រាជធានីភ្នំពេញ ៖ ក្មេងៗស្ទាវៗ៣នាក់ជិះម៉ូតូហុងដាឌ្រីម គេចពីក្រុមក្មេងស្ទាវមួយក្រុមទៀតដេញវា.យក៏ជ្រុលទៅបុកនឹងម៉ូតូគុបជ្រុងដែលជិះដោយប្តីប្រពន្ធ២នាក់ បណ្តាលឲ្យម៉ូតូដួលអូសបុកចូលក្រោមគ្រែផ្ទះប្រជាពលរដ្ឋ ធ្វើអោយមានអ្នករងរបួសធ្ងន់ស្រាលចំនួន៥នាក់ នៅវេលាម៉ោង៣និង៥០នាទីទៀបភ្លឺ ថ្ងៃទី២ ខែមករា ឆ្នាំ២០២៥…
រាជធានីភ្នំពេញ ៖ ក្មេងៗស្ទាវៗ៣នាក់ជិះម៉ូតូហុងដាឌ្រីម គេចពីក្រុមក្មេងស្ទាវមួយក្រុមទៀតដេញវា.យក៏ជ្រុលទៅបុកនឹងម៉ូតូគុបជ្រុងដែលជិះដោយប្តីប្រពន្ធ២នាក់ បណ្តាលឲ្យម៉ូតូដួលអូសបុកចូលក្រោមគ្រែផ្ទះប្រជាពលរដ្ឋ ធ្វើអោយមានអ្នករងរបួសធ្ងន់ស្រាលចំនួន៥នាក់ នៅវេលាម៉ោង៣និង៥០នាទីទៀបភ្លឺ ថ្ងៃទី២ ខែមករា ឆ្នាំ២០២៥ នៅចំណុចផ្លូវ៤៣០កែងផ្លូវ៤៣២ សង្កាត់ទំនប់ទឹក ខណ្ឌបឹងកេងកង ។
តាមប្រភពព័ត៌មានបានអោយដឹងថា មុនពេលកើតហេតុគេបានឃើញ ប្តីប្រពន្ធ២នាក់ បានជិះម៉ូតូម៉ាកគុបជ្រុង ពណ៌ស្លែរ ពាក់ស្លាកលេខ ភ្នំពេញ 1AW 8616 បានជិះធ្វើដំណើរតាមបណ្ដោយផ្លូវ៤៣២ ទិសដៅ លិចទៅកើត លុះមកដល់ចំណុចកើតហេតុ ក៏ស្រាប់តែយុវជន៣នាក់បានជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1JY 6982 បានជិះបោះពួយតាមបណ្ដោយផ្លូវ៤៣០ ទិសដៅពីជើងទៅត្បូង លឿនក៏ជ្រុលទៅបុក និងម៉ូតូគុបជ្រុង បណ្ដាលអោយដួលខ្ទាតប្តីប្រពន្ធ២នាក់ រងរបួសក្បាល ត្រូវដឹកតាមម៉ូតូកង់បីយកទៅ
សង្គ្រោះនៅមន្ទីរពេទ្យ ។
ដោយឡែក ខាងម៉ូតូហុងដាឌ្រីម បានដួលអូសប្រហែល២០ម៉ែត្របុកចូលក្រោមគ្រែនៅមុខផ្ទះប្រជាពលរដ្ឋ រងការខូចខាត ព្រមទាំងធ្វើអោយ អ្នកទាំង៣របួសដៃ និងជើងដើរអត់រួច ក៏ត្រូវដឹកតាមម៉ូតូកង់បីយកទៅសង្គ្រោះនៅមន្ទីរពេទ្យដូចគ្នា ។
ករណីនេះផងដែរ ភាគីខាងម៉ូតូក្មេងស្ទាវបានអោយដឹងថា ពួកគេបានជិះម៉ូតូរត់គេចពីក្រុមក្មេងស្ទាវមួយក្រុមទៀត មានគ្នាជាង១០នាក់ពីម្តុំស្តុបបូកគោមកភ័យស្លន់ស្លោក៏ជ្រុលទៅបុកនឹងម៉ូតូគុបជ្រុងដែលជិះដោយប្តីប្រពន្ធ២នាក់តែម្ដងទៅ ។
ក្រោយពេលកើតហេតុ នៅសល់តែមធ្យោបាយត្រូវសមត្ថកិច្ចជំនាញវាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកងរង់ចាំដំណោះស្រាយ ៕
ចែករំលែកព័តមាននេះ