ខេត្តបន្ទាយមានជ័យ ៖ ប្រជាកសិករជិត១០០នាក់ បាននាំគ្នាតវ៉ាសុំបើកទ្វារទឹកសំណង់ពោធិ៍២ដើម ដើម្បីបូមទឹកដាក់ស្រូវប្រាំងលើកទី២របស់ពួកគាត់ ដែលកំពុងខ្វះទឹកចំនួន៥០០ហិកតា ។ ការតវ៉ានេះ បានធ្វើឡើងកាលពីថ្ងៃទី១ ខែមករា…
ខេត្តបន្ទាយមានជ័យ ៖ ប្រជាកសិករជិត១០០នាក់ បាននាំគ្នាតវ៉ាសុំបើកទ្វារទឹកសំណង់ពោធិ៍២ដើម ដើម្បីបូមទឹកដាក់ស្រូវប្រាំងលើកទី២របស់ពួកគាត់ ដែលកំពុងខ្វះទឹកចំនួន៥០០ហិកតា ។ ការតវ៉ានេះ បានធ្វើឡើងកាលពីថ្ងៃទី១ ខែមករា ឆ្នាំ២០២៥កន្លងទៅ នៅភូមិពោធិ៍២ដើម ឃុំរហាត់ទឹក ស្រុកមង្គលបុរី ។
ប្រជាកសិករជិត១០០នាក់ បាននាំគ្នាមកតវ៉ានៅសំណង់ពោធិ៍២ដើម ខណៈអាជ្ញាធរនិងមន្ទីរជំនាញមិនព្រមបើកទ្វារទឹកឱ្យពួកគាត់បូមទឹកដាក់ស្រូវប្រាំងលើកទី២ ដែលមានប្រមាណ៥០០ហិកតាកំពុងខ្វះទឹក ហើយបើគ្មានទឹកដាក់ទេ អាចប្រឈមនឹងការខូចមិនអាចទទួលផលបានឡើយ ។ស្រូវប្រាំងប្រមាណ៥០០ហិកតានេះ ជាប្រភេទស្រូវអីុអ៊ែរ៥៤ និងស្រូវសែនក្រអូប ទើបធ្វើបានរយៈពេលជាង១ខែ ហើយនៅប្រមាណជាង២ខែទៀតទើបបានទទួលផល លុះពេលនេះខ្វះទឹកដាក់ ហើយបើអាចដាក់ទឹកបាន១ដងទៅ២ដងគឺអាចសង្ឃឹមទទួលបានផល ។
ក្រោយពីប្រជាកសិករធ្វើការតវ៉ា អាជ្ញាធរ និងមន្ទីរជំនាញបានសម្រេចចិត្តឱ្យបើកទឹករយៈ
ពេល២ថ្ងៃ ទើបអាចបូមចេញពីស្ទឹងរហាត់ទឹកដាក់តាមប្រឡាយនិងបូមដាក់ស្រែបាន តែប្រ
ជាកសិករស្នើសុំបើកទឹករយៈពី៧ទៅ១០ថ្ងៃទើបគ្រប់គ្រាន់ ។
លោក ហោ សំណាង មេឃុំរហាត់ទឹក និយាយថា ប្រជាកសិករជាង៥០នាក់ដែលធ្វើស្រូវប្រាំងលើកទី២នៅផ្នែកខាងលិចស្ទឹងជិត២០០ហិកតានៅឃុំរហាត់ទឹក ស្រុកមង្គលបុរី បានមកសុំបើកទឹកបូមបញ្ចូលស្រូវប្រាំងលើកទី២ ដែលកំពុងប្រឈមនឹងការខ្វះទឹក ។ ពួកគាត់សុំ២ថ្ងៃមកហើយ តែអាជ្ញាធរគ្មានសិទ្ធិសម្រេចបើកទឹកឱ្យ ទើបប្រជាកសិករនាំគ្នាតវ៉ានៅសំណង់ពោធិ៍២ដើមសុំឱ្យបើកទឹក ។
ចំណែក មន្ទីរជំនាញសម្រេចឱ្យប្រជាកសិករបូមទឹកពីផ្នែកខាងក្រោម ដែលស្តុកសម្រាប់ប្រើ
