ខេត្តព្រះសីហនុ ៖ សកម្មភាពក្រុងក្មេងទំនើ.ង នាវេលាទៀបភ្លឺឈានចូលថ្ងៃទី០២ ខែមករា បានធ្វើសកម្មភាពដេញកា.ប់គ្នាយ៉ាងគក្លើន បើទោះបីរាជរដ្ឋាភិបាលកំពុងបើកយុទ្ធនាការបង្ក្រាបក្រុមក្មេងទំនើ.ងទាំងនេះយ៉ាងណាក្តី ។ ជុំវិញករណីក្រុងក្មេងទំនើ.ងនេះយោងតាមផេកផ្លូវការរបស់ស្នងការដ្ឋាននគរបាលខេត្តព្រះសីហនុ បានឲ្យដឹងថា…
ខេត្តព្រះសីហនុ ៖ សកម្មភាពក្រុងក្មេងទំនើ.ង នាវេលាទៀបភ្លឺឈានចូលថ្ងៃទី០២ ខែមករា បានធ្វើសកម្មភាពដេញកា.ប់គ្នាយ៉ាងគក្លើន បើទោះបីរាជរដ្ឋាភិបាលកំពុងបើកយុទ្ធនាការបង្ក្រាបក្រុមក្មេងទំនើ.ងទាំងនេះយ៉ាងណាក្តី ។
ជុំវិញករណីក្រុងក្មេងទំនើ.ងនេះយោងតាមផេកផ្លូវការរបស់ស្នងការដ្ឋាននគរបាលខេត្តព្រះសីហនុ បានឲ្យដឹងថា នៅថ្ងៃទី០២ ខែមករា ឆ្នាំ២០២៥ វេលាម៉ោង០៣និង២៦នាទីទាបភ្លឺ នៅចំណុចរង្វង់មូលព្រះថោង ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ មានករណីក្មេងទំនើ.ង១ក្រុម មានគ្នា០៩នាក់ ជិះម៉ូតូ១គ្រឿង និងបើករថយន្ដ១គ្រឿងបានវា.យ និងកា.ប់លើក្រុមជនរងគ្រោះចំនួន៥នាក់ ម៉ូតូ២គ្រឿង បណ្តាលឱ្យរងរបួសមនុស្ស២នាក់(ស្រាល) និងខូចម៉ូតូ១គ្រឿង រួចក៏គេចខ្លួនចេញពីកន្លែងកើតហេតុ ។
ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ បានសហការគ្នាចុះដល់កន្លែងកើតហេតុភ្លាមៗ ដោយស្រាវជ្រាវរហូតឃាត់ខ្លួនជនសង្ស័យបាន៦នាក់ និងដកហូតវត្ថុតាងមួយចំនួន ។
ជនសង្ស័យមានឈ្មោះ ៖ ១-ឈ្មោះ ហម ភៃ ភេទប្រុស អាយុ២១ឆ្នាំ ជនជាតិខ្មែរ មុខរបរ ជាងភ្លើង(កាន់ដែកបន្ទះ) ។ ២-ឈ្មោះ នាយ វីថៃ ភេទប្រុស អាយុ២០ឆ្នាំ មុខរបរជាងភ្លើង(កាន់ដែកបន្ទះ) ។ ៣-ឈ្មោះ នី វុទ្ធី ភេទប្រុស អាយុ២១ឆ្នាំ មុខរបរជាងភ្លើង (កាន់ដែកបន្ទះ) ។ ៤-ឈ្មោះ ធុ យុទ្ធី ភេទប្រុស អាយុ២៧ឆ្នាំ មុខរបរជាងភ្លើង(កាន់ដែកបន្ទះ) ។ ៥-ឈ្មោះ ហម នៃ ភេទប្រុស អាយុ១៨ឆ្នាំ មុខរបរជាងភ្លើង(កាន់ពូថៅ) ។ ៦-ឈ្មោះ ផា ម៉ាប់ភេទប្រុសអាយុ១៨ឆ្នាំ មុខរបរ ជាងភ្លើង(អ្នកបើករថយន្ត) ។
ដោយឡែកឈ្មោះ ហ៊ីង ភេទប្រុស អាយុប្រហែល១៩ឆ្នាំ មុខរបរជាងភ្លើង និង០២នាក់ទៀតពុំស្គាល់អត្តសញ្ញាណបានរត់គេចខ្លួន ។ជនសង្ស័យទាំង០៩នាក់ខាងលើ ស្នាក់នៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
វត្ថុតាងចាប់យកបានរួមមាន ៖ ពូថៅចំនួន០១ដើម ដែកបន្ទះចំនួន០៥បន្ទះទូរស័ព្ទចំនួន០៣គ្រឿង ម៉ូតូ១គ្រឿង និងរថយន្ត០១គ្រឿង ។
ចំពោះមូលហេតុ ៖ ផ្ដើមចេញពីគ្រោះថ្នាក់ចរាចរណ៍ដោយក្រុមជនសង្ស័យជិះម៉ូតូបុកប៉ះគ្នាជាមួយជនរងគ្រោះនៅចំណុចជិតកាហ្វេប្រោន សង្កាត់លេខ៤ ក្រុង-ខេត្តព្រះសីហនុ រួចជនសង្ស័យក៏ជិះរត់គេច ហើយជនរងគ្រោះជិះម៉ូតូដេញតាមសុំសម្រួល តែជនសង្ស័យក៏ទូរស័ព្ទហៅបក្ខពួកខ្លួនមកដោយប្រាប់ថា មានគេជិះម៉ូតូដេញវា.យនៅចំណុចព្រះថោង ពេលនោះក្រុមបក្ខពួកជនសង្ស័យក៏នាំគ្នាជិះរថយន្តស្ទួចមកបុកជនរងគ្រោះពីក្រោយ ហើយបានធ្វើសកម្មភាពវា.យកា.ប់ម៉ូតូ របស់ជនរងគ្រោះខ្ទេចតែម្តង ។
បច្ចុប្បន្ន ជនសង្ស័យរួមនឹងវត្ថុតាង ត្រូវបានសមត្ថកិច្ចនាំយកមកស្នងការដ្ឋាន ដើម្បីបន្តនីតិវិធីច្បាប់ ។ សមត្ថកិច្ច កំពុងបន្តស្វែងរកជនសង្ស័យដែលរត់គេចខ្លួន ៕
ចែករំលែកព័តមាននេះ