ខេត្តបន្ទាយមានជ័យ ៖ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ កាលពីព្រឹកថ្ងៃទី១៥ ខែកុម្ភៈ ឆ្នាំ២០២៥ បានថ្លែងប្រាប់អ្នកសារព័ត៌មានថា…
ខេត្តបន្ទាយមានជ័យ ៖ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ កាលពីព្រឹកថ្ងៃទី១៥ ខែកុម្ភៈ ឆ្នាំ២០២៥ បានថ្លែងប្រាប់អ្នកសារព័ត៌មានថា សូមបញ្ជាក់ជូនករណីផ្ទុះអាវុធមានជម្លោះជនជាតិចិន និងជនជាតិចិនពីរក្រុមដែលមកតាមបណ្តាខេត្ត ធ្វើសកម្មភាពផ្ទុះអាវុធក្នុងអំពើហិង្សាមួយនៅក្នុងខណ្ឌពោធិសែនជ័យ រាជធានីភ្នំពេញ នៃអគាររតនៈសម្បត្តិ កាលពីថ្ងៃទី១៤ ខែកុម្ភៈ ឆ្នាំ២០២៥ ។
អញ្ចឹងមក ដល់ពេលនេះ កម្លាំងនៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនាយកដ្ឋាននគរបាលព្រហ្មទណ្ឌអគ្គស្នងដ្ឋាននគរបាលជាតិ ដោយអនុវត្តតាមបទបញ្ជាដ៏ខ្ពង់ខ្ពស់ឯកឧត្ត ម នាយឧត្តមសេនីយ៍ ស ថេត អគ្គស្នង នគរបាលជាតិ និងមាន ការដឹកនាំអនុវត្តបញ្ជាផ្ទាល់ដោយឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង ជាស្នងការនគរបាលរាជធានីភ្នំពេញ យើងបានធ្វើការស្រាវជ្រាវ ស៊ើបអង្កេតឈានទៅដល់ការឃាត់ ខ្លួនករណីផ្ទុះអាវុធនេះ ជនជាតិចិនចំនួន៣ នាក់ និងជនជាតិខ្មែរម្នាក់ នៅក្រុងប៉ោយប៉ែត ខេត្តបន្ទាយមានជ័យ ដែលមានការចូលរួមសហការពីកម្លាំងនគរបាលក្រុងប៉ោយប៉ែត និងកម្លាំងនគរបាលខេត្តបន្ទាយមានជ័យ ។
អញ្ចឹងពីយប់មិញនេះ យើងបានធ្វើដំណើរទៅដល់ក្រុងប៉ោយប៉ែត ខេត្តបន្ទាយមានជ័យ ហើយព្រឹកនេះ(ថ្ងៃទី១៥ ខែកុម្ភៈ)យើងនឹងនាំខ្លួនជនសង្ស័យទាំង៤ នាក់នោះមកសួរនាំ នៅស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី ។ ដោយឡែកករណីពាក់ពន្ធក្នុងផ្ទះអាវុធនេះ យើងបានធ្វើការឃាត់ខ្លួនជនសង្ស័យចំនួន៥ នាក់ ដែលមានជនជាតិចិន៤ នាក់ និងជនជាតិខ្មែរម្នាក់ ដើម្បីយកមកសួរនាំទៅតាមការងាររបស់សមត្តកិច្ច ។
ចំណែកសមត្ថកិច្ចនគរបាលខេត្តបន្ទាយមានជ័យបានធ្វើសេចក្តីរាយការណ៍ដែរថា នៅវេលាម៉ោប្រមាណ១៩ និង២៤ នាទីយប់ថ្ងៃទី១៤ ខែកុម្ភៈ ឆ្នាំ២០២៥ ក្រោយពីទទួលបានបទបញ្ជាពីលោកឧត្តមសេនីយ៍ទោ ស្នងការ កម្លាំងជំនាញការិយាល័យនគរ បាលព្រហ្មទណ្ឌកម្រិតធ្ងន់ និងកម្លាំងអធិការដ្ឋាននគរបាលក្រុងប៉ោយប៉ែត បានធ្វើការដេញតាម និងស្ទាក់ឃាត់ខ្លួនជនសង្ស័យជាមុខសញ្ជា កឺកឺ ចំនួន៣ នាក់ និងខ្មែរម្នាក់ ។
ជនសង្ស័យទាំង៤ នាក់នោះមាន ៖
១.ឈ្មោះ សុខ តុលា ភេទប្រុស អាយុ៤០ ឆ្នាំ មុខរបរ ជាតៃកុងឡានរត់តាក់ស៊ីដឹកជនជាតិចិន៣ នាក់ ដែលបាញ់បោះសេរី ពីភ្នំពេញទៅក្រុងប៉ោយប៉ែត ។
២.ឈ្មោះ ZHU DACHUN ភេទប្រុស អាយុ៣៨ ឆ្នាំ
៣.ឈ្មោះ HAN CHONG ភេទប្រុស អាយុ៣៤ ឆ្នាំ
៤.ឈ្មោះ LIU YONG ភេទប្រុស អាយុ៣៦ ឆ្នាំ ។
