រាជធានីភ្នំពេញ ៖ នគរបាលនៃអធិការដ្ឋានខណ្ឌដង្កោ ដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌ ដោយមានការចូលរួមពីសំណាក់លោកវរសេនីយ៍ឯក សំ វិច្ឆិកា អ្នកនាំពាក្យស្នងការនគរបាលរាជធានីភ្នំពេញ…
រាជធានីភ្នំពេញ ៖ នគរបាលនៃអធិការដ្ឋានខណ្ឌដង្កោ ដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌ ដោយមានការចូលរួមពីសំណាក់លោកវរសេនីយ៍ឯក សំ វិច្ឆិកា អ្នកនាំពាក្យស្នងការនគរបាលរាជធានីភ្នំពេញ នៅព្រឹកថ្ងៃទី១៧ ខែធ្នូ ឆ្នាំ២០២៤ បានបង្ហាញមុខក្រុមក្មេងទំនើ.ងរហស្សនាមឆ្កែ៤ ហៅកាត់ជាភាសាអង់គ្លេស(D4) បន្ទាប់ពីក្រុមនេះធ្វើសកម្មភាពចូលកា.ប់ប្ល.ន់យកស្លាកលេខម៉ូតូ នៅក្នុងផ្ទះជួលមួយកន្លែង ហើយបានត្រឹមតែរយៈពេល១០ម៉ោងប៉ុណ្ណោះក៏ត្រូវនគរបាលធ្វើការស្រាវជ្រាវ ចាប់ខ្លួនបានចំនួន៧នាក់ ។
នៅខណៈពេលនគរបាលកំពុងធ្វើការបង្ហាញមុខក្រុមក្មេងទំនើ.ងនោះក៏ស្រាប់តែលេចមុខស្ត្រីម្នាក់ ដែលជាម្ដាយក្មេងទំនើ.ងម្នាក់ឈ្មោះ ថៃ សីហា បានទៅយំស្រែកនៅមុខអធិការដ្ខាននគរបាលខណ្ឌដង្កោ សុំអង្វរឲ្យនគរបាលដោះលែងកូនប្រុសគាត់មកវិញដោយគាត់រៀបរាប់ថា គាត់មានកូន៥នាក់ហើយ កូនប្រុសដែលត្រូវនគរបាលចាប់ខ្លួននោះ គឺជាកូនទី២ ។
គាត់និយាយទៀតថា កូនប្រុសគាត់ម្នាក់នេះ កំសត់កម្រវេទនាជាមួយគាត់ខ្លាំងណាស់ ជួយរកស៊ីគាត់ ជួយមើលថែបងប្អូន ហើយនិយាយស្ដីជាមួយគាត់ដឹងខុសត្រូវថែមទៀត ចំណែកនៅយប់ថ្ងៃកើតហេតុនៅជួយលក់ដូរសោះគាត់មិនបានដឹងថា កូនធ្វើបែបនេះទេ ។ គាត់ក៏បានសុំអង្វរឲ្យម្ចាស់ម៉ូតូលើកលែងទោសដល់កូនគាត់ផងដែរ បើលើកលែងគាត់សុខចិត្តរកលុយចេញសងរាល់ការខូចខាត ប៉ុន្តែទោះជាគាត់ខំអង្វរយ៉ាងណាក៏មិនអាចទៅរួចដែរ ច្បាប់មិនអាចអត់ឱនបានឡើយ ព្រោះបើមើលតាមរូបភាពកាមេរ៉ាសុវត្ថិភាពឃើញថា ក្រុមក្មេងទំនើ.ងទាំងនោះ គឺសាហា.វខ្លាំងណាស់ ។
នគរបាលបានប្រាប់ថា ជនសង្ស័យដែលត្រូវឃាត់ខ្លួននោះរួមមាន ១/ឈ្មោះ មុត រតនា អាយុ១៨ឆ្នាំ ស្នាក់នៅផ្ទះជួលលេខ៤០៥ ភូមិប្រកា សង្កាត់ព្រៃស ខណ្ឌដង្កោ ២/ឈ្មោះ យ៉ុម តុលា ហៅតឿ អាយុ១៨ឆ្នាំ ស្នាក់នៅភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ ។ ៣/ឈ្មោះ វណ្ណា សំណាង អាយុ១៨ឆ្នាំ មុខរបរកម្មកររោងចក្រ ស្នាក់នៅបន្ទប់ជួលលេខ៤៤ ផ្លូវបេតុង ស្ថិតនៅភូមិព្រៃទីទុយ សង្កាត់ព្រៃស ខណ្ឌដង្កោ ។ ៤/ឈ្មោះ ថៃ សីហា អាយុ១៨ឆ្នាំ ៥/ឈ្មោះ អាត ជីងហ៊ត អាយុ១៨ឆ្នាំ ៦/ឈ្មោះ វ៉ុន តូណុន អាយុ១៨ឆ្នាំ មុខរបរកម្មកររោងចក្រ ទាំង៣នាក់នេះ ស្នាក់នៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ និង៧/ឈ្មោះ ឈុន សុខគ្រី ភេទប្រុស អាយុ២២ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ភូមិព្រៃទីទុយ សង្កាត់ព្រៃស ខណ្ឌដង្កោ ។
