បន្ទាយមានជ័យ ៖ ឃាត់ខ្លួនជនសង្ស័យម្នាក់ និងបក្ខពួកយកកាំបិតប៉័ងតោកា.ប់ទៅលើបុរសម្នាក់ បណ្តាលរបួសត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៥ ខែមករា ឆ្នាំ២០២៥ ។ លោកវរៈសេនីយ៍ត្រី…
បន្ទាយមានជ័យ ៖ ឃាត់ខ្លួនជនសង្ស័យម្នាក់ និងបក្ខពួកយកកាំបិតប៉័ងតោកា.ប់ទៅលើបុរសម្នាក់ បណ្តាលរបួសត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៥ ខែមករា ឆ្នាំ២០២៥ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យមានឈ្មោះ ម៉ៅ សុឃា ហៅយ៉ា ភេទប្រុស អាយុ៣០ឆ្នាំ រស់នៅភូមិចាន់គីរី សង្កាត់/ក្រុងប៉ោយប៉ែត។
លោកបានបញ្ជាក់ថា ៖ ក្រោយបណ្តឹងឈ្មោះ លាង ប៉ូឡូ (ហៅរតនា)ភេទប្រុស អាយុ៣៣ឆ្នាំ រស់នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែតបានប្តឹងជនសង្ស័យ និងបក្ខពួកបានធ្វើសកម្មភាពយកកាំប៉័ងតោកា.ប់ទៅលើខ្លួន បណ្តាលឱ្យត្រូវដៃជាច្រើនកន្លែង កាលពីថ្ងៃទី០២ ខែមករា ឆ្នាំ២០២៥ នៅចំណុចបន្ទប់ជួលភូមិចាន់គីរី សង្កាត់/ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយទទួលបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានស្រាវជ្រាវឃាត់ខ្លួនជនសង្ស័យម្នាក់ និងបក្ខពួកបានគេចខ្លួន ក្រោយមកឃាត់នៅថ្ងៃទី០៣ ខែមករា ឆ្នាំ២០២៥ នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ហើយបាននាំយកទៅសាកសួរ តាមចម្លើយសារភាពថា ខ្លួនពិតជាបានកា.ប់ទៅលើជនរងគ្រោះ ព្រោះមានទំនាស់ពាក្យសំដី ទើបនាំបក្ខពួកកា.ប់ទៅលើជនរងគ្រោះ បណ្តាលឱ្យរបួសក្រោយសាកសួរត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យអនុវត្តន៍តាមច្បាប់ ៕
ចែករំលែកព័តមាននេះ