ក្រុងប៉ោយប៉ែត ៖ មនុស្សម្នាក់បានស្លា.ប់ និងម្នាក់ទៀតរបួសធ្ងន់ត្រូវបានដឹកទៅកាន់មន្ទីរពេទ្យទាំង យប់ នៅក្នុងហេតុការណ៍ម៉ូតូបុកគ្នានៅលើផ្លូវជាតិលេខ៥ ស្ថិតក្នុងភូមិបាលិលេយ្យ សង្កាត់ប៉ោយប៉ែត កាលពីវេលាម៉ោង២០និង៤៥នាទី ថ្ងៃទី២៥ មិថុនា ។ អ្នកស្លា.ប់នៅក្នុងហេតុការណ៍នេះឈ្មោះ
ក្រុងប៉ោយប៉ែត ៖ មនុស្សម្នាក់បានស្លាប់ និងម្នាក់ទៀតរបួសធ្ងន់ត្រូវបានដឹកទៅកាន់មន្ទីរពេទ្យទាំងយប់ នៅក្នុងហេតុការណ៍ម៉ូតូបុកគ្នានៅលើផ្លូវជាតិលេខ៥ ស្ថិតក្នុងភូមិបាលិលេយ្យ សង្កាត់ប៉ោយប៉ែត កាលពីវេលាម៉ោង២០និង៤៥នាទី ថ្ងៃទី២៥ មិថុនា ។ អ្នកស្លាប់នៅក្នុងហេតុការណ៍នេះឈ្មោះ លឹម ណារ៉ា ភេទប្រុស អាយុ២៧ឆ្នាំ ជាគ្រូបង្រៀននៅសាលាឯកជនមួយក្នុងក្រុងប៉ោយប៉ែត ឯអ្នករបួសធ្ងន់ឈ្មោះតាន់ សាវឿន ភេទ ប្រុស អាយុ២៨ឆ្នាំ ជាអនុប្រធានការិយាល័យច្រកចេញចូលតែមួយនៅក្រុងប៉ោយប៉ែត មានទីលំនៅក្នុងក្រុងសិរីសោភ័ណ ខេត្តបន្ទាយមានជ័យ ។
បើតាមអ្នកឃើញហេតុការណ៍និយាយថា ម៉ូតូទាំងពីរគ្រឿងនេះ បើកបរបញ្ច្រាសទិសគ្នាដោយឈ្មោះតាន់ សាវឿន បើកមកពីទិសខាងលិច ឯឈ្មោះលឹម ណារ៉ា បើកមកពីទិសខាងកើត លុះមកដល់ចំណុចខាងលើក៏បុកគ្នាពេញទំហឹងតែម្តង បណ្តាលឱ្យកង់ម៉ូតូផ្នែកខាងមុខទាំង២គ្រឿងរួញដូចគ្នា ។ មន្ត្រីប៉ូលិសចរាចរសណ្តាប់ធ្នាប់សាធារណៈក្រុងប៉ោយប៉ែត បានប្រាប់ថា គ្រោះថ្នាក់នេះបើយោងតាមការសួរនាំអ្នកឃើញហេតុការណ៍ប្រាប់ថា ការបុកគ្នានេះ ដោយសារភាគីម្ខាងបើកវ៉ារថយន្តរួចរេចង្កូតទៅបុកគ្នាតែម្តង ។ ទោះបីជាបែបណា ភាគីទាំង២ ពុំអាចសួរនាំព័ត៌មានបានទេ ព្រោះម្ខាងស្លាប់ និងម្ខាងរបួសសន្លប់ឈឹងទៅហើយ ។
ក្រោយហេតុការណ៍កើតឡើង អ្នកស្លាប់ត្រូវបានសាច់ញាតិយកទៅធ្វើបុណ្យតាមប្រពៃណី ឯអ្នករងរបួសធ្ងន់ត្រូវបានបញ្ជូនចូលមន្ទីរពេទ្យទាំងយប់ ហើយនៅព្រឹកថ្ងៃទី២៦ មិថុនា តាមព័ត៌មានថា ត្រូវសាច់ញាតិបញ្ជូនទៅព្យាបាលនៅភ្នំពេញ ៕
ចែករំលែកព័តមាននេះ