ចំពោះវត្ថុតាង ដែលនគរបាលចាប់យករួមមាន ៖ ម៉ូតូម៉ាកហុងដាសេ ១២៥ ពណ៌ខ្មៅ ពាក់ស្លាកលេខភ្នំពេញ1HZ-8990 ១គ្រឿង, ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1I-1947 ១គ្រឿង, ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1GN-5181 ចំនួន០១គ្រឿង, កន្ទុយម៉ូតូជាប់ស្លាកលេខភ្នំពេញ1KU-6804មួយ , កាំបិតប៉័ងតោ១ ម៉ូតូម៉ាកស្កូបពី ពណ៌ខ្មៅ គ្មានផ្លាកលេខ១គ្រឿង ដែលត្រូវជនសង្ស័យកា.ប់យកស្លាកលេខ, ម៉ូតូម៉ាកហុងដាសេ១២៥ ពណ៌ខ្មៅ ដែលត្រូវជនសង្ស័យកា.ប់យកស្លាកលេខ ។
ដោយឡែក ជនរងគ្រោះចំនួន០២នាក់ ១/ឈ្មោះ វ៉ុន សិវ៉ា ភេទប្រុស អាយុ១៧ឆ្នាំ ជនជាតិខ្មែរ មុខរបរដឹកអ៊ីវ៉ាន់អនឡាញ ស្នាក់បន្ទប់ជួលលេខ៤០៥ បុរីHP ស្ថិតនៅភូមិប្រកា សង្កាត់ព្រៃស ខណ្ឌដង្កោ ។ ២/ឈ្មោះ សុខ ស្រីណែត ភេទស្រី អាយុ២២ឆ្នាំ ជនជាតិខ្មែរ មុខរបរលក់អនឡាញ ស្នាក់នៅបន្ទប់ជួលលេខ៣០២ ស្ថិតនៅភូមិប្រកា សង្កាត់ព្រៃស ខណ្ឌដង្កោ រាជធានីភ្នំពេញ ។ ចំណែកការបាត់បង់ស្លាកលេខកំពង់ចាម1Q-7527 ,និងស្លាកលេខភ្នំពេញ1KJ-5417 ។
លោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោ បានប្រាប់ឲ្យដឹងថា ហេតុការណ៍ខាងលើបានកើតឡើង កាលពីវេលាម៉ោង២៣និង០០នាទីយប់ ថ្ងៃទី១៤ ខែធ្នូ ឆ្នាំ២០២៤ ត្រង់ចំណុចផ្ទះជួល បុរីHP ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ បន្ទាប់ពីទទួលបានដំណឹងថា មានជនសង្ស័យចូលទៅកា.ប់ប្ល.ន់យកស្លាកលេខម៉ូតូខាងលើនោះហើយកម្លាំងនគរបាលប៉ុស្តិ៍ព្រៃស បានចុះទៅសាកសួរជនរងគ្រោះដល់កន្លែងកើតហេតុ ។ ពេលនោះស្ងប់ស្ងាត់ទៅហើយ ចំណែកជនរងគ្រោះបានប្រាប់ថា គាត់ស្គាល់មុខសញ្ញាអស់ហើយ តែគាត់សុំសម្រាកសិន ព្រោះគាត់ធ្វើការពេលយប់ ខណៈនោះកម្លាំងរបស់លោកក៏បានដកចេញសិន តែមិនទុកពេលយូរទេក៏ដាក់កម្លាំងឃ្លាំមើល និងឲ្យកម្លាំងគ្រប់ប៉ុស្តិ៍ និងគ្រប់ផ្នែកទាំងអស់ចេញធ្វើការព្រមគ្នា ។
លោកអធិការបានប្រាប់បន្តទៀតថា ក្រោយមកនៅយប់ថ្ងៃកើតហេតុដដែលនោះឃាត់បានម្នាក់នៅម្ដុំជិតវត្តសំបួរមាស ស្ថិតនៅក្នុងភូមិសំបួរ សង្កាត់ដង្កោ ខណ្ឌដង្កោ រួចនាំទៅសាកសួរទើបឈានដល់ការឃាត់បក្សពួកបានជាបន្តបន្ទាប់ទៀតសរុប៧នាក់ បន្ទាប់មកបានហៅជនរងគ្រោះទៅចង្អុលមុខ ។
ពេលនោះ ជនរងគ្រោះបានប្រាប់ថា ក្រុមក្មេងទំនើងនោះពិតជា បានចូលទៅកា.ប់ប្ល.ន់យកស្លាកលេខម៉ូតូរបស់គាត់មែន ដោយឡែកក្រុមក្មេងទំនើងខាងលើ ក៏បានសារភាពផងដែរថា ក្រុមខ្លួនឈ្មោះក្រុមឆ្កែ៤(D4) ។ ពិតជាបានធ្វើសកម្មភាពកា.ប់ប្ល.ន់យកស្លាកលេខម៉ូតូខាងលើមែន ក្រុមខ្លួនក៏បានចងក្រងបង្កើតជាផេក ដើម្បីងាយស្រួលក្នុងការទំនាក់ទំនងគ្នាក្នុងពេលចេញធ្វើសកម្មភាពផងដែរ ។
