រាជធានីភ្នំពេញ ៖ រយៈពេល១សប្តាហ៍ ក្នុងដំណាច់ឆ្នាំ២០២៤ អាវុធហត្ថរាជធានីភ្នំពេញ ក្រោមការបញ្ជាផ្ទាល់ពីលោកឧត្តសេនីយ៍ឯក រ័ត្ន ស្រ៊ាង បានបន្តចុះបង្ក្រាប និងទប់ស្កាត់ក្រុមក្មេងទំនើង…
រាជធានីភ្នំពេញ ៖ រយៈពេល១សប្តាហ៍ ក្នុងដំណាច់ឆ្នាំ២០២៤ អាវុធហត្ថរាជធានីភ្នំពេញ ក្រោមការបញ្ជាផ្ទាល់ពីលោកឧត្តសេនីយ៍ឯក រ័ត្ន ស្រ៊ាង បានបន្តចុះបង្ក្រាប និងទប់ស្កាត់ក្រុមក្មេងទំនើង ជាបន្តបន្ទាប់ ដូចភ្លៀងរលឹម ដោយឃាត់ខ្លួនសរុបចំនួន៦៤នាក់ ដោយបានធ្វើការអប់រំតាមវិធានការការរដ្ឋបាល ចំនួន៥៤នាក់ ពាក់ព័ន្ធការប្រមូលផ្តុំគ្នាកណ្តាលអាធ្រាត មិនចូលផ្ទះ ផឹកស្រា ជក់បារីអេឡិចត្រូនិច(វែប) នៅទីសាធារណៈយ៉ាងអនាធិបតេយ្យ និងបញ្ជូនទៅតុលាការ ចំនួន១០នាក់ ពាក់ព័ន្ធនឹងជម្លោះដេញវាយ និងកាប់គ្នា ។
យោងតាមកងរាជអាវុធហត្ថរាជធានីភ្នំពេញ បានអោយដឹងថា ក្មេងទំនើងទាំង១០នាក់ ដែលអាវុធហត្ថរាជធានីភ្នំពេញ បញ្ជូនទៅតុលាការ រួមមាន ៖
១. ឈ្មោះ ជឹម សុវណ្ណារាជ ភេទប្រុស អាយុ១៦ មុខរបរ មិនពិតប្រាកដ ពាក់ព័ន្ធករណី ប្រើដាវគំរាមកាប់អ្នកដទៃ។
២ .ឈ្មោះ ធី សំណាង ហៅ ណាងស្អុយ អាយុ២០ឆ្នាំ មុខរបរ សិស្ស។
៣. ឈ្មោះ អៀប រតនៈភូល អាយុ ១៧ឆ្នាំ មុខរបរ មិនពិតប្រាកដ។
៤. ឈ្មោះ ផល្លី សុជាតិ អាយុ ១៧ឆ្នាំ មុខរបរ មិនពិតប្រាកដ។
៤. ឈ្មោះ នី អាប់ឌុលអាស៊ីក អាយុ ១៧ឆ្នាំ មុខរបរ មិនពិតប្រាកដ។
៦. ឈ្មោះ ណេត រតនា អាយុ ២០ ឆ្នាំ មុខរបរ បុគ្គលិកហាងស្ទីម។
៧. ឈ្មោះ សុវណ្ណ តារា អាយុ ១៦ឆ្នាំ មុខរបរ សិស្ស ។
៨. ឈ្មោះ គីម ហ៊ុយម៉ីង អាយុ ១៦ឆ្នាំ មុខរបរ សិស្ស។
៩. ឈ្មោះ ជួប សំណាង អាយុ១៧ ឆ្នាំ មុខរបរ សិស្ស។
១០. ឈ្មោះ សេង សុខវិច្ឆិកា អាយុ ១៦ឆ្នាំ មុខរបរ សិស្ស ។
កងរាជអាវុធហត្ថរាជធានីភ្នំពេញ បានបញ្ជាក់ថា ក្មេងទំនើងខាងលើនេះ ជាប់ពាក់ព័ន្ធជាមួយក្រុមកាហ្វេកែងចិន (CKJ) ក្រុមចានហោះ (JH) និងក្រុមមនុស្សតូចៗ (MTT) ដោយធ្វើសកម្មភាព ដេញកាប់ និងវាយគ្នា ក្នុងខណ្ឌច្បារអំពៅ ដោយឡែកបក្ខពួកសេសសល់ ដែលកំពុងរត់គេចខ្លួន និងក្មេងទំនើងដទៃផ្សេងទៀត ដែលបង្កអសន្តិសុខដល់សង្គម អាវុធហត្ថរាជធានីភ្នំពេញ កំពុងស្រាវជ្រាវស្វែងរកចាប់ខ្លួនជាបន្ត ដោយគ្មានការលើកលែង ៕
ចែករំលែកព័តមាននេះ