រាជធានីភ្នំពេញ ៖ គេហទំព័រហ្វេសប៊ុកព្រះសង្ឃមួយអង្គ មានព្រះនាមថា ព្រះគ្រូធម្មាចារ្យ ផលធរោ ផុន ភក្តី បានត្រូវអ្នកលេងបណ្តាញសង្គមយកមបង្ហោះតៗគ្នា ដែលធ្វើឲ្យមានការចាប់អារម្មណ៍ដល់សាធារណជនទៅលើខ្លឹមសារដែលមានសំណេរទាំងស្រុងថា…
រាជធានីភ្នំពេញ ៖ គេហទំព័រហ្វេសប៊ុកព្រះសង្ឃមួយអង្គ មានព្រះនាមថា ព្រះគ្រូធម្មាចារ្យ ផលធរោ ផុន ភក្តី បានត្រូវអ្នកលេងបណ្តាញសង្គមយកមបង្ហោះតៗគ្នា ដែលធ្វើឲ្យមានការចាប់អារម្មណ៍ដល់សាធារណជនទៅលើខ្លឹមសារដែលមានសំណេរទាំងស្រុងថា អាត្មាសូមបិណ្ឌបាត្រក្រសួងពាក់ព័ន្ធ ជាពិសេស សម្តេចក្រឡាហោម ស ខេង សម្តេចអភិសន្តិបណ្ឌិត ស សុខា អាត្មាសូមចម្រើនពរបិណ្ឌបាត្រពីចម្ងាយ សូមសម្តេចជួយឲ្យមន្ត្រីយើងកែប្រែពណ៌អាវខោនេះផង «វាដូចពេក» នាំឲ្យប្រទេសកាន់ព្រះពុទ្ធសាសនាផ្សេងទៀតគេមើលងាយយើង ព្រោះអាចយល់ច្រឡំតែម្តង ក្បាលសក់ ហើយពណ៌សម្លៀកបំពាក់ទៅទាំងព្រមពីលើដល់ក្រោមវាដូចពេក ។
ពណ៌ខោអាវមានច្រើនណាស់ សម្តេចជួយកែប្រែ១ចំណុចនេះផង ជូនពរ ! អាត្មាបិណ្ឌបាត្រ ។ សូមសម្តេចនឹងក្រុមគ្រួសារ កូន ចៅ មានសុខភាពល្អ ជន្មាយុវែង ដើម្បីដឹកនាំជាតិមាតុភូមិយើង ឆ្ពោះទៅរកវឌ្ឍនភាពជានិច្ចនិរន្ទរ៍ ។ អាត្មាធ្វើការរួចរៀបចំសឹងហើយមិញ ដល់បើកមកឃើញភ្ញាក់ស្មានតែព្រះសង្ឃ» ។
សូមជម្រាបថា ថ្មីៗកន្លងមកនេះ សមត្ថកិច្ចនគរបាលតាមបណ្តាខណ្ឌក្នុងរាជធានីភ្នំពេញ បានសហការធ្វើការបង្ក្រាបក្រុមក្មេងទំនើងប្រើដាវ កាំបិត ទ្រនង់ ដំបង អុកឡុកក្នុងមូលដ្ឋាន មានជម្លោះកាប់ចាក់គ្នា និងជក់គ្រឿងញៀន ហើយត្រូវបានសមត្តកិច្ចចាប់បញ្ជូនទៅតុលាការជាច្រើនក្រុម ដើម្បីអនុវត្តតាមនីតិវិធីពាក់ពន្ធបទល្មើសដែលពួកគេប្រព្រឹត្ត តែក៏មានខ្លះត្រូវបានអប់រំ ធ្វើកិច្ចសន្យា ប្រគល់ឲ្យអាណាព្យាបាលយកទៅដុសខាត់បន្ត ។
ក្រុមក្មេងទំនើងដែលសមត្តកិច្ចចាប់បញ្ជូនទៅតុលាការ មួយរយៈក្រោយនេះ ត្រូវបានសមត្តកិច្ចកោសក់ និងទិញសម្លៀកបំពាក់ខោអាវ ពណ៌លឿងទុំ ឲ្យស្លៀកពាក់ ដែលពណ៌នោះប្រហាក់ប្រហែលស្បង់ចីវររបស់ព្រះដែរ ។
បើតាមសមត្តកិច្ចបង្ហើបឲ្យដឹងថា បានជាកោសក់ និងតម្រូវឲ្យក្មេងទំនើងស្លៀកពាក់ខោអាវពណ៌លឿងទុំយ៉ាងដូច្នេះ នោះជាភាពងាយស្រួលក្នុងការចំណាំ ដែលស្ថិតក្នុងឃាត់ខ្លួនបណ្តោះអាសន្ននៅសមត្ថកិច្ច នឹងពេលដឹកចុះឡើងទៅតុលាការរហូតដល់ពន្ធនាគារផុតពីដៃសមត្តកិច្ច ចៀសវាងការច្រឡំ ឬបាត់បង់ចំនួនមនុស្សដោយប្រការណាមួយធ្វើឲ្យមានបញ្ហាកើតឡើងតែប៉ុណ្ណោះទេ ៕
ចែករំលែកព័តមាននេះ