ខេត្តត្បូងឃ្មុំ ៖ រថយន្តកូរ៉េមួយគ្រឿងចំណុះមួយតោនកន្លះ មានដឹកប្រេងសាំងនិងម៉ាស៊ូតពេញទ្រុងផ្នែកខាងក្រោយ បើកលើផ្លូវជាតិលេខ៧ ក្នុងទិសដៅពីលិចមកកើត ស្របពេលបើកសុខៗស្រាប់តែឆាបឆេះតែម្ដងនៅត្រង់ចំណុចភូមីអំពុកឃុំក្រែក ស្រុកពញាក្រែក កើតឡើងកាលវេលាម៉ោង២រសៀលថ្ងៃទី៦ មករា…
ខេត្តត្បូងឃ្មុំ ៖ រថយន្តកូរ៉េមួយគ្រឿងចំណុះមួយតោនកន្លះ មានដឹកប្រេងសាំងនិងម៉ាស៊ូតពេញទ្រុងផ្នែកខាងក្រោយ បើកលើផ្លូវជាតិលេខ៧ ក្នុងទិសដៅពីលិចមកកើត ស្របពេលបើកសុខៗស្រាប់តែឆាបឆេះតែម្ដងនៅត្រង់ចំណុចភូមីអំពុកឃុំក្រែក ស្រុកពញាក្រែក កើតឡើងកាលវេលាម៉ោង២រសៀលថ្ងៃទី៦ មករា ឆ្នាំ២០២៥ ។
ក្រោមការបញ្ជាពីលោកឧត្តមសេនីយ៍ស្នងការនគរបាលខេត្ត បានឱ្យរថយន្តពន្លត់អគ្គិភ័យនៃអធិការដ្ឋាននគរបាលស្រុកពញាក្រែកមួយគ្រឿងចេញអន្តរាគមន៍បាញ់ទឹកពន្លត់ ដោយមិនឱ្យនរណាម្នាក់រងគ្រោះថ្នាក់ដល់ជីវិតនោះទេ។
សមត្ថកិច្ចមូលដ្ឋានប្រាប់ឲ្យដឹងថា រថយន្តកូរ៉េមួយគ្រឿងដឹកប្រេងសាំងចំនួន១០កាន និងប្រេងម៉ាស៊ូតចំនួន៣០កាន ។ ដោយបើកបរចេញពីចំណុចភូមិជីមាន់ជើង ដើម្បីដាក់ឲ្យម៉ូយនៅចំណុចភូមិអំពុក ស្របពេលដែលបើកពុំទាន់ដល់គោលដៅផង ភ្លើងបានឆាបឆេះនៅទ្រុងខាងក្រោយពេញទំហឹង បង្កឲ្យមានការភ្ញាក់ផ្អើលដល់មនុស្សម្នានៅក្បែរនោះ ។
សមត្ថកិច្ចមូលដ្ឋានបន្តឲ្យដឹងទៀតថា ក្រោយពេលមានហេតុការណ៍នេះកើតឡើងភ្លាមៗ ឧត្តមសេនីយ៍ស្នងការនគរបាលខេត្តបានបញ្ជាឲ្យលោកវីរសេនីយ៍ឯក ថាញ់ សុខវ៉ាត អធិការនគរបាលស្រុកពញាក្រែកបានដឹកនាំកម្លាំងរថយន្តពន្លត់អគ្គិភ័យដែលប្រចាំការ២៤ម៉ោងលើ២៤ម៉ោង ចេញមកអន្តរាគមន៍បាញ់ទឹកពន្លត់លើរថយន្តដឹកប្រេងដែលឆាបឆេះនោះ ។
តាមរយៈការជួយជ្រោមជ្រែងពីកម្លាំងសមត្ថកិច្ចបានធ្វើឲ្យរថយន្តដឹកប្រេងនោះរលត់ទាំងស្រុងជាស្ថាពរ។ សូមបញ្ជាក់ថា រថយន្តនេះបើកបរដោយឈ្មោះវ៉ា ឃីម ភេទប្រុស អាយុ២១ឆ្នាំ រស់នៅភូមិជីមាន់ជើង ស្របពេលដែលរថយន្តបានឆេះអ្នកបើកបរបានចតរថយន្តអែបផ្លូវ ដោយស្រែកហៅគេឯងឲ្យជួយ។
គិតរហូតមកដល់វេលាម៉ោង៣រសៀលថ្ងៃដដែល រថយន្តកូរ៉េដែលឆេះនេះបានរលត់វិញជាស្ថាពរ ហើយត្រូវបានកម្លាំងនគរបាលស្ទូចយកមករក្សាទុកនៅអធិការដ្ឋាននគរបាលស្រុកពញាក្រែក ។ សមត្ថកិច្ចមូលដ្ឋានបានបញ្ជាក់ឲ្យដឹងនៅចុងក្រោយថា ចំពោះមូលហេតុដែលរថយន្តនេះ ឆាបឆេះសង្ស័យមកពីជាប់ហ្វ្រាំងពេលបើករាងឆ្ងាយក្តៅទើបបណ្ដាលឱ្យឆេះយ៉ាងដូច្នេះ។
ជាមួយនោះ សមត្ថកិច្ចសូមក្រើនរំលឹកដល់អ្នកបើកបររថយន្តដឹកប្រេងឱ្យទៀតមុននឹងចេញទៅណាមកណា ត្រូវមើលត្រួតពិនិត្យរថយន្តឱ្យបានហ្មត់ចត់ ដើម្បីចៀសវាងបង្ការកុំឲ្យមានគ្រោះថ្នាក់កើតឡើងដោយយថាហេតុណាមួយឬក៏ឈានអាចបង្កគ្រោះថ្នាក់ដល់គេឯងតាមដងផ្លូវថែម
ទៀត ។
ចែករំលែកព័តមាននេះ