រាជធានីភ្នំពេញ ៖ កម្មករសំណង់ម្នាក់ បានបោកក្បាលស្លា.ប់នៅនឹងកន្លែង ខណៈពេលដែលជិះម៉ូតូមួយគ្រឿង ទៅបុកជាមួយរថយន្តដឹកទំនិញមួយគ្រឿង នៅចំណុចផ្លូវបំបែកជាបួន ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៦និង១០នាទីព្រឹកថ្ងៃទី០៤…
រាជធានីភ្នំពេញ ៖ កម្មករសំណង់ម្នាក់ បានបោកក្បាលស្លា.ប់នៅនឹងកន្លែង ខណៈពេលដែលជិះម៉ូតូមួយគ្រឿង ទៅបុកជាមួយរថយន្តដឹកទំនិញមួយគ្រឿង នៅចំណុចផ្លូវបំបែកជាបួន ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៦និង១០នាទីព្រឹកថ្ងៃទី០៤ ខែមីនា ឆ្នាំ២០២៥ នៅចំណុចផ្លូវបំបែកជាបួន លើមហាវិថីឌីប៉ុក កែងផ្លូវ៣០ម៉ែត្រ ក្នុងភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ ។
ជនរងគ្រោះ ដែលបាត់បង់ជីវិត ឈ្មោះ ឃួន សាវឿន ភេទប្រុស អាយុ៣០ឆ្នាំ មុខរបរកម្មករសំណង់ ស្នាក់នៅភូមិអង្គខ្ជាយខាងត្បូង ឃុំដាន់គោម ស្រុកអង្គរជ័យ ខេត្តកំពត បានបោកក្បាលស្លា.ប់នៅកន្លែងកើតហេតុ ។
តាមនគរបាលឲ្យដឹងថា គ្រោះថ្នាក់ចរាចរណ៍នេះ រវាងរថយន្តម៉ាកហ៊ីយ៉ានដាយ ពណ៌ស ពាក់ផ្លាកលេខភ្នំពេញ 3F-4339 ចំនួន០១គ្រឿង អ្នកបើកបរឈ្មោះ អ៊ឹម ច័ន្ទរិទ្ធ ភេទប្រុស អាយុ២៩ឆ្នាំ ត្រូវបានឃាត់ខ្លួន និងម៉ូតូម៉ាក HONDA C125 ពណ៌ខ្មៅ ពាក់ស្លាកលេខតាកែវ 1AA-9936 ។
តាមព័ត៌មានបានអោយដឹងថា នៅមុនពេលកើតហេតុ គេឃើញរថយន្ត១គ្រឿងខាងលើ ធ្វើដំណើតាមផ្លូវឌឺប៉ុក ក្នុងទិសដៅពីកើតទៅលិច ។ លុះមកដល់កន្លែងកើតហេតុ កែងផ្លូវ៣០ម៉ែត្រ មានម៉ូតូ០១គ្រឿង របស់ជនរងគ្រោះ បានធ្វើដំណើរក្នុងទិសដៅពីជើងទៅត្បូងមកបុករថយន្តពេញទំហឹង បណ្តាលអោយបោកក្បាលស្លា.ប់នៅកន្លែង។ បន្ទាប់ពីកើតមានគ្រោះថ្នាក់ អ្នកបើកបររថយន្ត និងព្រូម្នាក់បានព្យាយាមបើកគេច រហូតមកដល់បុរីពិភពថ្មីឈូកវ៉ា១ ប្រមាណជាង១គីឡូម៉ែត្រ ត្រូវបានសមត្ថកិច្ចនគរបាលឃាត់ខ្លួន ។
អ្នកបើកបរ និងព្រូ ព្រមទាំងរថយន្ត និងម៉ូតូ ត្រូវបានសមត្ថកិច្ចចុះទៅវាស់វែង បញ្ជូនទៅកាន់ការិយាល័យចររាចរណ៍ផ្លូវគោក ដើម្បីបន្តនីតិវិធី ។ ចំណែកសពជនរងគ្រោះ ត្រូវបានសមត្ថកិច្ចប្រគល់ទៅឲ្យក្រុមគ្រួសារ យកទៅធ្វើបុណ្យតាមប្រពៃណី ៕
ចែករំលែកព័តមាននេះ