រាជធានីភ្នំពេញ ៖ សំណុំរឿងក្រុមម៉ាហ្វីយ៉ាចំនួន១២នាក់ ជើងខ្លាំងនាំគ្នាទៅរំដោះអ្នកទោសរត់ចេញពីគ្លីនិចធ្មេញ ជុំ ចិន្តា នៅខេត្តសៀមរាប និងមេក្លោងម្នាក់ (សរុប១៣នាក់) កាលពីថ្ងៃទី៦…
រាជធានីភ្នំពេញ ៖ សំណុំរឿងក្រុមម៉ាហ្វីយ៉ាចំនួន១២នាក់ ជើងខ្លាំងនាំគ្នាទៅរំដោះអ្នកទោសរត់ចេញពីគ្លីនិចធ្មេញ ជុំ ចិន្តា នៅខេត្តសៀមរាប និងមេក្លោងម្នាក់ (សរុប១៣នាក់) កាលពីថ្ងៃទី៦ ខែធ្នូ ឆ្នាំ២០២៤ ត្រូវបានសាលាដំបូងរាជធានីភ្នំពេញនាំមកឡើង «ជ្រុញ» បើកសវ នាការជំនុំជម្រះទោស ដោយជាប់ចោទពីបទ. រៀបចំចាត់តាំងក្រុមជនប្រដាប់អាវុធ ចូលរួមក្នុងក្រុមជនប្រដាប់ អាវុធ ចាប់ឃុំឃាំង និងបង្ខាំមនុស្សដោយខុសច្បាប់មានស្ថានទម្ងន់ទោស បោះបង់អាវុធក្នុងទីកន្លែងសាធារណៈ និងកាន់កាប់អាវុធដោយគ្មានការអនុញ្ញាត ។
សវនាការបានធ្វើឡើងជាសាធារណៈ ដឹកនាំដោយលោក ហុក ពៅ ប្រធានក្រុមប្រឹក្សាជំនុំជម្រះ ចំពោះមុខជនជាប់ ចោទនិងមេធាវីការពារក្តីតាមផ្លូវច្បាប់ ។ សវនាការបានសាកសួរដេញដោលលើជនជាប់ចោទតាមនីតិវិធី រហូតផុតម៉ោងរដ្ឋបាលទើបប្រធានក្រុមប្រឹក្សាជំនុំជម្រះ លើកពេលបន្តសវនាការទៅថ្ងៃ ក្រោយដោយមិនកំណត់ ។
សូមរម្លឹកថា ៖ កាលពីថ្ងៃទី២៩ ខែសីហា ឆ្នាំ២០២៣ លោក កី ម៉ានេរ៉ា ចៅក្រមស៊ើបសួរសាលាដំបូងរាជធានីភ្នំពេញ បានចេញ ដីកាបង្គាប់ឲ្យឃុំខ្លួនក្រុមឧក្រិដ្ឋជន និងអ្នកទោសដែលជាមេខ្លោ ងជួញដូរគ្រឿងញៀនចំនួន១៣ នាក់ ដាក់ពន្ធនាគារជាបណ្តោះ អាសន្ន ។ តាមដីកាបង្គាប់ឲ្យឃុំខ្លួនជនសង្ស័យទាំង១៣ នាក់ បន្ទាប់ពីតំណាងអយ្យការបានសម្រេចធ្វើការចោទប្រកាន់ ក្រុមម៉ាហ្វីយ៉ាទាំងអស់នោះចំនួន៧ បទល្មើសដែលសុទ្ធសឹងជាបទល្មើសព្រហ្មទណ្ឌឧក្រិដ្ឋ រួមមាន ៖
១.បទ រៀបចំចាត់តាំងក្រុមជនប្រដាប់អាវុធ ផ្តើមគំនិតក្នុងអំពើ ចាប់ឃុំឃាំង និងបង្ខាំងមនុស្ស ដោយខុសច្បាប់ មានស្ថានទម្ងន់ ទោស លួចរត់មានស្ថានទម្ងន់ទោស (ដោយប្រើប្រាស់អាវុធ)ផ្តើមគំនិតក្នុងអំពើបោះបង់អាវុធក្នុងទីកន្លែងសាធារណៈ និងបទល្មើ សសម្អាតប្រាក់ តាមបញ្ញត្តិមាត្រា ៤៨៦ មាត្រា ២៥៤ កថាខណ្ឌទី១ ចំណុច៣ មាត្រា ៥៦៤ មាត្រា ២៨ មាត្រា ៤៩១ នៃក្រមព្រហ្មទណ្ឌ និងមាត្រា ៣៨ នៃច្បាប់ស្តីពីការប្រឆាំងការ សម្អាតប្រាក់ និងហិរញ្ញប្បទានភេរវកម្ម ។
