ខេត្តកោះកុង ៖ នៅថ្ងៃទី១៧ ខែតុលា ឆ្នាំ២០២៥ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានត្រៀមរៀបចំទទួលពលករកម្ពុជា ដែលត្រូវខាងភាគីថៃត្រៀម និងបញ្ជូនមកកម្ពុជាវិញ ។…
ខេត្តកោះកុង ៖ នៅថ្ងៃទី១៧ ខែតុលា ឆ្នាំ២០២៥ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានត្រៀមរៀបចំទទួលពលករកម្ពុជា ដែលត្រូវខាងភាគីថៃត្រៀម និងបញ្ជូនមកកម្ពុជាវិញ ។ នេះបើយោងតាមផេក ប៉ុស្តិ៍នគរបាលច្រកទ្វារព្រំដែនអន្តរជាតិចាំយាមបានប្រកាសនាព្រឹកថ្ងៃទី១៧ ខែតុលា ឆ្នាំ២០២៥ ។
ជាមួយគ្នានោះដែរ ប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានបញ្ជាក់ថា ក្នុងនោះដែរ ស្ថាប័នដែលពាក់ព័ន្ធក៏បានរួមសហការគ្នា និងត្រៀមជាស្រេច ក្នុងការទទួលពលករកម្ពុជា ព្រមទាំងសម្របសម្រួលសណ្តាប់ធ្នាប់ របៀបរៀបរយ ដល់ដំណើរចូលប្រទេសរបស់បងប្អូនពលករខ្មែរដែលត្រឡប់មកពីប្រទេសថៃវិញ ប្រកបដោយសុវត្ថិភាព និងជួយជញ្ជូនសម្ភារៈផ្ទាល់ខ្លួនរបស់ពួកគាត់ ពីច្រកទ្វារដល់ទីតាំងរង់ចាំទទួលពលករ ។
សូមរំលឹកថា ៖ អាជ្ញាធរនៅច្រកទ្វារព្រំដែនចាំយាម បានត្រៀមខ្លួនរួចជាស្រេចដើម្បីទទួលស្វាគមន៍ពលករខ្មែរដែលវិលត្រឡប់ពីប្រទេសថៃ ដោយផ្តល់ការសម្របសម្រួលសណ្តាប់ធ្នាប់ និងជំនួយក្នុងការដឹកជញ្ជូនសម្ភារៈផ្ទាល់ខ្លួនរបស់ពួកគេប្រកបដោយសុវត្ថិភាព ៕
ចែករំលែកព័តមាននេះ