សង្គ្រាមអ៉ីរ៉ង់ ៖ ពេលនេះ តើសង្គ្រាមនៅអ៉ីរ៉ង់កំពុងតែឈានទៅបញ្ចប់មែនឬ? ការបញ្ចប់សង្គ្រាមនៅអ៉ីរ៉ង់មានពន្លឺនៃក្ដីសង្ឃឹមហើយ ។ ការចរចាទីបញ្ចប់ប្រកបដោយផ្លែផ្កា សម្រាប់បញ្ចប់សង្គ្រាមនៅមជ្ឈឹមបូព៌ា ដោយសហរដ្ឋអាមេរិក និងអ៉ីរ៉ង់…
សង្គ្រាមអ៉ីរ៉ង់ ៖ ពេលនេះ តើសង្គ្រាមនៅអ៉ីរ៉ង់កំពុងតែឈានទៅបញ្ចប់មែនឬ? ការបញ្ចប់សង្គ្រាមនៅអ៉ីរ៉ង់មានពន្លឺនៃក្ដីសង្ឃឹមហើយ ។ ការចរចាទីបញ្ចប់ប្រកបដោយផ្លែផ្កា សម្រាប់បញ្ចប់សង្គ្រាមនៅមជ្ឈឹមបូព៌ា ដោយសហរដ្ឋអាមេរិក និងអ៉ីរ៉ង់ កាលពីថ្ងៃទី២៤ ឧសភា ស្វែងរកបង្ហើយការតាក់តែងកិច្ចព្រមព្រៀងសន្តិភាពមួយ ។
ក៏ប៉ុន្តែគេនៅមិនទាន់ទុកចិត្តលើគំនិតរបស់ប្រធានាធិបតីអាមេរិក លោកដូណាល់ត្រាំដែលតែងផ្លាស់ប្ដូរជាប់ស្ទើររាល់ថ្ងៃ ។ ប៉ុន្មានថ្ងៃមុននេះ លោកត្រាំនៅនិយាយថា ត្រៀមវាយប្រហារជាថ្មីប្រឆាំងអ៉ីរ៉ង់។ បែបនេះ នាំឲ្យគេមានការប្រុងប្រយ័ត្នខ្លាំង ។
លោកដូណាល់ត្រាំអះអាង កាលពីថ្ងៃទី២៣ ឧសភា ថា កិច្ចព្រមព្រៀងមួយរវាងអាមេរិក និងអ៉ីរ៉ង់ដើម្បីបញ្ចប់សង្គ្រាម កំពុងត្រូវបានចរចាដោយទូលំទូលាយ និងកំពុងឈានទៅបង្ហើយរវាងប្រទេសទាំង២ និងប្រទេសដទៃៗទៀតក្នុងតំបន់។ មុននេះ លោកបានគំរាមជាថ្មីវាយប្រហារអ៉ីរ៉ង់ ប្រសិនបើកិច្ចព្រមព្រៀងមួយមិនអាចសម្រេចបានជាមួយប្រទេសនេះទេនោះ ។
តាមបណ្ដាញសង្គមTRUTH SOCIAL លោកត្រាំថ្លែងថា គម្រោងនៃកិច្ចព្រមព្រៀងនោះក៏រួមបញ្ចូលការបើកច្រកសមុទ្រហ័រមូសឡើងវិញផងដែរ ។ ថ្ងៃទី២៣ ឧសភា លោកត្រាំវាយតមៃ្លថា ភ័ព្វវាសនានៃការសម្រេចបានកិច្ចព្រៀងមួយ ឬបន្តការប្រយុទ្ធគ្នាមាន៥០-៥០ដូចគ្នា ។ ប៉ុន្តែនាថ្ងៃទី២៤ ឧសភា លោកត្រាំបែរជាដូរវោហារដែលមុនថា កិច្ចព្រមព្រៀងមួយសង្ឃឹមសម្រេចបានក្នុងពេលឆាប់ៗ ដោយមកថាខ្ញុំបានស្នើដល់បណ្ដាតំណាងរបស់យើង កុំឲ្យប្រញាប់ប្រញាល់ពេកដើម្បីចុះហត្ថលេខាលើកិច្ចព្រមព្រៀងមួយ ព្រោះពេលវេលាកំពុងតែដើរតួអំណោយផលដល់យើង។
