រាជធានីភ្នំពេញ ៖ រថយន្តម៉ាកព្រូស មួយគ្រឿង បានបើកបោះពួយក្នុងល្បឿនលឿន ហើយបុកគ្នាជាមួយម៉ូតូមួយគ្រឿង ដែលបត់ឆ្លងផ្លូវ បណ្ដាលអោយបុរសម្នាក់ ជាអ្នកបើកបរម៉ូតូបានបាត់បង់ជីវិតនៅនឹងកន្លែង ។…
រាជធានីភ្នំពេញ ៖ រថយន្តម៉ាកព្រូស មួយគ្រឿង បានបើកបោះពួយក្នុងល្បឿនលឿន ហើយបុកគ្នាជាមួយម៉ូតូមួយគ្រឿង ដែលបត់ឆ្លងផ្លូវ បណ្ដាលអោយបុរសម្នាក់ ជាអ្នកបើកបរម៉ូតូបានបាត់បង់ជីវិតនៅនឹងកន្លែង ។
ហេតុការណ៍គ្រោះថ្នាក់នេះ បានកើតឡើងនៅវេលាម៉ោង០១និង៣០នាទីរសៀលថ្ងៃទី០៣ ខែមីនា ឆ្នាំ២០២៥ ស្ថិតនៅតាមបណ្តោយផ្លូវបុរីអង្គរ ក្នុងសង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ ។
រថយន្តម៉ាក Toyata Pruis ពណ៌ស ពាក់ស្លាកលេខ ភ្នំពេញ 2CA-1626 បើកបរដោយនារីម្នាក់ ត្រូវបានសមត្ថកិច្ចឃាត់ខ្លួន ។
ជនរងគ្រោះស្លា.ប់ភ្លាមៗ ពុំមិនទាន់ស្គាល់អត្តសញ្ញាណនៅឡើយទេ ជិះម៉ូតូម៉ាក Honda Dream ពណ៌ខ្មៅ ពាក់ស្លាកលេខ ភ្នំពេញ 1 CG- 5202 ។
តាមព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញនារីវ័យក្មេងម្នាក់ បើករថយន្តមួយគ្រឿង ម៉ាក Toyata Pruis ខាងលើ ក្នុងទិសដៅពីត្បូងទៅជើង នៅពេលមកដល់ចំណុចកើតហេតុ ស្រាប់តែមានម៉ូតូមួយគ្រឿង ម៉ាក Honda Dream ពណ៌ខ្មៅ បានបើកឆ្លងផ្លូវ ហើយត្រូវរថយន្តបុកពេញទំហឹង បណ្ដាលឲ្យបោកក្បាល់នឹងកញ្ចក់រថយន្ត និងខ្ទាតជាច្រើនម៉ែត្រ ហើយស្លា.ប់បាត់បង់ជីវិតនៅនឹងកន្លែង តែម្ដង ។
បន្ទាប់ពីកើតហេតុ អ្នកបើកបររថយន្ត ត្រូវបានសមត្ថកិច្ចឃាត់ខ្លួនបញ្ជូនទៅកាន់ការិយាល័យចរាចរណ៍ផ្លូវគោក ដើម្បីបន្តនិតីវិធី ៕
ចែករំលែកព័តមាននេះ