ខេត្តសៀមរាប ៖ កម្លាំងកងរាជអាវុធហត្ថខេត្តសៀមរាបបានឃាត់ខ្លួនមនុស្ស២ក្រុម មានគ្នាប្រហែល ១០នាក់ ប្រដាប់ដោយកៅអីជ័រ និងកាំបិតប៉័ងតោ ធ្វើសកម្មភាពវាយគ្នា ប៉ុន្តែមិនមានអ្នកណារងរបួសអ្វីឡើយ រួចយកមកសួរនាំនៅទីបញ្ជាការកងរាជអាវុធហត្ថខេត្តសៀមរា…
ខេត្តសៀមរាប ៖ កម្លាំងកងរាជអាវុធហត្ថខេត្តសៀមរាបបានឃាត់ខ្លួនមនុស្ស២ក្រុម មានគ្នាប្រហែល ១០នាក់ ប្រដាប់ដោយកៅអីជ័រ និងកាំបិតប៉័ងតោ ធ្វើសកម្មភាពវាយគ្នា ប៉ុន្តែមិនមានអ្នកណារងរបួសអ្វីឡើយ រួចយកមកសួរនាំនៅទីបញ្ជាការកងរាជអាវុធហត្ថខេត្តសៀមរា ដើម្បីរៀបចំកសាងសំណុំរឿងបញ្ជូនទៅកាន់តុលាការខេត្ត ចាត់ការបន្តតាមនីតិវិធីច្បាប់នៃក្រមព្រហ្មទណ្ឌ ។
ហេតុការណ៍ខាងលើ កើតឡើងកាលពីវេលាម៉ោង០២រំលងអធ្រាត្រថ្ងៃទី១៥ ខែមករា ឆ្នាំ២០២៥ ស្ថិតនៅចំណុចមុខសណ្ឋាគារតាព្រហ្ម ក្នុងភូមិមណ្ឌល២ សង្កាត់ស្វាយដង្គំ ក្រុង/ខេត្តសៀមរាប ។
បើតាមប្រភពព័ត៌មានពីកម្លាំងកងរាជអាវុធហត្ថជំនាញបានឱ្យនៅរសៀលថ្ងៃទី១៧ ខែមករា នេះថា ក្នុងពេលកម្លាំងជំនាញបានចុះល្បាតប្រទះឃើញមនុស្សចំនួន០២ក្រុមមានគ្នាប្រហែល១០នាក់ ប្រដាប់ដោយកៅអីជ័រ និងកាំបិតតាំងតោបានធ្វើសកម្មភាពវាយគ្នា ប៉ុន្តែមិនមានអ្នកណារបួលស្នាមអ្វីឡើយ ខណៈពេលនោះ កម្លាំងឃាត់ខ្លួនបានមនុស្សចំនួន០៥នាក់ (ស្រី០១នាក់) ក្នុងចំណោម១០នាក់ យកមកសាកសួរនៅទីបញ្ជាការកងរាជអាវុធហត្ថខេត្តសៀមរាប ។
ប្រភពបញ្ជាក់ថា ក្រុមទី០១ មានគ្នា០២នាក់ ៖១-ឈ្មោះ ឡុង បូរ៉ាវិន ភេទប្រុស អាយុ២៧ឆ្នាំ, ២- ឈ្មោះ លាស់ ប៉ូឡែន ភេទប្រុស អាយុ២៦ឆ្នាំ ។ ចំណែកក្រុមទី០២ មានគ្នា០៣នាក់ (ស្រី០១នាក់) ៖១-ឈ្មោះ លីម សុខហៃ ភេទប្រុស អាយុ២៩ឆ្នាំ ២-ឈ្មោះ លីម សុខហៀង ភេទប្រុស អាយុ២៥ឆ្នាំ, ៣-ឈ្មោះ ជាតិ ស្រីណុច ភេទស្រី អាយុ២១ឆ្នាំ ។ អ្នកទាំង៥នាក់នេះ រស់នៅក្នុងក្រុងសៀមរាប ។ចំណែកបក្សមួយចំនួនទៀតគេចខ្លួនបាត់។ វត្ថុតាងដកហូតបានម៉ូតូចំនួន០១គ្រឿង, កាំបិតប៉័ងតោចំនួន ០១, កៅអីជ័រចំនួន០២។ ចំពោះមូលហេតុដោយសារសង្សាចាស់ ឆាតមកសង្សាថ្មី ដៀលថា «អាសំរាម» ។
បច្ចុប្បន្ន ជនសង្ស័យត្រូវបានកម្លាំងការិយាល័យជំនាញនៃកងរាជអាវុធហត្ថខេត្តសៀមរាប កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសទៅតាមច្បាប់៕
ចែករំលែកព័តមាននេះ