ប៉ុន្មានម៉ោងមុននេះ រដ្ឋមន្ត្រីការបរទេសអាមេរិក លោកម៉ាក្រូរូប៊ីយ៉ូ ដែលមានសុទិដ្ឋិនិយមខ្លាំងបំផុតថ្លែងថា សេចក្ដីប្រកាសមួយអាចធ្វើក្នុងថ្ងៃទី២៤ ឧសភា តែម្ដង ទាក់ទិននឹងកិច្ចព្រមព្រៀងមួយជាមួយអ៉ីរ៉ង់ ។ លោកថា ប៉ុន្មានម៉ោងទៀតពិភពលោកទាំងមូលអាចទទួលបានដំណឹងដ៏ល្អមួយ។ ចំណែកអ្នកនាំពាក្យក្រសួងការបរទេសអ៉ីរ៉ង់វិញក៏អះអាងដែរថា មាននិន្នាការទៅរកការខិតចូលជិតគ្នាជាមួយបណ្ដាជំហរអាមេរិក។
ក្រុងតេហេរ៉ង់កំពុងតែស្ថិតក្នុងដំណាក់កាលចុងក្រោយបង្ហើយពិធីការនៃកិច្ចព្រៀងមួយជាមួយ
អាមេរិក ។ ប៉ុន្តែមិនមានន័យថា យើងនិងអាមេរិកឈានដល់កិច្ចព្រមព្រៀងលើបញ្ហាសំខាន់ៗនៅឡើយ។ អ្នកនាំពាក្យរូបនោះលោកអេស្មាអ៉ីលបាក់ហៃអ៉ីបញ្ជាក់ថា សណុំរឿងនុយក្លេអ៊ែរក្នុងដំណាក់កាលនេះ មិនស្ថិតក្នុងកិច្ចព្រមព្រៀងដែលកំពុងពិភាក្សាគ្នាឡើយ ផ្ទុយពីបញ្ហាលុបបំបាត់ការបិទខ្ទប់ច្រកសមុទ្រហ័រមូស ។
តាមសារព័ត៌មានអាមេរិកថា កិច្ចព្រមព្រៀងនោះនឹងសម្រាលទណ្ឌកម្មលើអ៉ីរ៉ង់។ ទូរទស្សន៍អាមេ
រិក CBS NEWS ដែលដកស្រង់ប្រភពជិតដិតនឹងការចារចាលើកឡើងថា សំណើចុងក្រោយរួមមានការលែងបង្កកភាគហ៊ុនមួយចំនួនរបស់អ៉ីរ៉ង់ក្នុងបណ្ដាធនាគារបរទេស និងការបន្តចរចា៣០ថ្ងៃថែមទៀត។ កិច្ចព្រមព្រៀងនោះ ក៏នឹងអនុញ្ញាតផងដែរដល់បណ្ដានាវាបើកឆ្លងកាត់ច្រកសមុទ្រ
ហ័រមូស ដែលសំខាន់បំផុតសម្រាប់សេដ្ឋកិច្ចពិភពលោក ។ កិច្ចព្រមព្រៀងក៏គ្រោងផងដែរ លុបចោលការហ៊ុមព័ទ្ធកំពង់ផែអ៉ីរ៉ង់ដោយកងនាវាអាមេរិក និងការហ៊ុមព័ទ្ធរបស់អ៉ីរ៉ង់ចាប់តាំងពីមានសង្គ្រាមជាមួយអាមេរិក និងអ៉ីស្រាអែលមក។
ផ្ទុយទៅវិញ ការចរចានៅមិនទាន់ដោះស្រាយបញ្ហានុយក្លេអ៊ែរអ៉ីរ៉ង់ ពោលការស្តុកអ៊ុយរ៉ានីញ៉ូមចម្រាញ់កម្រិតខ្ពស់របស់អ៉ីរ៉ង់ ដែលនឹងជាកម្មវត្ថុនៃការចរចាគ្នាវគ្គក្រោយនាប៉ុន្មានសប្ដាហ៍ ឬប៉ុន្មានខែទៀត ។ ចំពោះបញ្ហាលីបង់់ក៏នៅមិនទាន់ដោះស្រាយដែរ ។ អាមេរិកទាមទារឲ្យអ៉ីរ៉ង់រក្សាទុកតែទីតាំងនុយក្លេអ៊ែរមួយដែលកំពុងមានសកម្មភាព ហើយផ្ទេរអ៊ុយរ៉ានីញ៉ូមចម្រាញ់ខ្ពស់ដែលស្តុកទុកទាំងអស់ទៅកាន់អាមេរិក ៕
ចែករំលែកព័តមាននេះ