រាជធានីភ្នំពេញ ៖ រថយន្តស៊េរីទំនើបមួយគ្រឿង​ម៉ាក LANG ROVER DEFENDER បើកចូលមកដល់មុខផ្ទះ ក៏ស្រាប់តែឆ្លងចរន្តបង្កជាអគ្គិភ័យឆេះសន្ធោសន្ធៅ ផ្អើលពលរដ្ឋនិងរថយន្តពន្លត់អគ្គិភ័យអន្តរាគមន៍បាញ់ពន្លត់ នៅវេលាម៉ោង១និង៤០នាទីរំលងអធ្រាត្រឈានចូលថ្ងៃទី១០ ខែកុម្ភៈឆ្នាំ២០២៥ នៅក្នុងបុរីThe woods មុខផ្ទះលេខP19 សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។

តាមប្រភពព័ត៌មានពីកន្លែងកើតហេតុបានដឹងថា មុនពេលកើតហេតុរថយន្តម៉ាកLANG ROVER DEFENDER ពណ៌ខ្មៅ ពាក់ស្លាកលេខ កម្ពុជា PLK.0108 គឺបើកនារីម្នាក់បានបើកចេញពីផ្ទះបងប្អូនម្តុំ បុរីសម្បត្តិមានហេង ខណ្ឌច្បារអំពៅ ដើម្បីត្រលប់ផ្ទះក្នុងបុរីខាងលើ លុះរថយន្តបើកដល់មុខផ្ទះរបស់ខ្លួន មិនថាមានបញ្ហាអ្វីនោះទេក៏ស្រាប់តែរថយន្ត​នោះ​គឺបានឆ្លងឆេះចេញពីក្បាលរថយន្តខាងមុខសន្ធោសន្ធៅតែម្ដង ។

ប្រភពដដែលបានបន្តទៀតថា ដោយឃើញហេតុការណ៍នេះហើយ ក៍បានបងប្អូនប្រជាពលរដ្ឋក៍ដូចជាសន្តិសុខដែលយាមក្នុងបុរី នៅទីនោះបានយកបំពង់ពន្លត់អគ្គិភ័យមកបាញ់អស់ជាច្រើនកំពុងតែភ្លើងមិនរលត់នោះទេទើបរាយការណ៍ជូនអាជ្ញាធរមានសមត្ថកិច្ចសុំរថយន្តជំនួយពន្លត់អគ្គិភ័យរបស់សាលាខណ្ឌច្បារអំពៅមួយគ្រឿង ចេញទៅអន្តរាគមន៍បាញ់ពន្លត់រហូតដល់ម៉ោង២និង១០នាទីយប់ថ្ងៃដដែលទើបធ្វើឲ្យ ភ្លើងរលត់ទៅវិញ ។

ក្នុងហេតុការណ៍នេះដែរគឺមិនមានគ្រោះថ្នាក់ដល់មនុស្សណានោះទេគ្រាន់តែឆេះរថយន្តស៊េរីទំនើបអស់ទាំងស្រុងតែប៉ុណ្ណោះ ចំពោះមូលហេតុវិញសមត្ថកិច្ចសង្ស័យ អាចមកពីឆ្លងចរន្តទើបបង្កជាអគ្គិភ័យបែបនេះ ៕