ខេត្តសៀមរាប ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់អគារពុទ្ធិកសិក្សារាជបូណ៌ ដែលស្ថិតនៅក្នុងវត្តរាជបូណ៌…
ខេត្តសៀមរាប ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់អគារពុទ្ធិកសិក្សារាជបូណ៌ ដែលស្ថិតនៅក្នុងវត្តរាជបូណ៌ ឬវត្តបូណ៌ នៅខេត្តសៀមរាប នាថ្ងៃទី២៧ ខែធ្នូ ឆ្នាំ២០២៤។
អគារពុទ្ធិកសិក្សារាជបូណ៌ គឺជាសមិទ្ធផលថ្មីមួយទៀតសម្រាប់វត្តរាជបូណ៌ ក្រោមព្រះទ័យផ្តួចផ្តើមរបស់ សម្តេចព្រះព្រហ្មរតនមុនី ពិន សែម និងកិច្ចគាំទ្រទាំងស្មារតីនិងសម្ភាររបស់ ឯកឧត្តម ជា ចាន់តូ និងលោកជំទាវ ខៀវ ស៊ីណា ដែលលោកទាំងពីរជាពុទ្ធបរិស័ទគោរពយ៉ាងខ្ជាប់ខ្ជួន និងដើរតាមមាគ៌ាព្រះពុទ្ធសាសនា ដោយជានិច្ចកាល លោកទាំងពីរតែងតែជួយជ្រោមជ្រែងឧបត្ថម្ភដល់ការកសាងអគារពុទ្ធិកសិក្សា វត្តអារាម គ្រឿងសម្ភារៈប្រើប្រាស់ និងសិក្សា សម្រាប់ជាថ្នាលបណ្តុះបណ្តាល ចំណេះដឹងផ្នែកព្រះពុទ្ធសាសនា និងការបោះពុម្ពសៀវភៅធម៌ ដើម្បីជាធម្មទានដល់វត្តអារាមនានា។
លោកជំទាវ ទេសាភិបាល ក៏បាននាំយកនូវអំណោយ និងប្រាក់ឧបត្ថម្ភ ដើម្បីប្រគេនព្រះតេជគុណ ព្រះថេរានុត្ថេរៈ សមណសិស្ស និងចែកជូនគ្រូបង្រៀន អាចារ្យ និងតាជី-យាយជី ព្រមទាំងគណៈកម្មការ និងក្រុមការងារសរុបប្រមាណ ២៩២ អង្គ/នាក់ផងដែរ។ អត្ថបទ៖ សហការ
ចែករំលែកព័តមាននេះ