ខេត្តព្រះសីហនុ ៖ កាលពីវេលាម៉ោងប្រមាណ៧ព្រឹកថ្ងៃទី៤ ខែមីនា ឆ្នាំ២០២៥ សមត្ថកិច្ចបានទទួលព័ត៌មានថា មានបុរសម្នាក់ត្រូវរថភ្លើងកិនដាច់ជើងម្ខាង នៅលើផ្លូវដែកក្នុងភូមិព្រែកទាល់ ឃុំទឹកថ្លា ស្រុកព្រៃនប់…
ខេត្តព្រះសីហនុ ៖ កាលពីវេលាម៉ោងប្រមាណ៧ព្រឹកថ្ងៃទី៤ ខែមីនា ឆ្នាំ២០២៥ សមត្ថកិច្ចបានទទួលព័ត៌មានថា មានបុរសម្នាក់ត្រូវរថភ្លើងកិនដាច់ជើងម្ខាង នៅលើផ្លូវដែកក្នុងភូមិព្រែកទាល់ ឃុំទឹកថ្លា ស្រុកព្រៃនប់ ។
នេះជាហេតុការណ៍លើកទី២ហើយដែលមានករណីរថភ្លើងកិនមនុស្សដាច់ជើង ដែលករណីទី១បានកើតឡើងកាលពីថ្ងៃទី២ ខែមីនា ២០២៥ នៅស្រុកសង្កែ ខេត្តបាត់ដំបង ដែលបណ្ដាលឱ្យបុរសបរទេសម្នាក់រងគ្រោះ ។ មន្ត្រីនគរបាលប៉ុស្ដិ៍ទឹកថ្លា និយាយថា នៅពេលទទួលបានព័ត៌មាននេះភ្លាម កម្លាំងនគរបាលប៉ុស្ដិ៍សហការជាមួយនគរបាលផ្នែកចរាចរណ៍និងសណ្ដាប់ធ្នាប់ស្រុកព្រៃនប់ បានទៅពិនិត្យដល់កន្លែងកើតហេតុ ។
នៅពេលសាកសួរបានឲ្យដឹងថា កាលពីវេលាម៉ោងប្រមាណ១រំលងអធ្រាត្រថ្ងៃទី៤ ខែមីនានោះ មានបុរសម្នាក់ឈ្មោះ សុក មី អាយុ៤០ឆ្នាំ មានទីលំនៅក្នុងភូមិព្រែកទាល់ ឃុំទឹកថ្លា ស្រុកព្រៃនប់ ខណៈដើរមកដល់ចំណុចខាងលើ បានដេកគងជើងខាងឆ្វេងនៅលើផ្លូវដែកហើយក៏លង់លក់
ទៅ ។
ក្រោយមក មានរថភ្លើង១ខ្សែមកដល់ក៏កិនជើងឆ្វេងដែលគងលើក្បែរផ្លូវដែកនោះបណ្ដាលឱ្យដាច់តែម្ដង ។ជនរងគ្រោះ ត្រូវបានបញ្ជូនទៅមន្ទីរពេទ្យបង្អែកខេត្តកំពត ចំណែករថភ្លើងបានបន្ដដំណើរទៅមុខទៀត ដោយមិនបានឈប់នៅកន្លែងកើតហេតុឡើយ ៕
ចែករំលែកព័តមាននេះ