រាជធានីភ្នំពេញ ៖ តារាសម្តែងអ្នកនាង ដួង ម៉ានិច បានបង្ហាញនូវទឹកចិត្តប្រពៃ ដោយបើកភ្លើងខៀវឱ្យស្វាមីទៅបួសបានគ្រប់ពេលវេលាតាមចិត្តចង់ បើទោះបីជាការបួសនោះធ្វើឡើងក្នុងរយៈពេលយូរ ឬខ្លីក៏ដោយ ក៏អ្នកនាងនឹងមិនរារាំងបំណងរបស់ស្វាមីនោះឡើយ…
រាជធានីភ្នំពេញ ៖ តារាសម្តែងអ្នកនាង ដួង ម៉ានិច បានបង្ហាញនូវទឹកចិត្តប្រពៃ ដោយបើកភ្លើងខៀវ
ឱ្យស្វាមីទៅបួសបានគ្រប់ពេលវេលាតាមចិត្តចង់ បើទោះបីជាការបួសនោះធ្វើឡើងក្នុងរយៈពេលយូរ ឬខ្លីក៏ដោយ ក៏អ្នកនាងនឹងមិនរារាំងបំណងរបស់ស្វាមីនោះឡើយ ។
ការលើកឡើងពីអតីតតារាសម្តែងចូលចិត្តសម្ញែងភាពសិចស៊ីរូបនេះ បានធ្វើឡើងបន្ទាប់ពីស្វាមីរបស់នាងទើបតែសឹក ក្រោយពីបានបួសក្នុងរយៈពេលខ្លីមួយ ដើម្បីបំពេញបុណ្យកុសលដោយបានចាប់ផ្ដើមតាំងពីថ្ងៃទី២០ ខែធ្នូ ឆ្នាំ២០២៤ រហូតមកទល់ថ្ងៃ៣១ ខែធ្នូ ឆ្នាំ ២០២៤ ។
យ៉ាងណា ក្រោយបានបួសក្នុងរយៈពេលខ្លីនាពេលនេះ ស្វាមីរបស់ ដួង ម៉ានិច ហាក់មានការចាប់អារម្មណ៍ពីការបួសនេះ គឺជារឿងល្អខ្លាំង ទើបសម្រេចសុំនាងបួសនៅក្នុងអំឡុងពេលណាមួយបន្ថែមទៀត ។ តាមរយៈសំណេរដែលបានបង្ហោះលើបណ្តា្ញសង្គមតារាសម្តែងនាង ដួង ម៉ានិច បានលើកឡើងថា ហ៊ាឆាត (ស្វាមីនាង) សឹកហើយបងប្អូន គាត់បានប្រាប់ថា ការចូលបួសល្អខ្លាំងណាស់មិនថា រយៈពេលខ្លី ឬវែង ហើយគាត់ក៏បានសុំម៉ាក់និច បើខែណាអត់សូវរវល់ការងារ គាត់សុំទៅបួសអោយបានយូរជាងនឹងទៀត ។
នាងថា បងប្អូនចង់ដឹងចំលើយ ម៉ាក់និច ទេ ម៉ាក់និចព្រមគ្រប់ពេលអោយតែស្វាមីចង់ទៅបួស មិនថាយូរឬឆាប់ក៏ដោយ🙏🙏🙏 ។ នាងបន្តថា ពីរមួយឆ្នាំទៅមួយឆ្នាំលឿនខ្លាំងណាស់ ចឹងចូររស់នៅដោយបញ្ញា មានវាចាល្អការគិតល្អហើយចេះ គ្រប់គ្រាន់នឹងព្រម ដោយមិនបៀតបៀននរណាៗទាំងអស់ ទើបជីវិតល្អប្រសើរ🙏🙏🙏 ។
ជាការកត់សម្គាល់ អ្នកនាង ដួង ម៉ានិច ហាក់កាត់ផ្តាច់ពីវិស័យសិល្បៈស្ទើរទាំងស្រុង បន្ទាប់ពីបានសាងជីវិតគ្រួសារ ហើយមកប្រើជីវិតរស់នៅទីជនបទយ៉ាងសាមញ្ញា ជាមួយនឹងស្វាមីថែមទាំងជ្រះថ្លាជាមួយនឹងព្រះធម៌ទៀត ។ លើសពីនេះ ដួង ម៉ានិច បានបង្ហាញអារម្មណ៍រំភើបចិត្តបន្ទាប់ពីស្វាមីសម្រេចបំណងដោយបានកោរសក់ចូលសាងផ្នួស។
ចាប់តាំងពីរៀបការរួច អ្នកគាំទ្របានឃើញសកម្មភាពរបស់តារាស្រីដួង ម៉ានិច និងស្វាមីវ័យក្មេង ហ៊ាឆាត បានប្រើជីវិតរស់នៅជនបទយ៉ាងមានក្តីសុខជាមួយគ្នានៅឯផ្ទះលំហែរបស់ខ្លួន។ អ្នកទាំងពីរបានបង្ហាញនៅក្នុងវីដេអូពីជីវិតប្រចាំថ្ងៃរបស់ពួកគេជាបន្តបន្ទាប់លើបណ្តាញសង្គម ដោយបង្ហាញពីសកម្មភាពដាំបន្លែបង្ការ ធ្វើម្ហូបជាមួយគ្នា និងសកម្មភាពនានាមួយចំនួនទៀត ។
មិនត្រឹមតែប៉ុណ្ណោះ ប្តីប្រពន្ធមួយគូនេះ គឺមានចិត្តជ្រះថ្លាក្នុងវិស័យពុទ្ធសាសនា និងបានសិក្សារៀនសូត្រធម៌ព្រះអភិធម្មថែមទៀតផង។ តាមរយៈសកម្មភាពនេះ ទស្សនិកជន ជាពិសេស អ្នកគាំទ្ររបស់នាងបានសម្តែងការកោតសរសើរទៅកាន់តារាស្រីរូបនេះដែលបានលះបង់ការរស់នៅបែបស៊ីវិល័យនៅរាជធានី មកប្រើជីវិតយ៉ាងសាមញ្ញានៅជនបទដែលគេមិននឹកស្មានដល់ ៕
ចែករំលែកព័តមាននេះ