រាជធានីភ្នំពេញ ៖ ឆ្លងចរន្តទុស្សេប្រអប់កាប៊ីនភ្លើងឆាបឆេះសន្ធោសន្ធៅ ដោយបានឆាបឆេះបង្គោលកាប៊ីនភ្លើងមួយកន្លែង ក្បែរបន្ទាយង៧០ បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចទាក់ទងសុំជំនួយរថយន្តពន្លត់អគ្គិភ័យមកបា.ញ់ទប់ស្កាត់រលត់អស់ភ្លាមៗ ។ ហេតុខាងលើនេះ កាលពីវេលាម៉ោង៩និង៣០នាទីយប់…
រាជធានីភ្នំពេញ ៖ ឆ្លងចរន្តទុស្សេប្រអប់កាប៊ីនភ្លើងឆាបឆេះសន្ធោសន្ធៅ ដោយបានឆាបឆេះបង្គោលកាប៊ីនភ្លើងមួយកន្លែង ក្បែរបន្ទាយង៧០ បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចទាក់ទងសុំជំនួយរថយន្តពន្លត់អគ្គិភ័យមកបា.ញ់ទប់ស្កាត់រលត់អស់ភ្លាមៗ ។
ហេតុខាងលើនេះ កាលពីវេលាម៉ោង៩និង៣០នាទីយប់ ថ្ងៃទី០១ ខែមករា ឆ្នាំ២០២៥ ស្ថិតនៅតាមបណ្តោយផ្លូវបេតុងក្បែរ និងបន្ទាយង៧០ ក្នុងភូមិព្រៃព្រីងត្បួង សង្កាត់ចោមចៅទី៣ ខណ្ឌពោធិសែនជ័យ រាជធានីភ្នំពេញ ។
បើតាមការបញ្ជាក់ពីពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុ ឃើញមានទុស្សេខ្សែភ្លើងចេញពីបង្គោលភ្លើងធំមួយបង្កទៅជាអណ្តាតភ្លើង ឆាបឆេះរាលដាលទៅលើខ្សែភ្លើងយ៉ាងសន្ធោសន្ធៅ ពេលនោះដែរ ប្រជាពលរដ្ឋជិតខាងក៏បាននាំគ្នាទាញបំពង់ពន្លត់អគ្គិភ័យបាញ់ទប់ស្កាត់ជាបណ្តោះអាសន្ន ហើយក៏បាននាំគ្នាទាក់ទងទៅសមត្ថកិច្ចមូលដ្ឋានសុំរថយន្តពន្លត់អគ្គិភ័យមកជួយអន្តរាគមន៍បា.ញ់ពន្លត់ទាន់ពេលភ្លាមៗ មិនមានប៉ះពាល់គ្រោះថ្នាក់ដល់ទ្រព្យសម្បត្តិរបស់បងប្អូនប្រជាពលរដ្ឋទេ បន្ទាប់មកសមត្ថកិច្ចបានទាក់ទងទៅខាងផ្នែកជំនាញអគ្គិសនីចុះមកពិនិត្យមើលប្រអប់កាប៊ីនភ្លើងខាងលើ ។
ក្រោយពីកើតហេតុ បន្ទាប់ពីរថយន្តពន្លត់អគ្គិភ័យរបស់អង្គភាព៧១១ង៧០ បានបា.ញ់រលត់អស់ទាំងស្រុង ដោយប្រើប្រាស់ទឹកអស់ជាច្រើនគ្រឿង បន្ទាប់មកទើបផ្នែកជំនាញអគ្គិសនីបានមកជួសជុលប្រព័ន្ធភ្លើងឡើងវិញ ដើម្បីអោយបងប្អូនប្រជាពលរដ្ឋបានប្រើដំណើរមកវិញ ៕
ចែករំលែកព័តមាននេះ