ខេត្តឧត្តរមានជ័យ ៖ កាលពីថ្ងៃទី១៨ មិថុនា ក្នុងសប្តាហ៍កន្លងទៅនេះ អំណោយគិត ជាទឹកប្រាក់សរុបចំនួន៨៦លាន ១៦២ពាន់៩រយរៀលត្រូវបានលោកជំទាវសុខ កែវ ច័ន្ទសារុន តំណាងដ៏ខ្ពង់ខ្ពស់របស់លោកបណ្ឌិតច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និងព្រះមង្គលបញ្ញា សៅរ៍ តារ៉ាវី ទីប្រឹក្សាសម្តេចព្រះមហាសង្ឃរាជ
ខេត្តឧត្តរមានជ័យ ៖ កាលពីថ្ងៃទី១៨ មិថុនា ក្នុងសប្តាហ៍កន្លងទៅនេះ អំណោយគិត ជាទឹកប្រាក់សរុបចំនួន៨៦លាន ១៦២ពាន់៩រយរៀលត្រូវបានលោកជំទាវសុខ កែវ ច័ន្ទសារុន តំណាងដ៏ខ្ពង់ខ្ពស់របស់លោកបណ្ឌិតច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និងព្រះមង្គលបញ្ញា សៅរ៍ តារ៉ាវី ទីប្រឹក្សាសម្តេចព្រះមហាសង្ឃរាជនៃព្រះរាជាណាចក្រកម្ពុជា រួមទាំងក្រុមការងារគណៈពង្រឹងរបស់គណបក្សប្រជាជនកម្ពុជាចុះជួយស្រុកត្រាំកក់ ខេត្តតាកែវ នាំយកទៅផ្តល់ជូនកងពលលេខ៤២ ដែលកំពុងតែឈរជើងយ៉ាងអង់អាចក្លាហាននៅតំបន់ប្រាសាទតាមាន់់ និងតាក្របី។ ក្នុងចំនួនទឹកប្រាក់ខាងលើនេះ ថវិកាផ្ទាល់របស់លោកជំទាវសុខ កែវ ច័ន្ទ សារុន មានចំនួន ១៥.៤៩៩ដុល្លារ បច្ច័យផ្ទាល់របស់ព្រះមង្គលបញ្ញា សៅរ៍ តារ៉ាវី ចំនួន៣.៥៨៧ដុល្លារ និងថវិការបស់លោកលី អ៊ូលៀង សមាជិកសភាពាណិជ្ជកម្មខេត្តតាកែវ ចំនួន២.០៤០ដុល្លារ។ ក្រៅពីនេះជាថវិកាជំនួយសប្បុរសពីមន្ត្រីក្រោមឱវាទក្រសួងកសិកម្ម ក្រុមការងារចុះជួយស្រុកត្រាំកក់របស់គណបក្សប្រជាជនកម្ពុជា។
ក្នុងដំណើរចុះសួរសុខទុក្ខនេះ គណៈប្រតិភូបាននាំយកអំណោយទាំងថវិកា សម្ភារប្រើប្រាស់ជាច្រើនទៅឧបត្ថម្ភជូនអង្គភាពកងទ័ពកងពលលេខ៤២មាន មីចំនួន៣៥០កេស,ទឹកស៊ីអ៊ីវ ចំនួន១០០កេស, ទឹកត្រីចំនួន១០០កេស, ទឹកបរិសុទ្ធចំនួន២៣៥កេស, ទឹកក្រូចចំនួន១០០កេស, អំបិលចំនួន៦០០គីឡូក្រាម, ត្រីងៀតចំនួន១០០គីឡូក្រាម, ត្រីខចំនួន៤កេស ,ប្រហុកចំនួន១០០គីឡូក្រាម, ផ្អកចំនួន១០០គីឡូក្រាម, ខ្ទឹមសចំនួន១០០គីឡូក្រាម, សាប៊ូចំនួន២០កេស, អាវភ្លៀងចំនួន១០០, ក្រមាចំនួន២៧៨, គ្រាប់ពូជបន្លែ៥មុខចំនួន១០០កញ្ចប់, ចានដែកចំនួន៥,ធុងទឹកកកចំនួន២, បំពង់ទឹកក្តៅចំនួន១, ជ្រញ់ចំនួន៥, ចានមានគ្របចំនួន២, ឆ្នាំងតូចចំនួន១០, ឆ្នាំងធំចំនួន២, កំសៀវចំនួន៤, ចានចំនួន១៦, ថវិកាចំនួន៣.០០០.០០០រៀល។ បានឧបត្ថម្ភពលទាហាននៅប្រាសាទតាមាន់ និងប្រាសាទតាក្របីចំនួន៦៥០នាក់ ក្នុងម្នាក់ៗ ទទួលបានថវិកាចំនួន៣០.០០០រៀល សរុបចំនួន១៩លាន៥សែនរៀល។
