ខេត្តបន្ទាយមានជ័យ ៖ សត្វតេះឈ្មោល១ក្បាល ទម្ងន់ជាង៥០គីឡូក្រាម ត្រូវបានក្រទះឃើញឆ្កែដេញធ្លាក់ទឹកអាង ក៏ត្រូវបានចាប់ប្រគល់ជូនមន្ត្រីឧទ្យានុរក្ស កាលពីថ្ងៃទី១៣ ខែធ្នូ ឆ្នាំ២០២៤ នៅចំណុចអាងអន្លង់ត្រាច…
ខេត្តបន្ទាយមានជ័យ ៖ សត្វតេះឈ្មោល១ក្បាល ទម្ងន់ជាង៥០គីឡូក្រាម ត្រូវបានក្រទះឃើញឆ្កែដេញធ្លាក់ទឹកអាង ក៏ត្រូវបានចាប់ប្រគល់ជូនមន្ត្រីឧទ្យានុរក្ស កាលពីថ្ងៃទី១៣ ខែធ្នូ ឆ្នាំ២០២៤ នៅចំណុចអាងអន្លង់ត្រាច ក្នុងភូមិអន្លង់ត្រាច ឃុំ/ស្រុកថ្មពួក ។
លោក លីវ សុគុណ មេឃុំថ្មពួកបានប្រាប់ថា សត្វតេះឈ្មោល១ក្បាលដែលមានទម្ងន់ជាង៥០គីឡូក្រាម ដែលប្រជាកសិករទៅមើលស្រែហើយប្រទះឃើញឆ្កែដេញធ្លាក់ទឹកអាងអន្លង់ត្រាច ទើបចាប់បានប្រគល់ជូនអាជ្ញាធរឃុំថ្មពួក ហើយប្រគល់ជូនមន្ត្រីឧទ្យានុរក្សការពារទេសភាពបន្ទាយឆ្មារនិងតំបន់បតិកភ័ណភ្នំព្រៈភ្នំវែងដើម្បីយកទៅអភិរក្សរក្សាទុក។
លោកបានបញ្ជាក់ថា នៅពេលចាប់សត្វតេះ គឺប្រជាកសិករប្រមាណ៤ទៅ៥នាក់ មានឆ្កែ៤ទៅ៥ក្បាលទៅមើលស្រែ ហើយប្រទះឃើញសត្វតេះ ហើយឆ្កែបានដេញសត្វតេះរត់ធ្លាក់ទឹកអាងអន្លង់ត្រាចហែលទៅទួលកណ្តាលកោះ ប្រជាកសិករឃើញនាំគ្នាដេញចាប់ត្រូវបានសត្វតេះលោតចុះទឹកចាប់ ក៏នាំគ្នាដាក់សែងមកប្រគល់ជូនអាជ្ញាធរឃុំថ្មពួក។
លោក លីវ សុគុណ បានបញ្ជាក់ថា ក្រោយប្រជាកសិករចាប់បានសត្វតេះឈ្មោល១ក្បាលទម្ងន់ជាង៥០គីឡូក្រាម ក៏បានទំនាក់ទំនងទៅមន្ត្រីឧទ្យានុរក្ស ដើម្បីមកទទួលយកសត្វតេះទៅអភិរក្សតំបន់បេតិកភ័ណ្ឌភ្នំព្រះភ្នំវែង ។
ចែករំលែកព័តមាននេះ