រាជធានីភ្នំពេញ ៖ ជនជាតិចិនដីគោកម្នាក់បានស្លា.ប់បាត់បង់ជីវិត ដោយសារតែវង្វេងស្មារតីដើរធ្លាក់ទឹកទន្លេបាសាក់ លុះព្រឹកឡើងថ្ងៃទី៣០ មិថុនា ២០១១ ទើបអណ្តែតទឹកទន្លេមុខវត្តព្រែកប្រា ស្ថិតក្នុងសង្កាត់ព្រែកប្រា ខណ្ឌមានជ័យ ហើយត្រូវបានគេប្រទះឃើញ និងទៅចោមរោមមើលយ៉ាងកកកុញ។ ជនជាតិចិន
រាជធានីភ្នំពេញ ៖ ជនជាតិចិនដីគោកម្នាក់បានស្លាប់បាត់បង់ជីវិត ដោយសារតែវង្វេងស្មារតីដើរធ្លាក់ទឹកទន្លេបាសាក់ លុះព្រឹកឡើងថ្ងៃទី៣០ មិថុនា ២០១១ ទើបអណ្តែតទឹកទន្លេមុខវត្តព្រែកប្រា ស្ថិតក្នុងសង្កាត់ព្រែកប្រា ខណ្ឌមានជ័យ ហើយត្រូវបានគេប្រទះឃើញ និងទៅចោមរោមមើលយ៉ាងកកកុញ។ ជនជាតិចិនដែលស្លាប់ក្នុងឧប្បត្តិហេតុលង់ទឹកស្លាប់ខាងលើនេះ មានឈ្មោះនង ស៊ីហ្វៃ អាយុ២៣ឆ្នាំ គ្មានមុខរបរពិតប្រាកដ បច្ចុប្បន្នស្នាក់នៅស្រុកខ្មែរ ជាមួយឪពុកម្តាយ ជាថៅកែរោងចក្របោកគក់ខោអាវ ស្ថិតនៅក្នុងភូមិអូរអណ្តូង សង្កាត់ព្រែកប្រា ខណ្ឌមានជ័យ ។
តាមការរៀបរាប់របស់ស្ត្រីជាម្តាយសពឈ្មោះនង ស៊ីហ្វៃ បានរៀបរាប់ប្រាប់សមត្ថកិច្ចថា កូនប្រុសរបស់គាត់មានជំងឺសរសៃប្រសាទ ហើយបានបាត់ពីផ្ទះទាំងពីព្រឹកថ្ងៃទី២៩ មិថុនា ២០១១ ម៉្លេះ ។ ប្រភពដដែលបានបន្តថា ពេលបាត់ឈ្មោះនង ស៊ីហ្វៃ ពីផ្ទះនោះ ក្រុមគ្រួសារបានចែកផ្លូវគ្នាដើររកឈ្មោះនង ស៊ីហ្វៃដែរ ប៉ុន្តែរកពុំឃើញ។ លុះព្រឹកថ្ងៃទី៣០ មិថុនា ២០១១ នេះ ក្រុមគ្រួសារបានទទួលដំណឹងថា មានគេប្រទះជើញសពអណ្តែតទឹកនៅតាមដងទន្លេបាសាក់ ហើយក្រុមជនជាតិអ៊ិស្លាមដែលរកស៊ីនេសាទត្រីបានស្រង់ឡើងលើគោក ក៏ទៅពិនិត្យមើល ទើបដឹងថា ជាសពរបស់ឈ្មោះនង ស៊ីហ្វៃ តែម្តង៕
ចែករំលែកព័តមាននេះ