រាជធានីភ្នំពេញ ៖ ជនសង្ស័យវ័យជិត៦០ឆ្នាំម្នាក់ ត្រូវបានប្រជាពលរដ្ឋឡោមព័ទ្ធចាប់បាន ចំណែកឯបក្ខពួកម្នាក់ទៀត មានវាសនាបានគេចខ្លួនរួច ខណៈដែលជនសង្ស័យ២នាក់នេះ ជិះម៉ូតូ១គ្រឿង ឌុបគ្នាចេញធ្វើសកម្មភាពលួចម៉ូតូ។ ខណៈនោះបានប្រទះឃើញម៉ូតូ១គ្រឿង…
រាជធានីភ្នំពេញ ៖ ជនសង្ស័យវ័យជិត៦០ឆ្នាំម្នាក់ ត្រូវបានប្រជាពលរដ្ឋឡោមព័ទ្ធចាប់បាន ចំណែកឯបក្ខពួកម្នាក់ទៀត មានវាសនាបានគេចខ្លួនរួច ខណៈដែលជនសង្ស័យ២នាក់នេះ ជិះម៉ូតូ១គ្រឿង ឌុបគ្នាចេញធ្វើសកម្មភាពលួចម៉ូតូ។ ខណៈនោះបានប្រទះឃើញម៉ូតូ១គ្រឿង ដែលម្ចាស់ចតទុកនៅចំណុចផ្ទះជួលមួយកន្លែង ក៏បានចូលទៅធ្វើសកម្មភាពកាច់សោ.កម៉ូតូ ប៉ុន្តែសំណាងអាក្រក់ កាច់ជិតបានសម្រេចទៅហើយ ស្រាប់តែប្រជាពលរដ្ឋឃើញទាន់ ។
ហេតុការណ៍នេះបានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង០៨និង៣៥នាទីព្រឹកថ្ងៃទី២១ ខែកុម្ភៈ ឆ្នាំ២០២៥ នៅចំណុចផ្ទះជួលមួយកន្លែង ស្ថិតនៅក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យដែលត្រូវចាប់ខ្លួនមានឈ្មោះ អៀង សុធី អាយុ៥៦ឆ្នាំ មានស្រុកកំណើតនៅភូមិកំពង់រាំង ឃុំកំពង់រាំង ស្រុករលាប្អៀរ ខេត្តកំពង់ឆ្នាំង បច្ចុប្បន្នស្នាក់នៅ មិនពិតប្រាកដ គឺនៅពេលមានលុយដេកនៅផ្ទះសំណាក់ និងពេលគ្មានលុយ ពោលគឺយប់ត្រង់ណា ដេកត្រង់នោះ ។
ក្រោយពេលឃាត់បាន ប្រជាពលរដ្ឋបានប្រគល់ជននេះឲ្យនគរបាលសួរនាំ ហើយនគរបាល បានដកហូតឧបករណ៍សម្រាប់កាច់សោ ក ម៉ូតូ២ដើមផងដែរ ។ ចំណែកបក្ខពួកម្នាក់ទៀតឈ្មោះ ស្វិត មិនដឹងអាយុ និងកន្លែងស្នាក់នៅនោះឡើយ ។ នៅពេលមានការភ្ញាក់ផ្អើល ជនសង្ស័យទី២រូបនោះ បានជិះម៉ូតូ១គ្រឿង ម៉ាកហុងដាឌ្រីមសេ១២៥ ស៊េរីឆ្នាំ២០២០ ពណ៍ខ្មៅ មិនចាំស្លាកលេខ គេចខ្លួនបាត់ដោយសុវត្ថិភាព ។
