ខេត្តកំពង់ស្ពឺ៖ គ្រាប់បែកប្រភេទMK82 ដែលយន្តហោះបានទម្លាក់កាលពីអំឡុងសម័យលន់ណុល ត្រូវបានគេប្រទះឃើញកប់ជ្រៅក្នុងដីរហូតដល់ទៅ ៥ម៉ែត្រ នៅក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នៅពីល្ងាចថ្ងៃទី២០ ខែកុម្ភៈ…
ខេត្តកំពង់ស្ពឺ៖ គ្រាប់បែកប្រភេទMK82 ដែលយន្តហោះបានទម្លាក់កាលពីអំឡុងសម័យលន់ណុល ត្រូវបានគេប្រទះឃើញកប់ជ្រៅក្នុងដីរហូតដល់ទៅ ៥ម៉ែត្រ នៅក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នៅពីល្ងាចថ្ងៃទី២០ ខែកុម្ភៈ ឆ្នាំ២០២៥។
មន្ត្រីជំនាញCMAC បានបញ្ជាក់ថា វាជាប្រភេទគ្រាប់បែកដែលទម្លាក់ចេញពីយន្តហោះ ដើម្បីសម្លា.ប់មនុស្ស។ គ្រាប់នេះប្រភេទMK82 មានទម្ងន់ប្រមាណ ២៣០គីឡូក្រាម មានរាងទ្រវែង ស្រដៀងទៅនឹងគ្រាប់B52 ដែលទម្លាក់ពីលេីយន្ដហោះនាសម័យសង្គ្រាម សហរដ្ឋអាមេរិកជាមួយវៀតណាមខាងជេីងនៅទីក្រុងភាគខាងត្បូងប្រទេសវៀតណាម បច្ចុប្បន្ន(សាយហ្គន) ។
បើតាមមន្ត្រីជំនាញបានបន្ថែមថា ក្នុងកំឡុងសង្គ្រាមរវាងខ្មែរ និងខ្មែរដែលភាគីម្ខាងបានការគាំទ្រពីសម្ព័ន្ធមិត្ត អាមេរិកកាំង ខ្មែរលន់ណុល ត្រូវបានសម្ព័ន្ធមិត្តដឹកគ្រាប់យកមកទម្លាក់ដើម្បីសម្លាប់ខ្មែរដោយសារតែសង្គ្រាមផ្ទៃក្នុង។
បើតាមលក្ខណៈបច្ចេកទេសគ្រាប់បែកប្រភេទMK82 អ្នកបច្ចេកទេសថា គ្រាប់នេះ គឺនៅមានប្រសិទ្ធិភាពនៅឡើយ ទោះបីជាវាបានកប់ក្នុងដីរាប់ឆ្នាំមកហើយក្តី គ្រាប់នេះមិនអាចដោះបន្សាប និងដឹកជញ្ជូនបានទេ ដោយស្ថានភាពគ្រាប់បែកពេលនេះមានហានិភ័យខ្ពស់ ត្រូវកាត់បន្សាបដោយម៉ាសុីនស្វ័យប្រវត្តិ ហើយត្រូវធ្វើការកម្ទេចនៅហ្នឹងកន្លែងតែម្តង។
ប៉ុន្តែទន្ទឹមនឹងធ្វើការកម្ទេចចោល អាជ្ញាធរត្រូវតែប្រកាស និងអំពាវនាវដល់ប្រជាពលរដ្ឋដែលរស់នៅក្បែរតំបន់នោះឱ្យចាក់ចេញបណ្តោះអាសន្នជាមុនសិន ដើម្បីសុវត្ថិភាពផ្ទាល់ខ្លួន និងហានិភ័យផ្សេងៗ ដោយរង់ចាំក្រុមការងារបញ្ចប់ប្រតិបត្តិការនេះ៕
ចែករំលែកព័តមាននេះ