រាជធានីភ្នំពេញ ៖ ផ្ទះជនជាតិអ៊ិស្លាមមួយខ្នងនៅច្រាំងចំរេះ ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឱ្យរងការខូចខាតទាំងស្រុង ខណៈពេលដែលម្ចាស់ផ្ទះចាក់សោទុកចោល។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង១និង២០នាទីរសៀលថ្ងៃទី០៨ ខែកុម្ភៈ ឆ្នាំ២០២៥…
រាជធានីភ្នំពេញ ៖ ផ្ទះជនជាតិអ៊ិស្លាមមួយខ្នងនៅច្រាំងចំរេះ ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឱ្យរងការខូចខាតទាំងស្រុង ខណៈពេលដែលម្ចាស់ផ្ទះចាក់សោទុកចោល។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង១និង២០នាទីរសៀលថ្ងៃទី០៨ ខែកុម្ភៈ ឆ្នាំ២០២៥ នៅចំណុចផ្លូវលំ ភូមិ២ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។ ម្ចាស់ផ្ទះដែលត្រូវភ្លើងឆេះ ឈ្មោះម៉ាន រ៉ូសហានី ភេទស្រី អាយុ ៤៣ឆ្នាំ ជនជាតិ ខ្មែរអ៊ិស្លាម ។
តាមសាក្សីបានអោយដឹងថា នៅមុនពេលកើតហេតុ គេឃើញម្ចាស់ផ្ទះបានចាក់សទុកចោលហើយគេឮសូរសំឡេងផ្ទុះ ភ្លើងក៏បានឆាប់ឆេះយ៉ាងសន្ធោសន្ធៅចេញពីជាន់លើបង្កឲ្យមានការភ្ញាក់ផ្អើលដល់ប្រជាពលរដ្ឋនៅក្បែរខាងនាំគ្នាទៅធាក់ទ្វារជួយពន្លត់និងទាក់ទងរថយន្តពន្លត់អគ្គីភ័យជាច្រើនគ្រឿងទៅអន្តរាគមន៍។
តាមនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍អគ្គីភ័យនេះរថយន្តពន្លត់អគ្គីភ័យចំនួន៧ គ្រឿងក្នុងនោះរថយន្តការិយាល័យពន្លត់អគ្គីភ័យចំនួន០៦គ្រឿង ប្រើប្រាស់ទឹកអស់ចំនួន០៣ឡាន ស្មើរនឹង ១២
ម៉ែត្រគូប និងរថយន្តអគ្គិភ័យរបស់សាលាខណ្ឌឬស្សីកែវ ចំនួន០១គ្រឿង ,ទូកកាណូតពន្លត់អគ្គិភ័យចំនួន០២ទូក បានទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញនៅវេលាម៉ោង ១និង៤០នាទីរសៀលថ្ងៃដដែល។
តាមនគរបាលឲ្យដឹងទៀតថា អគ្គិភ័យនេះបណ្ដាឲ្យផ្ទះមួយខ្នងធ្វើអំពីឈើប្រក់ស័ង្កសី ទំហ៦ម៉ែត្រ x ១០ម៉ែត្រត្រូវភ្លើងឆេះរងការខូចខាតទាំងស្រុង រួមជាមួយសម្ភារមួយចំនួនទៀត តែពុំបណ្ដាលឲ្យឆេះរាលដាដល់ផ្ទះអ្នកជិតខាងឡើយ ។ មូលហេតុដែលកើតមានអគ្គិភ័យនេះបណ្ដាលមកពីឆ្លងចរន្តអគ្គិសនី៕
ចែករំលែកព័តមាននេះ