លោកអធិការបានបញ្ជាក់ថា កម្លាំងនគរបាលទើបតែជួបក្រុមនេះទេ ហើយតាមការសាកសួរលម្អិតតាមជំនាញ ឃើញថា ក្រុមនេះទើបតែធ្វើសកម្មភាពម្ដងនេះប៉ុណ្ណោះ ។
លោកវរសេនីយ៍ឯក សំ វិច្ឆិកា អ្នកនាំពាក្យស្នងការនគរបាលរាជធានីភ្នំពេញបានថ្លែងប្រាប់ឲ្យដឹងថា ក្រោយពីក្រុមក្មេងទំនើ.ងរហស្សនាមខាងលើ(D4) ធ្វើសកម្មភាពបង្កហិ.ង្សាកា.ប់ប្ល.ន់យកស្លាកលេខម៉ូតូខាងលើ កម្លាំងនគរបាលខណ្ឌដង្កោដឹកនាំបញ្ជាផ្ទាល់ដោយលោកវរសេនីយ៍ឯកជឹម ស៊ីថា អធិការនគរបាលខណ្ឌ ។
ដោយមានការសហការដោយកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ អនុវត្តតាមបទបញ្ជារបស់លោកឧត្ដមសេនីយ៍ឯកជួន ណារិន្ទ បើកប្រតិបត្តិការស្រាវជ្រាវភ្លាមៗ ហើយត្រឹមរយៈពេល១០ម៉ោងប៉ុណ្ណោះឈានដល់ការចាប់ខ្លួនបានចំនួន៧នាក់ ។ នេះ គឺជាកិច្ចការងាររហ័សរបស់សមត្ថកិច្ចដែលមានភាពវ័យឆ្លាត ហើយកំណត់បានមុខសញ្ញាច្បាស់លាស់ និងឈានដល់ការបង្ក្រាបតែម្ដង ។
លោកវរសេនីយ៍ឯក សំ វិច្ឆិកា បានរម្លឹកប្រាប់ផងដែរថា ដោយឡែកនៅក្នុងរយៈពេល៣ខែចុងក្រោយនេះ ក្រោមការដឹកនាំបញ្ជាដោយលោកឧត្ដមសេនីយ៍ឯកជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញសមត្ថកិច្ចយើងបង្ក្រាបបាន៣១ករណីក្នុងចំណោម៣២ករណី លើបញ្ហាក្មេងទំនើ.ង ហើយក្នុងនោះមានជនសង្ស័យ១៤៤នាក់ ត្រូវបានកសាងសំណុំរឿងបញ្ជូនទៅកាន់តុលាការរួចហើយ ។
ម្យ៉ាងទៀតដោយអនុវត្តន៍តាមបទបញ្ជាដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត កាលពីថ្ងៃទី២៣ ខែឧសភា ឆ្នាំ២០២៤ លោកនាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកឧត្ដមសេនីយ៍ឯកជួនណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាឲ្យកងកម្លាំងធ្វើការបង្ក្រាបក្រុមក្មេងទំនើ.ងទាំងអស់ឲ្យអស់ឫសគល់ ។
អ្នកនាំពាក្យរូបនោះបានប្រាប់ឲ្យដឹងបន្តទៀតថា ការបង្ក្រាប គឺធ្វើតាមបែបភ្លៀងរលឹម និងប្រាកដប្រជាច្បាស់លាស់ គឺមិនអនុញ្ញាតឲ្យក្មេងទំនើ.ងមានភាពផុសផុលបង្កសកម្មភាពអសន្តិសុខនៅក្នុងភូមិសាស្ត្ររាជធានីភ្នំពេញនោះទេ ដូច្នេះសុំអំពាវនាវដល់យុវជន យុវតីដទៃទៀត សូមបញ្ឈប់ជាបន្ទាន់នៅការប្រមូលផ្តុំបង្កើតក្រុមបងតូចបងធំ ។ បង្កហិ.ង្សា និងអុកឡុកក្នុងរាជធានីភ្នំពេញ និងសូមឲ្យអាណាព្យាបាលជួយតាមដាន និងអប់រំកូនចៅឲ្យបានល្អ បើពុំដូច្នោះសមត្ថកិច្ច និងអនុវត្តតាមផ្លូវច្បាប់យ៉ាងដាច់ខាតដោយគ្មានការលើកលែងនោះឡើយ ៕
ចែករំលែកព័តមាននេះ