសួត ៧. រលាកក្រពះរ៉ាំរ៉ៃ ៨. រលាកកផ្លូវដង្ហើមខាងក្រោមផ្សេងៗ ៩. រាគមូល ១០. រលាកសន្លាក់គ្មានខ្ទុះ ៕
ចែករំលែកព័តមាននេះ