ខេត្តពោធិ៍សាត់ ៖ ថ្ងៃទី០២ ខែមករា ឆ្នាំ២០២៥ កម្លាំងជំនាញនៃអធិការដ្ឋាននគរបាលក្រុងពោធិ៍សាត់ សហការជាមួយកម្លាំងប៉ុស្តិ៍នគរបាលរដ្ឋបាលស្វាយអាត់ កម្លាំងប៉ុស្តិ៍នគរបាលរដ្ឋបាលផ្ទះព្រៃ និងកម្លាំងប៉ុស្តិ៍នគរបាលរដ្ឋបាលលលកស បានធ្វើការស្រាវជ្រាវ…
ខេត្តពោធិ៍សាត់ ៖ ថ្ងៃទី០២ ខែមករា ឆ្នាំ២០២៥ កម្លាំងជំនាញនៃអធិការដ្ឋាននគរបាលក្រុងពោធិ៍សាត់ សហការជាមួយកម្លាំងប៉ុស្តិ៍នគរបាលរដ្ឋបាលស្វាយអាត់ កម្លាំងប៉ុស្តិ៍នគរបាលរដ្ឋបាលផ្ទះព្រៃ និងកម្លាំងប៉ុស្តិ៍នគរបាលរដ្ឋបាលលលកស បានធ្វើការស្រាវជ្រាវ បង្ក្រាបឃាត់ខ្លួនក្រុមក្មេងទំនើង ចំនួន ០៧នាក់ ពាក់ព័ន្ធករណីហឹង្សាដោយចេតនា និងកាប់យកស្លាកលេខម៉ូតូ កាលពីថ្ងៃទី០១ ខែមករា ឆ្នាំ២០២៥ វេលាម៉ោង០៤ និង៥០នាទីព្រឹក នៅចំណុចហ្គារ៉ាស់ឡាន ស្ថិតក្នុងភូមិ ត្រាង សង្កាត់ស្វាយអាត់ ក្រុងពោធិ៍សាត់។
សមត្ថកិច្ចអោយដឹងថា ក្មេងទំនើងទាំង០៧នាក់មានឈ្មោះ
១-ឈ្មោះ ឈឿម សៅនួន ហៅឃីម ហៅម៉ៅ ភេទប្រុស អាយុ២០ឆ្នាំ មុខរបរ មិនពិតប្រាកដ រស់នៅភូមិអូរការ សង្កាត់ចំរើនផល ក្រុងពោធិ៍សាត់ (អ្នកធ្វើសកម្មភាពចុះកាប់)
២-ឈ្មោះ សុង សិទ្ធស័ក ហៅអាសាក់ ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិផ្ទះព្រៃ សង្កាត់ផ្ទះព្រៃ ក្រុងពោធិ៍សាត់ (អ្នកធ្វើសកម្មភាពគប់ដុំថ្ម)
៣-ឈ្មោះ រ៉សេត ម៉ាអ៊ី ភេទប្រុស អាយុ១៥ឆ្នាំ មុខរបរមិនពិតប្រាកដ រស់នៅភូមិប្រឡាយធំ ឃុំវាល ស្រុកកណ្ដៀង (អ្នកឌុប)
៤-ឈ្មោះ សំបូរ វិច្ឆិកា ហៅតាឡាន់ ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ (អ្នកឌុប)
៥-ឈ្មោះ ឌីម៉ង់ ស្រីពិន ភេទស្រី អាយុ១៧ឆ្នាំ មុខរបរម៉ាស្សា រស់នៅភូមិព្រៃឪម៉ាល់ សង្កាត់រលាប ក្រុងពោធិ៍សាត់ (អ្នកសមគំនិតទទួលលាក់ទុកកន្ទុយស្លាកលេខម៉ូតូជនរងគ្រោះ)
៦-ឈ្មោះ ហួរ ពិទ័រ ភេទប្រុស អាយុ១៦ឆ្នាំ មុខរបរ មិនពិតប្រាកដ រស់នៅភូមិស្ទឹងតូច សង្កាត់រលាប ក្រុងពោធិ៍សាត់ (អ្នកសមគំនិតផ្ដល់ឧបករណ៍ជាកាំបិតកែច្នៃ)
៧-ឈ្មោះ សូត្រ ដេវីត ហៅអាយ៉ត ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ (អ្នកសមគំនិតលាក់កាំបិតកែច្នៃ) ។
វត្ថុតាងដកហូតរួមមានម៉ូតូចំនួន ០២គ្រឿង (ម៉ាកហុងដាដ្រីម សេរីឆ្នាំ២០២២ ពណ៍ខ្មៅ គ្មានស្លាកលេខ និងម៉ាកហុងដាដ្រីម សេរីឆ្នាំ២០១៩ ពណ៍មាស ស្លាកលេខពោធិ៍សាត់ 1J.3120) កាំបិតចំនួន០២(កាំបិតកែច្នៃ)កន្ទុយម៉ូតូជាប់ស្លាកលេខកំពង់ឆ្នាំង 1H.5674 (ជារបស់ជនរងគ្រោះ) ។
បច្ចុប្បន្នជនសង្ស័យ រួមទាំងវត្ថុតាង បានឃាត់ខ្លួន និងរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីបង្កសំណុំរឿង បញ្ចូនទៅសាលាដំបូងខេត្តពោធិ៍សាត់៕
ចែករំលែកព័តមាននេះ