២.បទ សមគំនិតក្នុងអំពើលួចរត់មានស្ថានទម្ងន់ទោស (ដោយ មានប្រើប្រាស់អាវុធ) តាមបញ្ញត្តិ មាត្រា ២៩ និងមាត្រា ៥៦៤ នៃក្រមព្រហ្មទណ្ឌ ។
៣.បទ សមគំនិតក្នុងអំពើរៀបចំចាត់តាំងក្រុមជនប្រដាប់អាវុធ រក្សាទុកដោយខុសច្បាប់នូវសារធាតុញៀន តាមបញ្ញត្តិមាត្រា ២៩ មាត្រា ៤៨៦ នៃក្រមព្រហ្មទណ្ឌ និងមាត្រា ៤០ នៃច្បាប់ស្តីពីការ ត្រួត ពិនិត្យគ្រឿងញៀន ។
៤.បទ សមគំនិតក្នុងអំពើចាប់ ឃុំឃាំង និងបង្ខាំងមនុស្សដោយខុសច្បាប់មានស្ថានទម្ងន់ទោស
តាមបញ្ញត្តិមាត្រា ២៩ ,មាត្រា ២៥៤ កថាខណ្ឌទី១ ចំណុច៣ នៃក្រមព្រហ្មទណ្ឌ ។៥.បទ បោះបង់អាវុធក្នុងទីកន្លែងសាធារណៈ ផ្តើមគំនិតក្នុងអំពើបោះបង់អាវុធក្នុងទីកន្លែង សាធារណៈ និងសមគំនិតក្នុងអំពើបោះបង់អាវុធក្នុងទីកន្លែងសាធារណៈ តាមបញ្ញត្តិមាត្រា ២៨ មាត្រា ២៩ និងមាត្រា ៤៩១ នៃក្រមព្រហ្មទណ្ឌ ។
៦.បទ រៀបចំចាត់តាំងក្រុមជនប្រដាប់អាវុធ ចូលរួមក្នុងក្រុមជនប្រដាប់អាវុធ ចាប់ឃុំឃាំង និង បង្ខាំងមនុស្សដោយខុសច្បាប់មានស្ថានទម្ងន់ទោស តាមបញ្ញត្តិមាត្រា ៤៨៦ ,មាត្រា ៤៨៥ និង មាត្រា ២៥៤ កថាខណ្ឌទី១ ចំណុច៣ នៃក្រមព្រហ្មទណ្ឌ៧.បទ កាន់កាប់ និងដឹកជញ្ជូនអាវុធដោយគ្មានការអនុញ្ញាត តាមបញ្ញត្តិមាត្រា ៤៩០ នៃក្រម ព្រហ្មទណ្ឌ ។
សូមរម្លឹកទៀតថា កាលពីព្រឹកថ្ងៃទី២៣ ខែសីហា ឆ្នាំ២០២៣ នៅមន្ទីរប្រឆាំងបទល្មើសគ្រឿងញៀន ឯកឧត្តមនាយឧត្តមសេនី យ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿង ញៀនលោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន និងមានការចូលរួមពីតំណាងនាយកដ្ឋាននគរបាលព្រហ្មទណ្ឌ នាយកដ្ឋាននគរបាលសន្តិសុខផ្ទៃក្នុង នៃអគ្គស្នងការដ្ឋាននគរបាលជាតិ បានធ្វើសន្និសីទសារព័ត៌មាន បង្ហាញមុខជនសង្ស័យមួយក្រុម ជាជនប្រដាប់អាវុធទៅប្លន់រំដោះយកទណ្ឌិតមេក្លោងជួញដូរគ្រឿងញៀន ចេញពីគ្លីនិកធ្មេញ ជុំ ចិន្តា នៅខេត្តសៀមរាប ខណៈអនុរក្សពន្ធនាគារបាននាំមេក្លោងគ្រឿងញៀនរូបនោះទៅពិនិត្យសុខភាពធ្មេញ កាលពីថ្ងៃទី១៦ ខែសីហា ឆ្នាំ២០២៣ ។