ជនសង្ស័យទាំង៤ នាក់ត្រូវបានកម្លាំងជំនាញស្ទាក់ឃាត់ខ្លួននៅចំណុចភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមាន ជ័យ រួមជាមួយរថយន្ត១គ្រឿង ម៉ាកលុចសុីស RX ៣៣០ ដោយបានធ្វើការប្រគល់ជូនទៅនគរបាលនៃស្នងការដ្ឋានរាជធានីភ្នំពេញ ដើម្បីយកទៅចាត់ការបន្ត ។
សូមជម្រាបថា យោងតាមព័ត៌មានបឋម មានជនជាតិចិនមិនស្គាល់អត្តសញ្ញាណចំនួន២ ក្រុម មានទំនាស់គ្នា ចំនួន៣ លើក ក្នុងពេលផឹកស៊ីច្រៀងខារ៉ាអូខេនៅក្នុងហាងមួយ កន្លែង ដោយលើកទី១ និងលើកទី២ បានដេញវាយកាប់ចាក់គ្នា ប៉ុន្តែពុំបណ្ដាលឲ្យមានអ្នករងរបួសនោះទេ ហើយក៏ស្ងប់ស្ងាត់ បន្តិចទៅវិញ លុះលើកទី៣ ស្រាប់តែភាគីម្ខាងទៀតមានគ្នា៣ នាក់ បានរត់ទៅយកអាវុធវែង០២ ដើម និ អាវុធខ្លី០១ ដើម ចេញពីក្នុងរថយន្តដែលចតនៅមុខអគារនោះ ទៅដេញបាញ់គូទំ នាស់ ប៉ុន្តែបាញ់អត់ត្រូវ ក៏បាញ់មេឃ១ គ្រាប់ រួចនាំគ្នាជិះរថយន្ត គេចខ្លួនបាត់អស់តែម្ដងទៅ ។
ហេតុការណ៍នោះបានបង្កឡើងឲ្យមានការភ្ញាក់ផ្អើល កាលពីវេលា ម៉ោង១២ ថ្ងៃត្រង់ថ្ងៃទី១៤ ខែកុម្ភៈ ឆ្នាំ ២០២៥ នៅក្នុងហាងខារ៉ា អូខេ មួយកន្លែងស្ថិតក្នុងអគារ«មជ្ឈមណ្ឌល រតនៈសម្បត្តិ»ដែល មានទីតាំងនៅភូមិ តាងួន២ សង្កាត់កាកាបទី១ ខណ្ឌពោធិ៍ សែន ជ័យ រាជធានីភ្នំពេញ ។
ប្រភពដដែលបានប្រាប់ឲ្យដឹងទៀតថា នៅវេលាព្រឹកថ្ងៃកើតហេតុ មានជនជាតិចិន២ ក្រុម បានចូលទៅផឹកស៊ីច្រៀងខារ៉ាអូខេ នៅក្នុងមជ្ឈមណ្ឌលរតនៈសម្បត្តិនោះ ក្រោយមកពុំដឹងថាពួកគេ មានរឿងអ្វីទេ ស្រាប់តែមានទំនាស់គ្នា(កឺកឺ និង កឺកឺ )ឈានដល់ ការដេញវាយកាប់ចាក់គ្នា ម្ដងហើយម្ដងទៀតចំនួន២ ដងទាំង ព្រឹក ប៉ុន្តែមិនបណ្ដាលឲ្យភាគីណារងរបួសទេ ។
ក្រោយពីសភាពការស្ងប់ស្ងាត់បន្តិច នៅវេលាម៉ោង១២ថ្ងៃត្រង់ថ្ងៃដដែល ស្រាប់ តែមានរឿងទំនាស់គ្នាកើតឡើងជាលើកទី៣ ទៀត ។ ពេលនោះទើបភាគីម្ខាងមានគ្នា៣ នាក់ បានរត់ទៅយកកាំភ្លើងវែង(អាកា) ០២ដើម និងកាំភ្លើងខ្លី០១ ដើមចេញពីក្នុងរថយន្ត ដែលចតនៅ មុខអគារនោះ ទៅដេញបាញ់ប្រហារលើគូទំនាស់ ប៉ុន្តែដោយភាគីម្ខាងនោះដឹងខ្លួនទាន់ ក៏នាំគ្នារត់គេចខ្លួនចេញបាត់អស់ទៅ ទើប ក្រុមខ្មាន់កាំភ្លើង៣ នាក់ បាញ់មេឃ១ គ្រាប់ ដើម្បីបន្ធូរកំហឹង រួច ឡើងជិះរថយន្តគេចខ្លួនតែម្តងទៅ ។
ក្រោយពេលសភាពការណ៍ស្ងប់ស្ងាត់បន្តិចទៅ កម្លាំងសមត្ថកិច្ចនគរបាលខណ្ឌពោធិ៍សែនជ័យ បានចុះទៅធ្វើការស្រាវជ្រាវ ដោយបានរកឃើញរថយន្តចំនួ ន២ គ្រឿង ដែលជនជាតិចិនប្លុងចោលនៅម្ដុំជិតកន្លែង កើតហេ តុ ព្រមទាំងបានធ្វើការឃាត់ខ្លួនជនសង្ស័យជាជនជាតិចិន២ នាក់ នាំទៅសាកសួរនៅអធិការដ្ឋាននគរបាលខណ្ឌពោធិ៍សែន ជ័យ ។ ក្នុងហេតុការណ៍នោះ សមត្ថកិច្ចក៏បានរកឃើញអាវុធ AK47 ចំនួន២ ដើម នៅក្នុងរថយន្ត ដែលជនជាតិចិនប្លុងចោល ហើយជនសង្ស័យ និងវត្ថុតាងទាំងអស់នោះ ត្រូវបាននាំទៅកាន់ស្នងការដ្ឋាននគរបាលរាជធានីភ្នំពេញ ដើម្បីចាត់ការបន្ត ។
ចែករំលែកព័តមាននេះ