ក្រោយពេលរលកនៃការរិះគន់ហាក់ស្ងាប់ស្ងាត់បន្តិចនោះ តារាសម្តែងនាង ដេត ស្រីនាឌ បានប្រកាសពីចូលរួមប្រកួតប្រជែងជាថ្មីក្នុងវិស័យបវរកញ្ញាណាមួយ សម្រាប់ឆ្នាំ២០២៥នេះ ក្នុងពេលដែលការវិលមកជាថ្មីរបស់នាងនាពេលនេះ នាងក៏បានតាំងចិត្តខិតខំធ្វើឲ្យបានល្អបំផុត ។ មហាជន…
ក្រោយពេលរលកនៃការរិះគន់ហាក់ស្ងាប់ស្ងាត់បន្តិចនោះ តារាសម្តែងនាង ដេត ស្រីនាឌ បានប្រកាសពីចូលរួមប្រកួតប្រជែងជាថ្មីក្នុងវិស័យបវរកញ្ញាណាមួយ សម្រាប់ឆ្នាំ២០២៥នេះ ក្នុងពេលដែលការវិលមកជាថ្មីរបស់នាងនាពេលនេះ នាងក៏បានតាំងចិត្តខិតខំធ្វើឲ្យបានល្អបំផុត ។
មហាជន ជាពិសេស បណ្តាអ្នកតាមដានវិស័យបវរកញ្ញា បាននាំគ្នារិះគន់យ៉ាងខ្លាំងទៅលើ ដេត ស្រីនាឌ បន្ទាប់ពីនាងបានសម្រេចដើរចេញពីការប្រកួតបវរកញ្ញា Miss Planet ២០២៤ ត្រឹមពាក់កណ្តាលទី បន្ទាប់ពីជួបបាតុភាពចម្រូងចម្រាស់មួយចំនួន ។
ការសម្រេចដកខ្លួននៅក្នុងការប្រកួតពីនេះ កន្លងមក ដេត ស្រីនាឌ ក៏បានចេញមុខធ្វើការបកស្រាយនូវរឿងរ៉ាវមួយចំនួនដែលនៅពីក្រោយខ្នងនៃការដកខ្លួនចេញរបស់នាងត្រឹមពាក់កណ្តាលទីនេះ ហើយនាងក៏បានសុំទោសទៅកាន់ទស្សនិកជនផងដែរ ។
យ៉ាងណា បើទោះបីជាមានការបកស្រាយមូលហេតុនៃការដកខ្លួននេះក៏ដោយ ប៉ុន្តែមហាជនមួយចំនួននៅតែសម្តែងការមិនសប្បាយចិត្តចំពោះរូបនាងនៃការសម្រេចចិត្តដកខ្លួនចេញពីការប្រកួតរបស់នាង ក្នុងនាមកម្ពុជាធ្វើជាម្ចាស់ផ្ទះ ។
ក្រោយរលកនៃការរិះគន់នេះបានស្ងាប់ស្ងាត់បន្តិចនោះ ដេត ស្រីនាឌ ក៏បានប្រកាសពីការចូលរួមប្រកួតក្នុងវិស័យបវរកញ្ញាជាថ្មីម្តងទៀត ខណះពេលដែលនាងក៏បានតាំងចិត្តខិតខំធ្វើឲ្យបានល្អផងដែរ ។
ដោយមិនទាន់បញ្ជាក់ឲ្យបានច្បាស់ពីការចូលរួមកម្មវិធីប្រកួតបវរកញ្ញាណាមួយ ប៉ុន្តែតារាសម្តែងនាង ដេត ស្រីនាឌ បានប្រកាសពីការចូលរួមតាមរយះសំណេរបង្ហោះលើបណ្តាញសង្គមថា ជំរាបសួរ លោកអ៊ុំពូ មីង លោកតាលោកយាយនិង ពុកម៉ែបងប្អូនទាំងអស់គ្នាជាទីស្រឡាញ់ នាងខ្ញុំមិនអាចដូរការគិតរបស់បងប្អូនចំពោះនាងខ្ញុំក្នុងបញ្ហាដែលបានកើតឡើងកន្លងមក ។
ហើយនាងខ្ញុំមិនអាចបកស្រាយអោយអស់សេចក្តីនូវគ្រប់ករណីទេ តែរូបនាងខ្ញុំបានសម្រេចចិត្តថា ឆ្នាំថ្មី ឆ្នាំ ២០២៥ នាងខ្ញុំនឹងជ្រើសរើសការបង្ហាញឆន្ទះរបស់ខ្ញុំចំពោះវិស័យបវរកញ្ញា ក្នុង កម្មវិធី Miss ណាមួយដើម្បីចូលប្រកួត ហើយខិតខំបញ្ចេញអោយអស់ពីសមត្ថភាពនូវអ្វីដែលនាងខ្ញុំមាន និង សូមពុកម៉ែបងប្អូនផ្តល់ឱកាសអោយនាងខ្ញុំបានបង្ហាញនូវឆន្ទះ និង គោលដៅរបស់នាងខ្ញុំដោយការអនុគ្រោះ នាងបញ្ជាក់ថា ខ្ញុំដួលកន្លែងណាខ្ញុំនឹងខំប្រឹងក្រោកឈរនៅកន្លែងនោះ ៕
ចែករំលែកព័តមាននេះ