តុលាការកូរ៉េខាងត្បូងបានចេញដីកាចាប់ខ្លួនប្រធានាធិបតី Yoon Suk Yeol ជុំវិញការដាក់ច្បាប់អាជ្ញាសឹកលើប្រទេស ។ ប្រទេសកូរ៉េខាងត្បូងធ្លាក់ចូលទៅក្នុងវិបត្តិនយោបាយដ៏អាក្រក់បំផុតរបស់ខ្លួន ក្នុងរយៈពេលជាច្រើនទសវត្សរ៍ ដោយសារតែការចេញច្បាប់អាជ្ញាសឹកដ៏ចម្រូងចម្រាស់ នាពេលកន្លងមក…
តុលាការកូរ៉េខាងត្បូងបានចេញដីកាចាប់ខ្លួនប្រធានាធិបតី Yoon Suk Yeol ជុំវិញការដាក់ច្បាប់អាជ្ញាសឹកលើប្រទេស ។
ប្រទេសកូរ៉េខាងត្បូងធ្លាក់ចូលទៅក្នុងវិបត្តិនយោបាយដ៏អាក្រក់បំផុតរបស់ខ្លួន ក្នុងរយៈពេលជាច្រើនទសវត្សរ៍ ដោយសារតែការចេញច្បាប់អាជ្ញាសឹកដ៏ចម្រូងចម្រាស់ នាពេលកន្លងមក ។
ទីស្នាក់ការកណ្តាលស៊ើបអង្កេតរួម បាននិយាយនៅក្នុងសេចក្តីថ្លែងការណ៍មួយថា «ដីកាចាប់ខ្លួន និងដីកាស្វែងរកប្រធានាធិបតី Yoon Suk Yeol ដែលត្រូវបានស្នើសុំដោយទីស្នាក់ការកណ្តាល ស៊ើបអង្កេតរួម ត្រូវបានចេញនៅព្រឹកនេះ» ។
មេដឹកនាំអភិរក្សរូបនេះ ប្រឈមមុខនឹងការចោទប្រកាន់ព្រហ្មទណ្ឌពីបទប៊ះបោរ ដែលអាចប្រឈមមុខនឹងការជាប់ពន្ធនាគារអស់មួយជីវិត ឬសូម្បីតែទោសប្រហារជីវិត ។
ក្រុមអ្នកស៊ើបអង្កេតដែលកំពុងស៊ើបអង្កេត ជុំវិញការប្រកាសច្បាប់អាជ្ញាសឹករបស់គាត់បានស្នើសុំដីកា កាលពីថ្ងៃចន្ទ បន្ទាប់ពីប្រធានាធិបតីដែលត្រូវបានព្យួរការងារមិនបានរាយការណ៍សម្រាប់ការសាកសួរជាលើកទីបី ។
មន្ត្រីការិយាល័យស៊ើបអង្កេតអំពើពុករលួយ (CIO) បានប្រាប់អ្នកយកព័ត៌មានថា «ហេតុផលនៃដីកានេះ គឺថា មានការព្រួយបារម្ភថា បុគ្គលនោះអាចបដិសេធមិនអនុវត្តតាមការកោះហៅដោយគ្មានហេតុផលត្រឹមត្រូវ ហើយមានហេតុផលគ្រប់គ្រាន់ដែលអាចសង្ស័យថាជាបទឧក្រិដ្ឋ» ។ ដីកានេះមានសុពលភាពរហូតដល់ថ្ងៃទី ៦ ខែមករា ។ គាត់អាចត្រូវបានឃុំខ្លួននៅស្ថានីយប៉ូលិស ឬមជ្ឈមណ្ឌលឃុំឃាំងទីក្រុងសេអ៊ូល ។
មេធាវីរបស់ លោក Yoon បានហៅដីកាចាប់ខ្លួនប្រធានាធិបតីដែលត្រូវបានចោទប្រកាន់ថា «ខុសច្បាប់ និងមិនត្រឹមត្រូវ» ។ និយាយថា អ្នកស៊ើបអង្កេតខ្វះសិទ្ធិអំណាចក្នុងការស៊ើបអង្កេតប្រធានាធិបតី ៕
ចែករំលែកព័តមាននេះ