ខេត្តព្រះសីហនុ ៖ ជនសង្ស័យជនជាតិចិនចំនួន4នាក់ ដែលបានបង្កភាពចលាចលផ្ទុះអាវុធនៅក្នុងសណ្ឋាគារណាន់ហៃ កាលពីព្រឹកថ្ងៃទី២១ ខែកុម្ភៈ ឆ្នាំ2025 ត្រូវបានសមត្ថកិច្ចនគរបាលខេត្តព្រះសីហនុ ធ្វើការឃាត់ខ្លួនបានភ្លាមៗ បន្ទាប់ពីពួកគេបានធ្វើសកម្មភាព…
ខេត្តព្រះសីហនុ ៖ ជនសង្ស័យជនជាតិចិនចំនួន4នាក់ ដែលបានបង្កភាពចលាចលផ្ទុះអាវុធនៅក្នុងសណ្ឋាគារណាន់ហៃ កាលពីព្រឹកថ្ងៃទី២១ ខែកុម្ភៈ ឆ្នាំ2025 ត្រូវបានសមត្ថកិច្ចនគរបាលខេត្តព្រះសីហនុ ធ្វើការឃាត់ខ្លួនបានភ្លាមៗ បន្ទាប់ពីពួកគេបានធ្វើសកម្មភាព ដែលហេតុការណ៍ខាងលើ បានកើតឡើងនៅវេលាម៉ោង10 និង15នាទីព្រឹកថ្ងៃទី21 ខែកុម្ភៈ នៅក្នុងសណ្ឋា គារណានហៃ ក្នុងភូមិ១ សង្កាត់លេខ3 ខេត្តព្រះសីហនុ ។
ជុំវិញករណីផ្ទុះអាវុធនេះផងដែរ យោងតាមរបាយការណ៍របស់សមត្ថកិច្ចបានបញ្ជាក់ថា នៅថ្ងៃទី២១ កុម្ភៈ ឆ្នាំ២០២៥ វេលាម៉ោង១០ និង១៤នាទីមានករណីផ្ទុះអាវុធមួយកើតឡើង បង្កដោយជនជាតិចិន នៅចំណុចកាស៊ីណូ និងសណ្ឋាគារណានហៃ ក្នុងភូមិ១ សង្កាត់លេខ៣ ក្រុង ខេត្តព្រះសីហនុ ។
ភ្លាមៗនោះ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនឡរបាលខេត្ត បានបញ្ជាឲ្យកម្លាំងផែនការងារនគរបាលព្រហ្មទណ្ឌ សហការជាមួយកម្លាំងអធិការក្រុងព្រះសីហនុ ចុះទៅកន្លែងកើតហេតុធ្វើការស្រាវជ្រាវ ដោយកំណត់មុខសញ្ញាបានជនសង្ស័យម្នាក់ឡើងជិះរថយន្ត០១គ្រឿង ម៉ាកសឺដែស ពណ៌.ស នៅចំណុចមន្ទីរពេទ្យឯកជនមួយកន្លែង ស្ថិតនៅភូមិ៣ សង្កាត់លេខ២ ក្រុង-ខេត្តព្រះសីហនុ ។
ក្រោយពីបានសាកសួរព័ត៌មាននៅជុំវិញកន្លែងកើតហេតុបានឲ្យដឹងថា នៅវេលាម៉ោង១០និង១៩នាទី នៅក្នុង ហូថេល ណានហៃ ជាន់ទី០២ មានការផ្ទះអាវុធ០១គ្រាប់បង្កឡើងដោយជនជាតិចិន ។ ក្រោយធ្វើសកម្មភាពរួច ជនសង្ស័យបានរត់ចុះមកក្រោម សន្តិសុខធ្វើការនៅទីនោះ បានស្ទាក់ចាប់ តែជនសង្ស័យ បានបាញ់០១គ្រាប់ទៀត រួចរត់ចេញក្រៅសំដៅទៅរថយន្ត ម៉ាកPrius ពណ៌.ស ដែលចតនៅលើផ្លូវខាងក្រៅ ជនសង្ស័យចូលក្នុងរថយន្តបញ្ឆេះអត់ដំណើរការ ទើបជនសង្ស័យបានទូរស័ព្ទហៅមិត្តភក្តិមកយក ។
មធ្យោបាយរត់គេចខ្លួន រថយន្តម៉ាកសឺដែស ពណ៌.ស អត់ស្គាល់ផ្លាកលេខធ្វើដំណើរចេញពីផ្លូវ ប្លូរបេ ឈប់ចាំយកជនសង្ស័យមុខកន្លែងលាងឡាន ជិតស៊ីហ៊ូ រួចបើករត់គេចខ្លួនទៅតាមផ្លូវផ្សារព្រីន ចូលទៅពេទ្យ ហើយកម្លាំងនគរបាលនៃស្នងការដ្ឋាននគរបាលខេត្តព្រះសីហនុ តាមទៅឃាត់ជនសង្ស័យបានម្នាក់់ ជាជនជាតិចិន (រងរបួសផ្ទុះអាវុធ ដោយខ្លួនឯង) ត្រូវ០១គ្រាប់ចំភ្លៅខាងឆ្វេង កំពុងដេកសម្រាកនៅមន្ទីពេទ្យឯកជន និងបក្សពួកចំនួន០៣នាក់ (ចិន២នាក់, ស្រី១នាក់/ខ្មែរ១នាក់ ភេទប្រុស) និងដកហូតរថយន្ត ចំនួន០១គ្រឿងបញ្ជូនទៅស្នងការដ្ឋាន នគរបាលខេត្តព្រះសីហនុ ដើម្បីធ្វើការសាកសួរ និងអនុវត្តនីតិវិធីច្បាប់ រីឯវត្ថុតាងកែវសមត្ថកិច្ចបានរកឃើញរួមមាន៖សំបកគ្រាប់ ចំនួន ២គ្រាប់ និងគ្រាប់ចំនួន ៤គ្រាប់ នៅកន្លែងកើតហេតុ ។
បច្ចុប្បន្ន សមត្ថកិច្ចបាននាំជនជាតិចិនចំនួន០៣នាក់ (ស្រី០១នាក់) និងរថយន្ត០១គ្រឿង យកមកស្នងការដ្ឋាននគរបាលខេត្តព្រះសីហនុ ដើម្បីស្រាវជ្រាវ និងចាត់ការតាមនីតិវិធីច្បាប់។
ចែករំលែកព័តមាននេះ