សហរដ្ឋអាមេរិក ៖ ជាលើកដំបូងសម្រាប់ទស្សនាវដ្តីពាណិជ្ជកម្មអាមេរិក Forbes ដែលអត្តពលិកស្ត្រីចំនួន១១រូបអាចរកប្រាក់ចំណូលលើសពី១០លានដុល្លារអាមេរិក ហើយខាងក្រោមនេះ គឺជាបញ្ជីអត្តពលិកស្ត្រីទាំង១០រូបលើពិភពលោក ដែលរកប្រាក់ចំណូលបានច្រើនជាងគេប្រចាំឆ្នាំ ២០២៤។

១-កីឡាការិនីវាយតេនី្នស Coco Gauff សញ្ជាតិអាមេរិក អាយុ២០ឆ្នាំ រកចំណូលបានចំនួន ៣៤.៤លានដុល្លារ ចំណូលក្នុងទីលាន ៩.៤លានដុល្លារ និងចំណូលក្រៅទីលាន ២៥លានដុល្លារ។ កីឡាការិនីរូបនេះ គឺជាអ្នកកាន់ទង់ជាតិសហរដ្ឋអាមេរិកក្នុងពិធីបើកព្រឹត្តិការណ៍កីឡាអូឡាំពិកនៅទីក្រុងប៉ារីស កាលពីខែកក្កដាកន្លងទៅ។ នាងបានឈ្នះការប្រកួត China Open និង WTA Finals នៅទីក្រុងរីយ៉ាដ ប្រទេសអារ៉ាប៊ីសាអូឌីត។

ជ័យជម្នះចុងក្រោយនោះ Gauff កើបប្រាក់រង្វាន់បានដល់ ៤.៨លានដុល្លារ បើទោះជាប្រាក់ចំណូលភាគច្រើនរបស់នាងបានមកពីដៃគូសហការឧបត្ថម្ភយ៉ាងណាក៏ដោយ។ តាមរយៈចំណូលដ៏ច្រើនបែបនេះ Coco Gauff ឈរជាអត្តពលិកស្ត្រីរកបានចំណូលបានច្រើនជាងគេប្រចាំឆ្នាំ ២០២៤ ។

២-កីឡាការិនីវាយតេនី្នស Iga Swiatek សញ្ជាតិប៉ូឡូញ អាយុ២៣ឆ្នាំ រកចំណូលបានចំនួន ២៣.៨លានដុល្លារ ចំណូលក្នុងទីលាន ៨.៨លានដុល្លារ និងចំណូលក្រៅទីលាន ១៥លានដុល្លារ

៣-កីឡាការិនីស្គីទឹកកកក្បាច់សេរី Eileen Gu សញ្ជាតិចិន អាយុ២១ឆ្នាំ រកចំណូលបានចំនួន ២២.១លានដុល្លារ ចំណូលក្នុងទីលាន ០.១លានដុល្លារ និងចំណូលក្រៅទីលាន ២២លានដុល្លារ

៤-កីឡាការិនីវាយតេនី្នស Qinwen Zheng សញ្ជាតិចិន អាយុ២២ឆ្នាំ រកចំណូលបានចំនួន ២០.៦លានដុល្លារ ចំណូលក្នុងទីលាន ៥.៦លានដុល្លារ និងចំណូលក្រៅទីលាន ១៥លានដុល្លារ

៥-កីឡាការិនីវាយតេនី្នស Aryna Sabalenka សញ្ជាតិបេឡារុស អាយុ២៦ឆ្នាំ រកចំណូលបានចំនួន ១៨.៧លានដុល្លារ ចំណូលក្នុងទីលាន ៩.៧លានដុល្លារ និងចំណូលក្រៅទីលាន ៩លានដុល្លារ

៦-កីឡាការិនីវាយតេនី្នស Naomi Osaka សញ្ជាតិជប៉ុន អាយុ២៧ឆ្នាំ រកចំណូលបានចំនួន ១២.៩លានដុល្លារ ចំណូលក្នុងទីលាន ០.៩លានដុល្លារ និងចំណូលក្រៅទីលាន ១២លានដុល្លារ

៧-កីឡាការិនីវាយតេនី្នស Emma Raducanu សញ្ជាតិអង់គ្លេស អាយុ២២ឆ្នាំ រកចំណូលបានចំនួន ១២.៩លានដុល្លារ ចំណូលក្នុងទីលាន ០.៩លានដុល្លារ និងចំណូលក្រៅទីលាន ១២លានដុល្លារ

៨-កីឡាការិនីវាយកូនគោល Nelly Korda សញ្ជាតិអាមេរិក អាយុ២៦ឆ្នាំ រកចំណូលបានចំនួន ១២.៥លានដុល្លារ ចំណូលក្នុងទីលាន ៤.៥លានដុល្លារ និងចំណូលក្រៅទីលាន ៨លានដុល្លារ

៩-កីឡាការិនីវាយតេនី្នស Venus Williams សញ្ជាតិអាមេរិក អាយុ៤៤ឆ្នាំ រកចំណូលបានចំនួន ១២.១លានដុល្លារ ចំណូលក្នុងទីលាន ០.១លានដុល្លារ និងចំណូលក្រៅទីលាន ១២លានដុល្លារ

១០-កីឡាការិនីកាយសម្ព័ន្ធ Simone Biles សញ្ជាតិអាមេរិក អាយុ២៧ឆ្នាំ រកចំណូលបានចំនួន ១១.២លានដុល្លារ ចំណូលក្នុងទីលាន ០.២លានដុល្លារ និងចំណូលក្រៅទីលាន ១១លានដុល្លារ

ដោយឡែកចំណាត់ថ្នាក់ទី១១ ពិភពលោក នៃអត្តពលិកស្ត្រីរកចំណូលបានច្រើនជាងគេប្រចាំឆ្នាំ ២០២៤ កីឡាការិនីវាយតេនី្នស Jessica Pegula សញ្ជាតិអាមេរិក អាយុ៣០ឆ្នាំ រកចំណូលបានចំនួន ១០.២លានដុល្លារ ចំណូលក្នុងទីលាន ៤.២លានដុល្លារ និងចំណូលក្រៅទីលាន ៦លានដុល្លារ៕ ប្រភព ៖ Forbes