ខេត្តស្វាយរៀង ៖ មានករណីឃាតកម្ម​ដ៏ដាហាវបង្កឡើងដោយជនជាតិវៀតណាម១ក្រុមមានគ្នា៥នាក់បានធ្វើសកម្មភាព កាប់ប្រហារជនជាតិវៀតណាមដូចគ្នាធ្វើការនៅកាស៊ីណូជាមួយគ្នា បណ្តាលឲ្យស្លាប់បាត់បង់ជីវិតយ៉ាងរន្ធត់ ។

ករណីខាងលើនេះបានកើតឡើងនៅវេលាម៉ោង៧និង៣៦នាទីយប់ថ្ងៃទី៣​ មករា ឆ្នាំ២០២៥ នៅភូមិចេក ឃុំសំរោង ស្រុកចន្ទ្រា។

បើតាមសមត្ថកិច្ចបានឲ្យដឹងថា ដោយទទួលព័ត៌មានពីប្រជាពលរដ្ឋរាយការណ៍ថា មានករណីអំពើឃាត្តកម្ម នៅផ្ទះជួលមួយកន្លែង គ្រាន់តែទទួលបានព័ត៌មានភ្លាមនៅវេលាម៉ោង​០៨និង​ ០៥​ នាទី​​យប់ថ្ងៃ​ទី​៣​ ខែមករា​ ឆ្នាំ​២០២៥​ សមត្ថកិច្ចបានចុះទៅចំណុចផ្ទះជួល​ មួយកន្លែង ស្ថិតនៅភូមិ​ចេក​ ឃុំសំរោង​ ស្រុកចន្ទ្រា​ ខេត្តស្វាយរៀង​ បានឃាត់ខ្លួន​មនុស្សជាប់សង្ស័យជាជនជាតិវៀតណាម ចំនួន​ ០៥​ នាក់​ ពាក់ព័ន្ធ​ករណី​ ឃាតកម្ម​ នៅវេលាម៉ោង០៧ និង​ ៣៦ នាទី​ ថ្ងៃ​ទី​០៣​ ខែមករា​ ឆ្នាំ​២០២៥​ នៅចំណុចផ្ទះជួល​ ស្ថិតនៅភូមិ​ ឃុំ​ ខាងលេី​ មានដូចខាងក្រោម៖

១-ឈ្មោះ ង្វៀង ឌិនហឺ ភេទប្រុស អាយុ២៨ឆ្នាំ ជនជាតិវៀតណាម មុខរបរចុងភៅ ស្នាក់នៅកាស៊ីណូសៀងហៃ ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
២-ឈ្មោះ តឹង យ៉ាងហាវ ភេទប្រុស អាយុ២៥ឆ្នាំ ជនជាតិវៀតណាម មុខបរបរបុគ្គលិកអនឡាញ ស្នាក់នៅកាស៊ីណូការស៊ីណូសៀងហៃ ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
៣-ឈ្មោះ ចឹង យ៉ាងបាវ ភេទប្រុស អាយុ២២ឆ្នាំ ជនជាតិវៀតណាម មុខរបរបបុគ្គលិកអនឡាញ ស្នាក់នៅកាស៊ីណូសៀងហៃ ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង ។

៤-ឈ្មោះ ហុន ថាយញឹកថាវ ភេទស្រី អាយុ ១៨ ឆ្នាំ ជនជាតិវៀតណាម មុខរបរបុគ្គលិកអនឡាញ ស្នាក់នៅកាស៊ីណូសៀងហៃ ស្នាក់នៅភូមិចេក ឃុំសំរោង ស្រុកចន្ទ្រា ខេត្តស្វាយរៀង ។ ៥-ឈ្មោះវូ បាវង៉ុក ភេទស្រី អាយុ២៥ឆ្នាំ ជនជាតិវៀតណាម មុខរបររត់តុ ស្នាក់នៅកាស៊ីណូសៀងហៃ ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង ។​

សាកសពជនរងគ្រោះឈ្មោះម៉ាយ​ ទៀងដែត ភេទប្រុស​ អាយុ​៣៥ឆ្នំា​ មុខរបរបុគ្គលិកកាស៉ីណូសៀងហៃ​ ជនជាតិវៀតណាម​ មានទីលំនៅស្នាក់នៅបណ្ដោះអាសន្នក្នុងកាស៉ីណូសៀងហៃស្ថិតនៅភូមិ​ចេក​ ឃុំសំរោង​ ស្រុកចន្ទ្រា​ ខេត្តស្វាយរៀង​។

បច្ចុប្បន្ន ជនជាប់សង្ស័យ​ខាងលេី​ សមត្ថកិច្ចការិយាល័យនគបាលកម្រិតធ្ងន់កំពុងចាត់ការតាមនីតិវិធញ ។ រីឯសាកសពជនរងគ្រោះ​ត្រូវបានបញ្ជូនទៅតម្កល់ទុកនៅវត្តស្ទឹងមានជ័យ​ រាជធានី​ភ្នំពេញ​ ដេីម្បីរងចាំក្រុមគ្រួសារមកទទួលយកធ្វេីបុណ្យតាមប្រពៃណី ៕