ប្រជាពលរដ្ឋ បាននិយាយថា នៅមុនពេលកើតហេតុ ជនសង្ស័យ២នាក់នោះ បានជិះម៉ូតូ១គ្រឿងខាងលើ ឌុបគ្នាទៅឈប់នៅមុខផ្ទះជួលកើតហេតុ បន្ទាប់មកជនសង្ស័យឈ្មោះ អៀង សុធី ដែលជាអ្នកជិះខាងក្រោយ បានចុះដើរចូលទៅធ្វើសកម្មភាពកាច់សោ.កម៉ូតូ ១គ្រឿង ម៉ាកហុងដាឌ្រីមសេ១២៥ ស៊េរីឆ្នាំ២០២០ ពណ៍ខ្មៅ ពាក់ស្លាកលេខភ្នំពេញ 1IM-9745 ។ ដោយឡែកបក្ខពួកម្នាក់ទៀតឈ្មោះ ស្វិត ដែលជាអ្នកឌុប បានអង្គុយចាំនៅលើម៉ូតូ ហើយខណៈពេលកំពុងធ្វើសកម្មភាព ត្រូវបានពួកគាត់ នៅជិតនោះឃើញទាន់ ស្រែកបង្កការភ្ញាក់ផ្អើល និងឡោមព័ទ្ធចាប់បានម្នាក់ ឈ្មោះ អៀង សុធី ភ្លាមៗ រួចប្រគល់ជូននគរបាល រីឯម្នាក់ទៀត ឈ្មោះស្វិត ជិះម៉ូតូគេចខ្លួនបាត់តែម្ដង ។
សមត្ថកិច្ច បានប្រាប់ឲ្យដឹងថា ម៉ូតូខាងលើនោះ គឺជាកម្មសិទ្ធិរបស់ឈ្មោះចយ (ឈ្មោះហៅក្រៅ) ហើយកាលពីវេលាយប់ថ្ងៃទី២០ ខែកុម្ភៈ ឆ្នាំ២០២៥ ម្ចាស់ម៉ូតូរូបនេះ បានពឹងឲ្យក្មេងប្រុសជំទង់ម្នាក់ ឈ្មោះឃួន សៅ ស្នាក់នៅបន្ទប់ជួលកើតហេតុខាងលើ ជិះឌុបខ្លួន និងសង្សារទៅដេកនៅផ្ទះសំណាក់មួយកន្លែង។ លុះពេលទៅដល់ឈ្មោះចយ បាននាំសង្សារចូលដេកក្នុងផ្ទះសំណាក់ ហើយបានឲ្យក្មេងប្រុសជំទង់ខាងលើ ជិះម៉ូតូរបស់ខ្លួន ត្រលប់ទៅកាន់ផ្ទះជួលវិញ តែម្នាក់ឯង ហើយក្រោយពេលដល់ផ្ទះជួល ក្មេងប្រុសជំទង់ បានទុកម៉ូតូនៅខាងក្រោម រួចឡើងទៅដេកនៅក្នុងបន្ទប់ជួលជាន់លើ ។
សមត្ថកិច្ច បានប្រាប់ឲ្យដឹងបន្តទៀតថា ហូតដល់ពេលព្រឹកថ្ងៃកើតហេតុ ស្រាប់តែជនសង្ស័យខាងលើ បានទៅធ្វើសកម្មភាពលួចកាច់សោ.ក ម៉ូតូ ប៉ុន្តែសំណាងហើយ ដែលត្រូវបានប្រជាពលរដ្ឋឃើញទាន់ ទើបលួចមិនបាន ហើយជនសង្ស័យម្នាក់ ត្រូវឃាត់ខ្លួន និងបក្ខពួកម្នាក់ទៀតគេចខ្លួនបាត់ ។ ខណៈនោះម្ចាស់ម៉ូតូ មិនទាន់បានដឹងថា ម៉ូតូរបស់ខ្លួនត្រូវចោរលួច មិនបានសម្រេចនោះទេ ព្រោះរវល់ដេកនៅក្នុងផ្ទះសំណាក់ ។
ក្រោយពេលកើតហេតុ នគរបាល បាននាំយកជនសង្ស័យទៅសាកសួរនៅប៉ុស្តិ៍ចោមចៅទី១ និងទទួលពាក្យបណ្ដឹងពីក្មេងប្រុសឈ្មោះ ឃួន សៅ រីឯម៉ូតូរបស់ជនរងគ្រោះ ក៏បាននាំយកទៅរក្សាទុកបណ្ដោះអាសន្ន នៅប៉ុស្តិ៍ ដែរ រង់ចាំម្ចាស់យកឯកសារទៅទទួលយកវិញ នៅពេលក្រោយ ៕
ចែករំលែកព័តមាននេះ