ខេត្តកំពង់ស្ពឺ ៖ ដោយទទួលបានព័ត៌មានពីប្រជាពលរដ្ឋថា មានក្រុមអ្នកលេងដាវឯក ដេញវាយកាប់គ្នា នៅចំណុចផ្លូវលំ ភូមិត្រពាំងសាលា ឃុំនិទាន ស្រុកបសេដ្ឋ ដោយក្រុមក្មេងទំនើងបានធ្វើសកម្មភាពពួនស្ទាក់…
ខេត្តកំពង់ស្ពឺ ៖ ដោយទទួលបានព័ត៌មានពីប្រជាពលរដ្ឋថា មានក្រុមអ្នកលេងដាវឯក ដេញវាយកាប់គ្នា នៅចំណុចផ្លូវលំ ភូមិត្រពាំងសាលា ឃុំនិទាន ស្រុកបសេដ្ឋ ដោយក្រុមក្មេងទំនើងបានធ្វើសកម្មភាពពួនស្ទាក់ គប់ដុំថ្ម និងយកដាវកែច្នៃ ប្រវែង៥០សង់ម៉ែត្រ កាប់ម៉ូតូជនរងគ្រោះឈ្មោះ ប៉ុន សាល ភេទប្រុស អាយុ២៧ឆ្នាំ រស់នៅភូមិត្រពាំងសាលា ឃុំនិទាន ស្រុកបសេដ្ឋ ខេត្តកំពង់ស្ពឺ ។
លោកវរសេនីយ៍ឯក ចន សុភីត អធិការ នគរបាលស្រុកបសេដ្ឋ បានបញ្ជាឲ្យកម្លាំងអន្ដរាគមន៍បានចេញប្រតិបត្ដិការស្រាវជ្រាវបង្ក្រាបបានមុខសញ្ញាចំនួន០២នាក់ រួមមាន ៖
១-ឈ្មោះ ឌឹម ផាន់ណេត ភេទប្រុស អាយុ ១៧ឆ្នាំ រស់នៅភូមិសាឡាំ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ។
២-ឈ្មោះ សន វុទ្ធី ភេទប្រុស អាយុ ២២ឆ្នាំ រស់នៅភូមិម្រាលត្នោតខាងជើង ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ។
សមត្ថកិច្ចដកហូតវត្ថុតាងមធ្យោបាយជិះធ្វើសកម្មភាព រួមមាន ម៉ូតូ០១ គ្រឿងម៉ាកហុងដាឌ្រីមសេ១២៥ ពណ៌ខ្មៅ សេរីឆ្នាំ២០២០ ស្លាកលេខ ភ្នំពេញ 1IJ -8971 និងដាវកែច្នៃ ០១ដើម ។ រីឯបក្ខពួកដែលរត់គេចខ្លួន សមត្ថកិច្ចកំពុងបន្តស្រាវជ្រាវ ។
បច្ចុប្បន្នជនសង្ស័យ រួមជាមួយវត្ថុតាង ត្រូវបានសមត្ថកិច្ចបានកសាងសំណុំរឿងបញ្ជូនមកការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ចាត់ការតាមនីតិវិធីច្បាប់ ៕
ចែករំលែកព័តមាននេះ