ឥណ្ឌា-អាមេរិក ៖ តើឥណ្ឌាចាប់ពីពេលនេះទៅ កាត់បន្ថយការទិញប្រេងរុស្ស៊ីដូចការអះអាង កាលពីថ្ងៃទី១៥តុលា របស់ប្រធានាធិបតីអាមេរិកលោកដូណាល់ត្រាំមែនឬ? យោងតាមកាសែតឥណ្ឌាTHE HINDUថា រដ្ឋាភិបាលឥណ្ឌាមិនបដិសេធ ហើយក៏មិនអះអាងព័ត៌មាននោះដែរ។…
ឥណ្ឌា-អាមេរិក ៖ តើឥណ្ឌាចាប់ពីពេលនេះទៅ កាត់បន្ថយការទិញប្រេងរុស្ស៊ីដូចការអះអាង កាលពីថ្ងៃទី១៥តុលា របស់ប្រធានាធិបតីអាមេរិកលោកដូណាល់ត្រាំមែនឬ?
យោងតាមកាសែតឥណ្ឌាTHE HINDUថា រដ្ឋាភិបាលឥណ្ឌាមិនបដិសេធ ហើយក៏មិនអះអាងព័ត៌មាននោះដែរ។ ប៉ុន្មានម៉ោងបន្ទាប់ពីសេចក្ដីថ្លែងការណ៍នោះរបស់លោកត្រាំ ក្រសួងការបរទេសឥណ្ឌាមានប្រតិកម្មថា ឥណ្ឌាផ្ដល់អាទិភាពដល់អ្នកប្រើប្រាស់របស់ខ្លួនក្នុងការផ្គត់ផ្គង់ថាមពល។
នៅក្រុងវ៉ាស៊ីនតោន ប្រធានាធិបតីអាមេរិកអះអាងនៅមុខបណ្ដាអ្នកកាសែតថា នាយករដ្ឋមន្ត្រីឥណ្ឌាលោកណារេនដ្រាម៉ូឌី អះអាងប្រាប់លោកថា នឹងលែងមានការទិញប្រេងពីរុស្ស៊ីទៀតហើយ។ លោកបន្តថា ឥណ្ឌាអាចមិនកាត់បន្ថយការទិញប្រេងរុស្ស៊ីក្នុងពេលភ្លាមៗ តែដំណើរការនេះបានចាប់ផ្ដើម។ វាជាដំណើរការរយៈពេលយូរមួយ។
ទោះបីយ៉ាងណាឥណ្ឌាបានបដិសេធដោយម៉ឺងម៉ាត់ការអះអាងរបស់លោកត្រាំដែលថា លោកណារេនដ្រាម៉ូឌី បានលើករឿងកាត់បន្ថយការទិញប្រេងរុស្ស៊ីនោះ ក្នុងឱកាសនៃការពិភាក្សាគ្នាតាមទូរស័ព្ទមួយដែលថា ក្រុងញូវដែល្លីនឹងលែងទិញប្រេងរុស្ស៊ី ។ ប៉ុន្តែកាសែតឥណ្ឌាINDIAN EXPTRSS គូសបញ្ជាក់ថា បណ្ដាអ្នកទទួលខុសត្រូវនៃរដ្ឋាភិបាលឥណ្ឌា ត្រៀមបង្កើនការនាំចូលថាមពលមកពីសហរដ្ឋអាមេរិក។ ក្រសួងការបរទេសឥណ្ឌាក៏ថ្លែងដែរថា ការពិភាក្សាកំពុងធ្វើជាមួយរដ្ឋការអាមេរិក ដែលចង់ពង្រឹងកិច្ចសហប្រតិបត្តិការខាងថាមពលជាមួយឥណ្ឌា។
ឥណ្ឌាជាប្រទេសធំមានប្រជាជនច្រើនចជាងគេបំផុតនៃពិភពលោក ពឹងផ្អែកយ៉ាងខ្លាំងលើការនាំចូលប្រេងដើម្បីធានាដល់សេចក្ដីត្រូវការរបស់ខ្លួន។ ឥណ្ឌានាំចូលប្រេងប្រមាណជា៨៥%។ បន្ទាប់ពីចិន ឥណ្ឌាជាអ្នកទិញប្រេង
រុស្ស៊ីសំខាន់ជាងគេ។ ក្នុងឆ្នាំ២០២៤ឥណ្ឌានាំចូលប្រេងរុស្ស៊ីជិត៣៦%នៃការនាំចូលសរុបរបស់ខ្លួនទល់នឹង២%ប៉ុណ្ណោះមុនចាប់ផ្ដើមសង្គ្រាមនៅអ៊ុយក្រែន។ មុននេះឥណ្ឌាច្រើនទិញប្រេងពីបណ្ដាប្រទេសនៅតំបន់ឈួងសមុទ្រពែរ្ស៍ ។
ការទិញប្រេងរុស្សុីរបស់ឥណ្ឌាចាប់តាំងពីចើនខែមកហើយនាំឲ្យលោកត្រាំខឹងសម្បា។លោកត្រាំមិនរារែកឡើយ ក្នុងការបង្កើនពន្ធគយលើទំនិញឥណ្ឌានាំចូលប្រទេសលោកដល់៥០%៕
ចែករំលែកព័តមាននេះ