សហរដ្ឋអាមេរិក ៖ ភាពតានតឹងផ្ទុះឡើងខ្លាំង ពេលប្រធានាធិបតីអាមេរិកលោកដូណាល់ត្រាំថ្លែងលើកដំបូងក្នុងសភានាថ្ងៃទី៤មីនា ក្រោយវិលចូលកាន់សេតវិមានវិញ ស្រាប់តែសមាជិកសភានៃគណបក្សប្រជាធិបតេយ្យមួយរូប អុកឡុកកាត់ផ្ដាច់សុន្ទរកថារបស់លោកតាំងពីបណ្ដានាទីដំបូង។ ចំណែកសមាជិកសភាគណបក្សប្រឆាំងដទៃៗទៀត បានធ្វើបាតុកម្មដោយលើកបណ្ដាប៉ង់កាត ប្រឆាំងសកម្មភាពរបស់លោកត្រាំនិងដៃស្ដាំលោកអីុឡុនម៉ូស។…
សហរដ្ឋអាមេរិក ៖ ភាពតានតឹងផ្ទុះឡើងខ្លាំង ពេលប្រធានាធិបតីអាមេរិកលោកដូណាល់ត្រាំថ្លែងលើកដំបូងក្នុងសភានាថ្ងៃទី៤មីនា ក្រោយវិលចូលកាន់សេតវិមានវិញ ស្រាប់តែសមាជិកសភានៃគណបក្សប្រជាធិបតេយ្យមួយរូប អុកឡុកកាត់ផ្ដាច់សុន្ទរកថារបស់លោកតាំងពីបណ្ដានាទីដំបូង។ ចំណែកសមាជិកសភាគណបក្សប្រឆាំងដទៃៗទៀត បានធ្វើបាតុកម្មដោយលើកបណ្ដាប៉ង់កាត ប្រឆាំងសកម្មភាពរបស់លោកត្រាំនិងដៃស្ដាំលោកអីុឡុនម៉ូស។
សមាជិកសភារដ្ឋតិចសាស់ ដែលជាអ្នកប្រជាធិបតេយ្យលោកអាល់ហ្គ្រីនបានស្រែកក្នុងសភាដោយលើកឈើច្រត់មួយថា លោកឯងមិនមែនឡើងធ្វើប្រធានាធិបតី ដើម្បីមកកាត់ផ្ដាច់មូលនិធិសន្តិសុខសង្គមឡើយ។ បន្ទាប់ពីការបង្អាក់សុន្ទរកថារបស់ប្រធានាធិបតី និងការស្រែកឡូឡារបស់ពួកអ្នកប្រជាធិបតេយ្យ ពួកអ្នកសាធារណរេដ្ឋបានស្រែកតបវិញថាUSA !USA! USA! ដែលបែបនេះនាំឲ្យមានភាពជ្រួលច្របល់។
សុន្ទរកថាលោកត្រាំត្រូវកាត់ផ្ដាច់មួយរយៈខ្លីហើយប្រធានសភាលោកម៉ៃចនសុន បានធ្វើការព្រមានដល់បណ្ដាសមាជិកសភាថា បណ្ដាលោកអ្នកសុំឲ្យមានការគោរពនិងរក្សាសណ្ដាប់ធ្នា្ប់និងបញ្ឈប់រាល់ការរាំងស្ទះ។ មុនពេលចាប់ផ្ដើមសុន្ទរថារបស់លោកត្រាំមេ្ល៉ះសមាជិកាគណបក្សប្រជាធិបតេយ្យរដ្ឋញូវមិុកសិុកមួយរូបលោកស្រីមីឡានីស្តាប៊ូរីក៏បានសម្ដែងការប្រឆាំងលោកត្រាំដែរ ដោយលើកពីក្រោយលោកត្រាំពេលមកដល់សភានូវប៉ង់កាតមួយដែលសរសេរថា ជននេះមានសតិមិនធម្មតា ។ ពេលនោះសមាជិកសភារដ្ឋតិចសាស់មួយរូប បានទាញយកប៉ង់កាតនោះពីដៃលោកស្រីភ្លាមៗ។
ក្នុងសភាអ្នកប្រជាធិបតេយ្យមួយចំនួនបានស្លៀកពាក់ពណ៌លឿងនិងខៀវជាពណ៌នៃទង់ជាតិអ៊ុយក្រែន សម្ដែងការគាំទ្រអ៊ុយក្រែន ក្រោយប្រធានាធិបតីអាមេរិកសម្រេចកាត់ផ្ដាច់ជំនួយយោធា៕
ចែករំលែកព័តមាននេះ