ក្រៅពីនេះ គណៈប្រតិភូបានឧបត្ថម្ភដល់អង្គភាពនគរបាលព្រំដែនប្រចាំទិសប្រាសាទតាមាន់ រួមមាន៖ ត្រីខចំនួន២កេស, ទឹកត្រីចំនួន១០យួរ,ទឹកស៊ីអ៊ីវចំនួន១០កេស, ទឹកបរិសុទ្ធចំនួន២០កេស, មីចំនួន២០កេស,ថវិកាចំនួន១.០០០.០០០រៀល។ កម្លាំងប៉ូលិសចំនួន១២នាក់ ក្នុងម្នាក់ៗទទួលបានថវិកាចំនួន២០.០០០រៀល។ មិនមែនតែកងទ័ព និងនគរបាលព្រំដែននោះទេ សូម្បីគ្រួសារកងទ័ពនៅភូមិ អភិវឌ្ឍន៍តាមាន់សែនជ័យក៏បានទទួលជំនួយដ៏ថ្លៃថ្លានេះដែរ ពោលគឺគ្រួសារទ័ពចំនួន៩៥គ្រួសារ ដែលក្នុង១គ្រួសារៗទទួលបាន៖មីចំនួន១កេស, អង្ករចំនួន២០គីឡូក្រាម, ទឹកសុទ្ធ ចំនួន១កេស, ទឹកស៊ីអ៊ីវចំនួន៦ដប, សាប៊ូចំនួន១កញ្ចប់, ក្រមាចំនួន១, គ្រាប់ពូជបន្លែ៥មុខចំនួន១កញ្ចប់, ថវិកាចំនួន៣០.០០០រៀល។
បន្ទាប់ពីសាកសួរសុខទុក្ខកងទ័ព គ្រួសារកងទ័ព នគរបាលព្រំដែនរួច គណៈប្រតិភូបានបន្ត ដំណើរទៅសួរសុខទុក្ខកងទ័ពដែលកំពុងសម្រាកព្យាបាលជំងឺចំនួន២០នាក់ថែមទៀត។ក្នុងនោះកងទ័ពម្នាក់ៗទទួលបាន៖ មីចំនួន១កេស, ទឹកបរិសុទ្ធចំនួន១កេស, ទឹកស៊ីអ៊ីវចំនួន៦ដប, អង្ករចំនួន២០គីឡូក្រាម,សាប៊ូចំនួន១កញ្ចប់, ក្រមាចំនួន១, ត្រីងៀតចំនួន១គីឡូក្រាម, ត្រីខចំនួន៦កំប៉ុង, ថវិកាចំនួន៦០.០០០រៀល។
ជាមួយគ្នានោះដែរក៏បានឧបត្ថម្ភជូនអង្គភាពពេទ្យកងទ័ពប្រចាំទិសប្រាសាទតាមាន់ និងតាក្របីរួមមាន៖ ត្រីខចំនួន២កេស, ទឹកត្រីចំនួន១០យួរ, ទឹកស៊ីអ៊ីវចំនួន១០កេស, ទឹកបរិសុទ្ធចំនួន២០កេស, មីចំនួន២០កេស, អង្ករចំនួន១០០គីឡូក្រាម្រ, ឆ្នាំងចំនួន៥, ចានដែកចំនួន៥,ភួយចំនួន៥,មុងចំនួន១៧, កន្ទេលចំនួន១០,ផ្តិលទឹកចំនួន៣, កំសៀវទឹកចំនួន១, បំពង់ទឹកក្តៅចំនួន១, ធុង និងឃ្នាបចាប់ទឹកកកចំនួន១, កែវចំនួន៥, វែកចំនួន១៣, ខ្ទះចំនួន៣, ចង្អើរអាំងត្រីចំនួន១,កន្ត្រងច្រោះដូងចំនួន១, កន្ថោរចំនួន៣, ខ្នើយចំនួន២, ថវិកាចំនួន២.០០០.០០០រៀល។
