ខេត្តកំពង់ស្ពឺ៖ មន្ត្រីនគរបាលស្រុកគងពិសីបានឲ្យដឹងនៅព្រឹកថ្ងៃទី០៥ ខែមករា ឆ្នាំ២០២៦នេះថា ដោយអនុវត្តបទបញ្ជារបស់លោកឧត្តមសេនីយ៍ទោ ឃឹម សុកខៃ ស្នងការដ្ឋាននគរបាលខេត្តកំពង់ស្ពឺ នឹងដឹកនាំបញ្ជាកំលាំងផ្ទាល់ដោយលោកវរសេនីយ៍ឯក យ៉ាង…
ខេត្តកំពង់ស្ពឺ៖ មន្ត្រីនគរបាលស្រុកគងពិសីបានឲ្យដឹងនៅព្រឹកថ្ងៃទី០៥ ខែមករា ឆ្នាំ២០២៦នេះថា ដោយអនុវត្តបទបញ្ជារបស់លោកឧត្តមសេនីយ៍ទោ ឃឹម សុកខៃ ស្នងការដ្ឋាននគរបាលខេត្តកំពង់ស្ពឺ នឹងដឹកនាំបញ្ជាកំលាំងផ្ទាល់ដោយលោកវរសេនីយ៍ឯក យ៉ាង សុខលី អធិការស្រុកគងពិសី បង្ក្រាបការឆបោកម៉ូតូបានមួយករណី។
មន្ត្រីនគរបាលស្រុកគងពិសីបាននិយាយឲ្យដឹងថា កាលថ្ងៃទី០១ ខែមករា ឆ្នាំ២០២៦ មានករណីឆបោកម៉ូតអ្នកធ្វើការសំណង់ជាមួយគ្នា។ នៅចំណុចការដ្ឋានសំណង់ ស្ថិតនៅក្នុងភូមិព្រៃពង្រ ឃុំរកាកោះ ស្រុកគងពិសី ខេត្តកំពង់ស្ពឺ ដោយវេលាម៉ោង០៦និង៣០នាទីព្រលប់ថ្ងៃទី០១ ខែមករា ឆ្នាំ២០២៦ ឈ្មោះ យី ដន ភេទប្រុស អាយុ២៦ឆ្នាំ រស់នៅក្នុងភូមិក្រាស់ស្ពវ ឃុំកំពង់សឹង ស្រុកព្រះស្តេច ខេត្តព្រៃវែង ជាអ្នកធ្វើការសំណង់ជាមួយគ្នា បានខ្ចីម៉ូតូ ម៉ាកហុងដាសេ១២៥ ស៊េរីឆ្នាំ២០២៥ ពណ៌ខ្មៅ ពាក់ផ្លាកលេខ សៀមរាប1AT-6171 លេខតួ លេខម៉ាសុីនND125N0263213 ពីម្ចាស់ម៉ូតូឈ្មោះ រស់ រេង ភេទប្រុស អាយុ៣៤ឆ្នាំ បច្ចុប្បន្នស្នាក់ នៅក្នុងភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ថាយកទៅទិញស្រាបៀរមួយភ្លែត រួចក៏ជិះគេចខ្លួនទៅបាត់រហូត។ លុះរហូតមកដល់ថ្ងៃទី០២ ខែមករា ឆ្នាំ២០២៦ មិនឃើញយកម៉ូតូត្រឡប់មកវិញ ម្ចាស់ម៉ូតូក៏សម្រេចចិត្តមកដាក់ពាក្យបណ្ដឹងនៅប៉ុស្ដិ៍រដ្ឋបាលឃុំរការកោះ ដើម្បីជួយអន្តរាគមន៍ស្រាវជ្រាវឃាត់ជនសង្ស័យ។
នគរបាលស្រុកគងពិសីបាននិយាយឱ្យដឹងទៀតថា÷ ក្រោយទទួលបានពាក្យបណ្តឹងពីជនរងគ្រោះ នៅវេលាម៉ោង១២ថ្ងៃត្រង់ថ្ងៃទី០៤ ខែ មករា ឆ្នាំ ២០២៦ កម្លាំងជំនាញអធិការដ្ឋាននគបាលស្រុកគងពិសីសហការស្រាវជ្រាវ ជាមួយនគរបាលប៉ុស្តិ៍រដ្ឋបាលកំពុងសឹងនៃអធិការដ្ឋាននគរបាលស្រុកព្រះស្ដេច ឈានដល់ធ្វើការឃាត់ខ្លួនជនសង្ស័យ និងវត្ថុតាង(ម៉ូតូ) រួមទាំងម្សៅក្រាមសថ្លា សង្ស័យជាសារធាតុញៀន០១កញ្ចប់តូច យកមកអធិការដ្ឋាននគស្រុកគងពិសី ដើម្បីកសាងសំណុំរឿងអនុវត្តចាត់ការតាមនីតិវិធី។ ម៉ូតូត្រូវបានប្រគល់ជូនម្ចាស់ដើមយកទៅប្រើប្រាស់វិញហើយ។
បច្ចុប្បន្នជនសង្ស័យខាងលើត្រូវបានកសាងសំណុំរឿងបញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