សង្គ្រាមអ៊ុយក្រែន ៖ ក្រោយពីប្រធានាធិបតីអាមេរិកលោកដូណាល់ ត្រាំ សម្រេចផ្អាកជំនួយយោធាអាមេរិកដល់អ៊ុយក្រែន ដើម្បីធ្វើការគាបសង្កត់លើលោកវ៉ូឡូឌីមៀរ ហ្សេឡេនស្គី មក សហភាពអឺរ៉ុបចង់ជួយអ៊ុយក្រែនដោយជាពិសេសចង់ដកប្រាក់រុស្ស៊ីដែលផ្អឹបទុកច្រើនរយពាន់លានអឹរ៉ូ។ ចាប់តាំងពីរុស្ស៊ីលុកលុយចូលអ៊ុយក្រែនពីខែកុម្ភៈ…
សង្គ្រាមអ៊ុយក្រែន ៖ ក្រោយពីប្រធានាធិបតីអាមេរិកលោកដូណាល់ ត្រាំ សម្រេចផ្អាកជំនួយយោធាអាមេរិកដល់អ៊ុយក្រែន ដើម្បីធ្វើការគាបសង្កត់លើលោកវ៉ូឡូឌីមៀរ ហ្សេឡេនស្គី មក សហ
ភាពអឺរ៉ុបចង់ជួយអ៊ុយក្រែនដោយជាពិសេសចង់ដកប្រាក់រុស្ស៊ីដែលផ្អឹបទុកច្រើនរយពាន់លាន
អឹរ៉ូ។
ចាប់តាំងពីរុស្ស៊ីលុកលុយចូលអ៊ុយក្រែនពីខែកុម្ភៈ ឆ្នាំ២០២២ មក សហភាពអឹរ៉ុបបានដាក់ទណ្ឌកម្មសព្វយ៉ាងលើរុស្ស៊ី ដោយក្នុងចំណោមទណ្ឌកម្មទាំងនោះ មានជាពិសេសការផ្អឹបទុក ប្រាក់រុស្ស៊ីដែលដាក់ក្នុងបណ្ដាធនាគារអឺរ៉ុបប្រមាណជា២៣៥ពាន់លានអឺរ៉ូ។
ប្រាក់ជាភាគហ៊ុនរបស់រុស្ស៊ីទាំងនេះ ដែលផ្អឹបទុកតាំងពីចាប់ផ្ដើមសង្គ្រាមមក អាចដើរតួនាទីគន្លឹះក្នុងជំនួយរបស់ពួកអឺរ៉ុបដល់អ៊ុយក្រែន ក្រោយអាមេរិកផ្អាកជំនួយរបស់ខ្លួន។ ក្រោយអាមេរិកប្រកាសផ្អាកជំនួយដល់អ៊ុយក្រែន សហភាពអឺរ៉ុបមានប្រតិកម្មតប ដោយលាតត្រដាងផែនការមួយសម្រាប់ការបំំពាក់អាវុធជាថ្មីរបស់អឺរ៉ុប ជាមួយការគ្រោងចំណាយប្រាក់ដល់ទៅខ្ទង់៨០០ពាន់លានអឺរ៉ូ។
ពេលដែលការគាបសង្កត់របស់អាមេរិកលើអ៊ុយក្រែនមានកាន់តែខ្លាំង បណ្ដាទ្រព្យសម្បត្តិរុស្សុីដែលផ្អឹបទុក ត្រូវបានគេលើកក្នុងការពិភាក្សារបស់ពួកអឺរ៉ុប សម្រាប់ដកយកទៅជួយអ៊ុយក្រែនដែលកំពុងមានសង្គ្រាម។ មកទល់ពេលនេះការប្រាក់របស់រុស្ស៊ីប្រមាណជា៣ពាន់លានអឺរ៉ូដែលពួកអឺរ៉ុបគ្រប់គ្រង ត្រូវបានដកយកមកផ្ដល់ឲ្យអ៊ុយក្រែនរួចហើយ។
ប៉ុន្តែចំណុចផ្លូវច្បាប់មួយរារាំងអឺរ៉ុបមិនឲ្យធ្វើអ្វីឲ្យលើសពីនេះ ឬមួយរឹបអូសប្រាក់ទាំងនោះ។ សរុបប្រាក់រុស្សុីដែលពួកអឹរ៉ុបផ្អឹបទុកមានខ្ទង់២៣៥ពាន់លានអឺរ៉ូ ក្នុងនោះ២១០ពាន់លានអឺរ៉ូជាប្រាក់តម្កល់របស់ធនាគារកណ្ដាលរុស្សុី្និនិង២៤,៩ពាន់លានអឺរ៉ូជាមូលនិធិឯកជន របស់ពលរដ្ឋរុស្ស៊ីដែលមានឈ្មោះក្នុងបញ្ជីដាក់ទណ្ឌកម្ម។ នេះបើតាមការអះអាងលម្អិតរបស់ក្រុមប្រឹក្សាអឹរ៉ុប។ ។
រហូតមកទល់ពេលនេះទ្រព្យសម្បត្តិទាំងនោះរបស់រុស្ស៊ីដែលផ្អឹបទុក សហភាពអឹរ៉ុបនៅមិនទាន់ដកប្រើនៅឡើយទេ មកពីអភ័យឯកសិទ្ធិអធិបតេយ្យ ដែលការពារបណ្ដារដ្ឋនិងទ្រព្យសម្បត្តិពួកគេ។ មានន័យថា បើទ្រព្យសម្បត្តិត្រូវផ្អឹបទុកគឺគ្រាន់តែមិនអាចផ្ទេរទៅម្ចាស់។ គេអាចដកយកដូចជាការប្រាក់ទៅប្រើបានតែប្រាក់តម្កល់មិនអាចដកយកបានទេ ព្រោះបើធ្វើបែបនេះជាការបំពានចំពោះច្បាប់អន្តរជាតិ។ នេះជាការរំឭករបស់ប្រធានាធិបតីបារាំងលោកអេមម៉ានុយអែលម៉ាក្រុង ពេលជួបជាមួយលោកដូណាល់ត្រាំនាពេលថ្មីៗនេះ៕
ចែករំលែកព័តមាននេះ