តែទោះជាយ៉ាងណាក្តី ក្រុមឧក្រិដ្ឋជន រួមទាំងមេក្លោងម្នាក់ផងនោះ ត្រូវបានកម្លាំងសមត្តកិច្ចនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ សហការជាមួយស្នងការដ្ឋាននគរាបាលខេត្តសៀមរាប ស្រាវជ្រាវ និងតាមចាប់ខ្លួនបានមកវិញចំនួន១៣នាក់ រួមមាន ៖
១.ឈ្មោះ ចិន សិនហាន ភេទប្រុស អាយុ៤៥ឆ្នាំ ជនជាតិចិន ជាមេក្លោង ដែលតុលាការផន្ទាទោសដាក់ពន្ធនាគារខេត្តសៀមរាប ចំនួន៥២ ឆ្នាំ ។ ២.ឈ្មោះ ស៊ឹម សឿម ភេទប្រុស អាយុ៤៦ ឆ្នាំ ជនជាតិខ្មែរ សញ្ជាតិខ្មែរ រស់នៅភូមិស្រែវាល ស្រុករលាប្អៀរ ខេត្តកំពង់ឆ្នាំង ។ ៣.ឈ្មោះ ក្លូអេ យិនរ៉ុង ភេទស្រី អាយុ៤០ ឆ្នាំ ជនជាតិចិន សញ្ជាតិចិន រស់នៅខេត្តជាំងស៊ូ ប្រទេសចិន ។
៤.ឈ្មោះ ផេវ ប្រាសិទ្ធសិទ្ធ ភេទប្រុស អាយុ៤១ ឆ្នាំ ជនជាតិខ្មែរ សញ្ជាតិអាមេរិក រស់នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋ អាមេរិក ។ ៥.ឈ្មោះ សាវី សាវុធ ភេទប្រុស អាយុ៤០ ឆ្នាំជនជាតិខ្មែរ សញ្ជា តិអាមេរិក រស់នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេ រិក ។ ៦.ឈ្មោះ អិន ចាន់ទី ភេទប្រុស អាយុ៣៥ ឆ្នាំ ជនជាតិខ្មែរ សញ្ជាតិអាមេរិក រស់នៅរដ្ឋកាលីហ្វ័រញ៉ា សហរដ្ឋអាមេរិក ។ ៧.ឈ្មោះ សំ ដេវីដ ភេទប្រុស អាយុ៣៣ ឆ្នាំ ជនជាតិខ្មែរ សញ្ជា តិអាមេរិក រស់នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេ រិក ។ ៨.ឈ្មោះ រឹម សុផល ភេទប្រុស អាយុ៣៥ ឆ្នាំ ជនជាតិខ្មែរ សញ្ជា តិអាមេរិក រស់នៅទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក ។
៩.ឈ្មោះ សៀន ហ្វ្រូសសារ៉ាត់ ភេទប្រុស អាយុ៣៩ ឆ្នាំ ជនជាតិខ្មែរ សញ្ជាតិអាមេរិក រស់នៅប្រទេសហ្វីលីពីន ។ ១០.ឈ្មោះ ខាន់ សុខា ភេទប្រុស អាយុ២៨ ឆ្នាំ ជនជាតិខ្មែរ មានទីលំនៅភូមិវាល សង្កាត់គោកចក ក្រុង.ខេត្តសៀមរាប ។ ១១.ឈ្មោះ ឈិន យៀកស៊ីន ភេទប្រុស អាយុ៤៣ ឆ្នាំ ជនជាតិចិនតៃវ៉ាន់ សញ្ជាតិចិន រស់នៅខេត្តលៀនប៉ែ កោះតៃវ៉ាន់ ប្រទេសចិន ។ ១២.ឈ្មោះ ឆេង យូសេង ។១៣.ឈ្មោះ អាលសាំម៉ារី សាបាហាម៉ាដ ៕
ចែករំលែកព័តមាននេះ