ចំពោះបុគ្គលិកដែលបម្រើការងារក្នុងអង្គភាពពេទ្យចំនួន៤នាក់ក្នុងម្នាក់ៗទទួលបាន៖ មីចំនួន១កេស, អង្ករចំនួន២០គីឡូក្រាម, ទឹកបរិសុទ្ធចំនួន១កេស, ទឹកស៊ីអ៊ីវចំនួន៦ដប, សាប៊ូចំនួន១កញ្ចប់, ក្រមាចំនួន១, គ្រាប់ពូជបន្លែ៥មុខចំនួន១កញ្ចប់, ថវិកាចំនួន៣០.០០០រៀល។
ក្នុងពិធីសំណេះសំណាល និងផ្តល់អំណោយនេះ លោកជំទាវ សុខ កែវ ច័ន្ទ សារុន នាំយកសេចក្តីសួរសុខទុក្ខពីសំណាក់សម្តេចទាំងបីគឺ សម្តេចហេង សំរិន សម្តេចជា ស៊ីម សម្តេចហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចតែងតែយកចិត្តទុកដាក់បំផុតអំពីសុខទុក្ខរបស់កងទ័ព។ លោកជំទាវមានប្រសាសន៍ថា ទីណាមានកងទ័ពសម្តេចតេជោ ការលំបាករបស់កងទ័ពគឺជាជំងឺរបស់សម្តេច។ លោកជំទាវបានសម្តែងការកោតសរសើរចំពោះវីរភាពរបស់កងទ័ព ដែលប្រកាន់ខ្ជាប់នូវអនុសាសន៍របស់សម្តេច គឺមួយមិល្លីម៉ែត្រមិនឱ្យបាត់បង់ ហើយមួយមិល្លីម៉ែត្រក៏កុំបំពានគេនោះដែរ។
ក្នុងឱកាសនោះដែរ ព្រះមង្គលបញ្ញា សៅរ៍តារ៉ាវី ទីប្រឹក្សាសមេ្តចព្រះមហាសង្ឃរាជមានថេរដីកាទៅកាន់កងទ័ពថា បន្ទាប់ពីបញ្ចប់ការសិក្សានៅសាលាភូមិន្ទរដ្ឋបាល ដែលទទួលសញ្ញាបត្រផ្ទាល់ពីសម្តេចនាយករដ្ឋមន្ត្រី ព្រះអង្គមានឱកាស និងយកពេលទំនេរនេះ រួមដំណើរជាមួយលោកជំទាវសុខ កែវ ច័ន្ទ សារុន ដើម្បីសួរសុខទុក្ខកងទ័ព។ ព្រះតេជគុណ បន្តទៀតថា សមរភូមិក្រោយ និងសមរភូមិមុខកាន់តែខិតជិតគ្នា នៅកៀកនឹងគ្នា ចិត្តរួមគ្នា សេចក្តីសុខនិងទុក្ខក៏រួមគ្នា តួយ៉ាងដូចពេលនេះជាដើម។ ការដែលអាចរស់នៅកៀកនឹងគ្នាបែបនេះ ក៏បានមកពីការអភិវឌ្ឍ ជាពិសេសប្រព័ន្ធផ្លូវជាតិ និងផ្លូវលំ។ លើសពីនេះ ព្រះអង្គក៏បានថ្លែងអំណរគុណចំពោះលោកបណ្ឌិតច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ ដែលបានបង្កឱកាសឱ្យព្រះអង្គអាចរួមដំណើរជាមួយលោកជំទាវជាភរិយា។ ដូចគ្នានេះដែរ ព្រះមង្គលបញ្ញា ក៏យកឱកាសថ្លែងអំណរគុណចំពោះលោកជំទាវបណ្ឌិតសភាចារ្យខ្លូត ធីតា ប្រធានរាជបណ្ឌិត្យសភាកម្ពុជា និងក្នុងនាមលោកបណ្ឌិតសភាចារ្យសុខ អាន បានទទួលចំណែកមីចំនួន១០០កេស ទឹកបរិសុទ្ធវីតាល់ចំនួន១៧០កេស និងក្រមាចំនួន៤០០៕
ចែករំលែកព័តមាននេះ