រាជធានីភ្នំពេញ ៖ លោកឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃទ០៣ ខែមករា ឆ្នាំ២០២៥ បានជម្រាបជូននូវសេចក្តីប្រកាសព័ត៌មាន…
រាជធានីភ្នំពេញ ៖ លោកឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃទ០៣ ខែមករា ឆ្នាំ២០២៥ បានជម្រាបជូននូវសេចក្តីប្រកាសព័ត៌មាន ពាក់ពន្ធការសម្រេចចោទប្រកាន់លើក្រុមក្មេងទំនើងឈ្មោះCK កាហ្វេកុង ដែលបានយកដុំថ្មគប់ជនរងគ្រោះ បណ្តាលឲ្យស្លាប់នៅសង្កាត់ចាក់អង្រែក្រោម កាលពីថ្ងៃទី២៨ ខែធ្នូ ឆ្នាំ២០២៤ វេលាម៉ោង១ និង៣០ នាទី មានក្មេងទំនើងមួយក្រុមឈ្មោះ CK កាហ្វេកុង ដែលមានគ្នាចំនួន៥នាក់ បានជិះម៉ូតូចំនួន២គ្រឿង មកដល់ចំណុចចិញ្ចើមផ្លូវលើផ្លូវជាតិលេខ២ ក្រុម៣២ ភូមិទួលរការ៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ក៏ធ្វើសកម្មភាពយកដុំឥដ្ឋតាន់គប់ សំដៅទៅលើជនរងគ្រោះដែលកំពុងធ្វើដំណើរតាមចិញ្ចើមផ្លូវ ត្រូវត្រង់ក្បាលបណ្តាលឲ្យជនរង គ្រោះដួលស្លាប់បាត់បង់ជីវិត ។
បន្ទាប់ពីទទួលបានព័ត៌មាននេះ មន្ត្រីនគរបាលយុត្តិធម៌នៃស្នងការដ្ឋានគរបាលរាជធានីភ្នំពេញ ក៏បានចុះធ្វើការស្រាវជ្រាវ និងឃាត់ខ្លួនជនសង្ស័យចំនួន២នាក់ ១.ឈ្មោះ ភា សុភ័ក្ត្រា ភេទប្រុស កើតឆ្នាំ២០០៣ និង២.ឈ្មោះ សោភ័ណ្ឌ សុភ័ក្ត្រា កើតឆ្នាំ២០០៧ ។ ដោយឡែក ចំពោះជនសង្ស័យផ្សេងទៀត ដែលមានការពាក់ព័ន្ធករណីនេះ សមត្ថកិច្ចបាននិងកំពុងបន្តស្រាវជ្រាវតាមនីតិវិធី ។
ក្រោយពីបានទទួលចាត់ការ និងពិនិត្យលើសំណុំរឿងនេះ តំណាងអយ្យការបានសម្រេចចោទប្រកាន់លើជនជសង្ស័យ១.ឈ្មោះ ភា សុភ័ក្ត្រា ភេទប្រុស កើតឆ្នាំ២០០៣ (ឃាត់ខ្លួន) និង២.ឈ្មោះ សោភ័ណ្ឌ សុភ័ក្ត្រា កើតឆ្នាំ២០០៧ (ឃាត់ខ្លួន) និង៣.បក្ខពួក ពីបទ.ឃាតកម្ម (យកដុំឥដ្ឋតាន់គុបគុបត្រូវក្បាលជនរងគ្រោះបណ្តាលឲ្យស្លាប់) តាមបញ្ញតិមាត្រា ១៩៩ នៃក្រមព្រហ្មទណ្ឌ ។និងបានបញ្ជូនសំណុំរឿងព្រហ្មទណ្ឌខាងលើ ព្រមទាំងជនសង្ស័យទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី ។
បើតាមការពិនិត្យលើការចោទប្រកាន់ក្រុមក្មេងទមនើង២នាក់ រហ័ស្សនាម CK កាហ្វេកុង ពីបទ.ឃាត កម្ម តាមបញ្ញតិមាត្រា១៩៩ នៃក្រមព្រហ្មទណ្ឌ នោះ គឺជាអំពើសម្លាប់មនុស្សដោយចេតនា ដោយប្រើអាវុធ ឬមិនប្រើអាវុធ ដោ យគ្មានស្ថានណាមួយដូចបានកំណត់មាត្រា ២០០ (បទឃាត កម្មគិតទុកជាមុន) ដល់មាត្រា ២០៥ (បទឃាតកម្មដោយមានទារុណកម្ម អំពើឃោឃៅ ឬអំពើរំលោភសេពសន្ថវៈ) នៃក្រមនេះ គឺជាឃាតកម្ម ។
ដូច្នេះ ជនសង្ស័យជាឃាតករទាំង២ នាក់ខាង លើ អាចប្រឈមមុខត្រូវផ្តន្ទាទោសជាប់ពន្ធនាគារ១០ ទៅ១៥ឆ្នាំ ។ សុំថ្ងៃក្រោយកុំរាង ! ៕
ចែករំលែកព័តមាននេះ