ខេត្តកំពង់ស្ពឺ៖ ត្រឹមតែរយៈពេលមួយសប្តាហ៍ភ្ញៀវទេសចរណ៍ជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៍ទេសចរណ៍ និងស្នាក់នៅ ក្នុងភូមិសាស្ត្រខេត្តកំពង់ស្ពឺប្រមាណ៦២៥៥០នាក់។ បើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ គិតចាប់ពីថ្ងៃទី២៩ ខែធ្នូ…
ខេត្តកំពង់ស្ពឺ៖ ត្រឹមតែរយៈពេលមួយសប្តាហ៍ភ្ញៀវទេសចរណ៍ជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៍ទេសចរណ៍ និងស្នាក់នៅ ក្នុងភូមិសាស្ត្រខេត្តកំពង់ស្ពឺប្រមាណ៦២៥៥០នាក់។
បើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ គិតចាប់ពីថ្ងៃទី២៩ ខែធ្នូ ឆ្នាំ២០២៥ រហូតដល់ថ្ងៃទី០៤ ខែមករា ឆ្នាំ២០២៦នេះ។ ភ្ញៀវទេសចរណ៍ជាតិ និងអន្តរជាតិ មកលេងកម្សាន្ត ក្នុងភូមិសាស្ត្រខេត្តកំពង់ស្ពឺ តាមរមណីយដ្ឋាន សហគមន៍ទេសចរណ៍ និងស្នាក់នៅ ក្នុងខេត្តកំពង់ស្ពឺសរុបប្រមាណ៦២,៥៥០នាក់។ ក្នុងនោះភ្ញៀវទេសចរណ៍ជាតិមានចំនួន ៦២,០០០នាក់ និងភ្ញៀវទេសចរណ៍អន្តរជាតិមានចំនួន៥៥០នាក់ផងដែរ។
របាយការណ៍មន្ទីរទេសចរណ៍ដដែលបានបញ្ជាក់ថា÷ ភាពរីករាយរបស់ភ្ញៀវទេសចរណ៍បាននាំមកនូវ ភាពសប្បាយរីករាយ និងបរិយាកាសអធិកអធម ដល់ប្រជាពលរដ្ឋ ក៏ដូចជាភ្ញៀវទេសចរជាតិ និងអន្តរជាតិ។ នៅតាមបណ្តារមណីយដ្ឋាននានា បានរៀបចំយ៉ាងស្រស់ស្អាត និងមានសណ្តាប់ធ្នាប់ ដើម្បីទទួលភ្ញៀវទេសចរ។តម្លៃម្ហូបសមរម្យ សន្តិសុខមិនមានអ្វីគួរឱ្យកត់សម្គាល់នោះឡើយ។
ភាពរីករាយនេះមិនត្រឹមតែជាការកម្សាន្ត ប៉ុណ្ណោះទេ តែជាការបង្ហាញយ៉ាងច្បាស់អំពី ការថែរក្សាប្រពៃណីវប្បធម៌ ដ៏សម្បូរបែប របស់ខ្មែរ ក្នុងលក្ខណៈជាមហាគ្រួសារខ្មែរ តែមួយក្រោមម្លប់សន្តិភាព៕
ចែករំលែកព័តមាននេះ