គ្រូក្រុមគោព្រៃកម្ពុជាបារម្ភខ្លាំងជុំវិញកម្លាំង និងអវត្តមានកីឡាករសំខាន់ក្នុងជំនួបកាត់ក្តីជាមួយថៃ
- ភ្នំពេញ
រាជធានីភ្នំពេញ ៖ ក្រោយឈ្នះទីម័រខាងកើត ២-១ ក្នុងជំនួបទី៣ ពូល A នៃការប្រកួតពានរង្វាន់ Asean Cup…
រាជធានីភ្នំពេញ ៖ ក្រោយឈ្នះទីម័រខាងកើត ២-១ ក្នុងជំនួបទី៣ ពូល A នៃការប្រកួតពានរង្វាន់ Asean Cup 2024 កាលពីល្ងាចថ្ងៃទី១៧ ខែធ្នូ ឆ្នាំ២០២៤ នៅពហុកីឡដ្ឋានជាតិអូឡាំពិក លោក Koji Gyotoku គ្រូបង្វឹកក្រុមគោព្រៃកម្ពុជានិយាយថា ទម្រង់លេងរបស់កូនក្រុមគោព្រៃ មានចំណុចខ្វះខាត ក្នុងវគ្គ១ តែប្រសើរវិញនៅវគ្គ២ ។
គ្រូបង្វឹកសញ្ជាតិជប៉ុនរូបនេះ ក៏បានលើកសរសើរពីទម្រង់ និងបច្ចេកទេសលេងរបស់ទីម័រខាងកើត លើការវាយបកលឿនៗ និងការការពារល្អ ។ ប៉ះថៃចុងក្រោយ លោក Koji Gyotoku បានបង្ហាញក្ដីបារម្ភជុំវិញបញ្ហាកម្លាំង និងអវត្តមានកីឡាករសំខាន់ៗ ស្របពេលកម្ពុជាត្រូវការឈ្នះដាច់ខាតបែបនេះ។
បច្ចុប្បន្ន ក្នុងពូល A ក្រុមថៃ គឺជាក្រុមដែលបានកក់កៅអីទៅវគ្គពាក់កណ្ដាលផ្ដាច់ព្រ័ត្ររួចជាស្រេច ដោយមាន៩ពិន្ទុដាច់គេ ។ សិង្ហបុរី ឈរលេខ២ មាន៦ពិន្ទុ តាមពីក្រោយដោយកម្ពុជា ដែលមាន៤ពិន្ទុ ស្មើក្រុមលេខ៤ ម៉ាឡេស៊ី។
សិង្ហបុរី កម្ពុជា និងម៉ាឡេស៊ី ត្រូវកាត់ក្តីយកមួយក្រុមទៅវគ្គខ្វែង ក្នុងការប្រកួតចុងក្រោយ ពូល A នាថ្ងៃទី២០ ខែធ្នូ នេះ ។ សិង្ហបុរី ត្រូវប្រកួតជាមួយ ម៉ាឡេស៊ី ដែលនៅក្នុងហាងឆេងភ្នាល់គឺម៉ាឡេសុីជាអ្នកតឱ្យសិង្ហបុរី(0.5/1)ខណៈក្រុមជម្រើសជាតិថៃ ត្រូវស្វាគមន៍ក្រុមគោព្រៃកម្ពុជាដែលនៅក្នុងហាងឆេងភ្នាល់គឺថៃតឱ្យកម្ពុជា(1.5/2)។
អ្វីដែលជាការព្រួយបារម្ភរបស់គ្រូបង្វឹកក្រុមគោព្រៃកម្ពុជា គឺកម្លាំងរបស់កីឡាករមិនគ្រប់គ្រាន់សម្រាប់ប្រកួតជាមួយថៃ ដោយសារកីឡាករកម្ពុជា មិនសូវបានដូរអំឡុងពេលប្រកួត ជាហេតុនាំឲ្យថមថយកម្លាំងខ្លាំង ។ ក្រៅពីបញ្ហាកម្លាំងរបស់កីឡាករ ប្រធានក្រុម កាន់ ម៉ូ រួមជាមួយខ្សែបម្រើលេចធ្លោ គីម សុខយុទ្ធ សុទ្ធតែត្រូវអវត្តមានដោយសាររបួស ស្របពេល យូដៃ អូកាវ៉ា រងពិន័យមួយប្រកួត ក្រោយទទួលបានកាតលឿង២ ៕
ចែករំលែកព័តមាននេះ