ប្រាស់ ដោយបើកទ្វារតូចសំណង់ពោធិ៍២ដើម បើកទម្លាក់ទឹកមក សម្រាប់ប្រជាកសិករបូមដាក់ស្រូវប្រាំង ទើបប្រជាកសិករស្ងប់អារម្មណ៍ឈប់តវ៉ា ។
មុននេះ ឯកឧត្តម អ៊ុំ រាត្រី អភិបាលខេត្ត បានថ្លែងថា ឯកឧត្តមមិនបានហាមឃាត់ប្រជាកសិ
ករធ្វើស្រូវប្រាំងលើកទី២នោះទេ តែធ្វើយ៉ាងណាកុំឱ្យខ្វះទឹកសម្រាប់ប្រជាពលរដ្ឋប្រើប្រាស់ ។ ឯក
ឧត្តមអភិបាលខេត្ត បានថ្លែងបែបនេះ នៅក្នុងសន្និបាតបូកសរុបការងារឆ្នាំ២០២៤ និងលើកទិសដៅការងារឆ្នាំ២០២៥ កាលពីថ្ងៃទី២៦ ខែធ្នូ ឆ្នាំ២០២៤ នៅសាលប្រជុំសាលាខេត្ត ។
ក្នុងឱកាសនោះ ឯកឧត្តមអភិបាលខេត្ត មានប្រសាសន៍លើកឡើងថា ប្រជាកសិករដែលបង្ក
បង្កើនផលស្រូវប្រាំងលើកទី២ អាជ្ញាធរស្រុក-ក្រុង ឃុំ-សង្កាត់ និងមន្ទីរជំនាញ គួរតែពិនិត្យពិចារណាមើលឱ្យច្បាស់ ព្រោះកន្លងមក នៅពេលដែលប្រជាកសិករសម្រុកធ្វើស្រូវប្រាំងលើកទី២ មានតំបន់ខ្លះប្រឈមនឹងការខ្វះទឹកប្រើប្រាស់ ។យើងមិនបានហាមឃាត់មិនឱ្យធ្វើស្រូវប្រាំងលើក
ទី២ច្រើននោះទេ តែត្រូវសិក្សាមើលពីទំហំការពារទុកជាមុន កុំឱ្យខ្វះទឹកប្រើប្រាស់ ។
ឯកឧត្តមបញ្ជាក់ថា នៅពេលដែលប្រជាពលរដ្ឋខ្វះទឹកប្រើប្រាស់នៅតាមតំបន់ ស្រុក ក្រុង មួយចំនួនក្នុងខេត្តបន្ទាយមានជ័យ រយៈពេលកន្លងមកអាជ្ញាធរខេត្ត និងស្រុក ក្រុង កម្លាំងទាំង៣ស្ថាប័ន បានដឹកទឹកជួយដល់ប្រជាពលរដ្ឋដែលខ្វះទឹកប្រើប្រាស់ ហើយស្រូវប្រាំងមួយចំនួនសុំឱ្យ
អាជ្ញាធរដោះស្រាយទឹកជូន ។ នេះហើយជាបទពិសោធមួយចំនួនដែលអាជ្ញាធរ និងមន្ទីរជំនាញត្រូវចុះសិក្សាពិនិត្យ និងណែនាំប្រជាកសិករដែលធ្វើស្រូវប្រាំងលើកទី២ ខណៈប្រឈមនឹងការខ្វះទឹកប្រើប្រាស់ ។
គួររំឭកថា នៅខេត្តបន្ទាយមានជ័យ ក្នុងឆ្នាំ២០២៤ យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទខេត្ត ប្រជាកសិករដែលបង្កបង្កើនផលស្រូវមិនប្រកាន់រដូវ ឬស្រូវប្រាំងលើកទី២នេះ មានផ្ទៃដីជាង៦ម៉ឺនហិកតា មិនទាន់បានប្រមូលផល ក្នុងនោះមានស្រូវសែនក្រអូបអាយុ៤ខែ និងស្រូវអីុអ៊ែរ៥៤-៥១ អាយុ៣ខែកន្លះ ដែលនឹងទទួលផលជាបណ្តើរៗនៅខែមករា ឆ្នាំ២០២៥នេះ ៕
ចែករំលែកព័តមាននេះ