រាជធានីភ្នំពេញ ៖ អគ្គិភ័យលេបត្របាក់ផ្ទះបងប្អូនប្រជាពលរដ្ឋ នៅជាន់ទី០២ ខូចខាតស្ទើរទាំងស្រុង នឹងឆេះអស់សម្ភារៈមួយចំនួនធំ តែមិនបង្កអោតមនុស្សរងរបួសនោះឡើយ ។

គ្រោះអគ្គិភ័យនេះបានកើតឡើងកាលពីវេលាម៉ោង ០៨ នឹង៣០នាទីយប់ថ្ងៃទី ២១ ខែមករា ឆ្នាំ២០២៦ តាមបណ្តោយផ្លូវលេខ ៣០៤ សង្កាត់បឹងកេងកងទី០២ ខណ្ឌបឹងកេងកង រាជធានីភ្នំពេញ ។

បើតាមការបញ្ជាក់ពីអ្នកក្បែរខាងទីតាំងឆេះបានប្រាប់អោយដឹងថា គាត់បានធុំក្លិនផ្សែងហ៊ុយចូលផ្ទះរបស់ពួកគាត់ ស្របពេលនោះពួកគាត់រត់ស្ទុះចេញមកក្រៅមើល ក៏ប្រទះឃើញផ្ទះទល់មុខគ្នា កំពុងឆាបឆេះយ៉ាងសន្ធោសន្ធៅ ។ ភ្លាមៗនោះ គាត់បានស្រែកអោយប្រជាពលរដ្ឋ ដទៃទៀតជួយយទុយោទឹកមកបាញ់ តែដោយសារឆេះនៅជាន់ទី០២ កម្លាំងទឹកមកដល់ ។ ទើបគាត់សម្រេចចិត្តរាយការណ៍ទៅកាន់សមត្ថកិច្ចជំនាញ់ពន្លត់អគ្គិភ័យ ដើម្បីចុះមកបង្ការសង្រ្គោះអោយទាន់ពេលវេលា ការពាររាល់ដាលដល់ផ្ទះដទៃ ។

អគ្គិភ័យនេះដែរបានបង្កការខូចខាតផ្ទះប្រភេទថ្មបេតុង សម្ភារៈមួយចំនួនធំ នឹងមានរថយន្តពន្លត់មកដល់ទីតាំងចំនួន០៨គ្រឿង ក្នុងនោះមានរថយន្តរបស់ស្មងការរាជធានី , រថយន្តជំនួយរបស់ទីក្រុងកោះពេជ្រ នឹង រថយន្តរបស់ក្រសួងមហាផ្ទៃ ប្រើប្រាស់អស់ ០៥គ្រឿង បាញ់អោយរលត់ជាស្ថាពរ ។ ចំពោះមូលហេតុ សមត្ថកិច្ចបានស្រាវជ្រាវរកឃើញថា បណ្តាលមកពីឆ្លងចរន្តអគ្គិសនី ៕