ជម្លោះគ្រួសារប្រៀបដូចជា គ្រា.ប់បែកបានផ្ទុះក្នុងផ្ទះរបស់តារា នៅពេលដែលក្រុមគ្រួសាររបស់តារាបានដឹងថា គាត់បានប្រើគ្រឿងញៀ.ន ។ ប៉ុន្តែក្រោយមក គ្រប់គ្នាបានទទួលយកការពិត ហើយផ្តល់ក្តីស្រឡាញ់ និងការគាំទ្រគ្រប់បែបយ៉ាងដល់តារា រហូតដល់យុវជនរូបនេះ…
ជម្លោះគ្រួសារប្រៀបដូចជា គ្រា.ប់បែកបានផ្ទុះក្នុងផ្ទះរបស់តារា នៅពេលដែលក្រុមគ្រួសាររបស់តារាបានដឹងថា គាត់បានប្រើគ្រឿងញៀ.ន ។ ប៉ុន្តែក្រោយមក គ្រប់គ្នាបានទទួលយកការពិត ហើយផ្តល់ក្តីស្រឡាញ់ និងការគាំទ្រគ្រប់បែបយ៉ាងដល់តារា រហូតដល់យុវជនរូបនេះ អាចបន្សាបគ្រឿងញៀ.នបានទាំងស្រុង ។
រឿងរ៉ាវរបស់តារា បានបង្ហាញពីសារសំខាន់នៃការគាំទ្ររបស់ក្រុមគ្រួសារនៅក្នុងការជួយដល់អ្នកប្រើប្រាស់គ្រឿងញៀ.នអោយចាកចេញពីការញៀ.នថ្នាំ ។ ការញៀ.នគ្រឿងញៀ.ន គឺជាបញ្ហាធ្ងន់ធ្ងរដែលប៉ះពាល់ដល់បុគ្គល ក្រុមគ្រួសារ និងសហគមន៍នៅកម្ពុជា កាន់តែទូលំទូលាយនៅពេលបច្ចុប្បន្ននេះ ទាំងនៅទីក្រុងនិងនៅជនបទ ទោះបីជារដ្ឋាភិបាលអនុវត្តកម្មវិធី និងពង្រឹងការអនុវត្តច្បាប់ ដើម្បីទប់ស្កាត់ការរីករាលដាលនៃគ្រឿងញៀ.នយ៉ាងណាក៏ដោយ ។
អាជ្ញាធរ និងសមត្ថកិច្ច គឺអាចដោះស្រាយតែរឿងច្បាប់តែប៉ុណ្ណោះ ។ ប៉ុន្តែបញ្ហានៃការញៀ.ននេះវាមិនមែនអាចដោះស្រាយដោយសារតែកំហឹ.ងទល់កំហល់បានឡើយ ។ ដើម្បីជួយដោះស្រាយបញ្ហានេះ តួនាទីរបស់ឪពុកម្តាយ និងគ្រួសារក្នុងការដោះស្រាយបញ្ហានេះ មិនអាចមើលស្រាលបានឡើយ ។ ឪពុកម្តាយ និងគ្រួសារ ជាប្រព័ន្ធគាំទ្រ និងព្យាបាលដ៏មានប្រសិទ្ធភាពបំផុត ហើយមកដល់ពេលនេះត្រូវបានគេទទួលស្គាល់ថា គឺជាអ្នកដែលតែងតែកាន់កូនសោរគន្លឹះ ក្នុងការជួយសមាជិកគ្រួសារដែលមានអ្នកញៀ.នថ្នាំ ឱ្យជាសះស្បើយឡើងវិញ ហើយអាចធ្វើសមាហរណកម្ម នៅក្នុងសង្គមធម្មតាវិញបាន ។
ខាងក្រោមនេះ ជាបទពិសោធន៍របស់រឿងគ្រួសារមួយដែលបានជួយកូនប្រុសរបស់ពួកគេឲ្យទទួលបាននូវភាពជោគជ័យនៅក្នុងការយកឈ្នះបញ្ហាដែលបានជ្រុលជ្រោះធ្លាក់ខ្លួនញៀន.ថ្នាំ និងអាចចាកចេញពីគ្រោះកំណាចនេះមកកសាងជីវិត និងជីវភាពប្រក្រតីឡើងវិញបានដូចជាគេ ដូចជាឯង នៅក្នុងសង្គមទូទៅ ។
តារា ដែលមានអាយុ២៤ឆ្នាំ គឺជាយុវជនដែលកើតនៅក្នុងគ្រួសារមានវណ្ណៈកណ្តាលមួយ ។ រូបគេកំពុងតែបម្រើការងារខាងបច្ចេកវិទ្យាកុំព្យូទ័រដ៏ប៉ិនប្រសព្វមួយរូបទោះជារូបគេធ្លាប់ដើរធ្លាក់នៅក្នុងអន្លង់នៃក្រុមមនុស្សញៀ.នគ្រឿងញៀ.នក៏ដោយចុះ ។ នៅពេលដែលខ្លួនចាញ់កល់មិត្តភក្តិហើយលង់ខ្លួនប្រើប្រាស់គ្រឿងញៀ.ននៅពេលរៀនវិទ្យាល័យ រូបគេបានក្លាយជាមនុស្សកោងកាច មិនសូវចូលរៀន ហើយសុខភាពគេបានធ្លាក់ចុះរហូតដល់ឪពុកម្តាយរបស់គេអាចកត់សម្គាល់ដឹង ។
ឪពុកម្តាយរបស់គេខឹងហើយខូចចិត្ត ។ គ្រួសារលែងមានភាពរីករាយ នៅពេលដែលរឿងនេះផ្ទុះឡើងដំបូង ប៉ុន្តែឪពុកម្តាយ និងក្រុមគ្រួសាររបស់គេបានតាំងចិត្តមិនបោះបង់រូបគេឡើយរហូតដល់រូបគេអាចកសាងខ្លួន ហើយជម្រះខ្លួនយ៉ាងជ្រះស្រឡះពីគ្រឿងញៀ.ន ។ តាមការរៀបរាប់របស់តារា នៅពេលដែលរូបគេត្រូវបានឪពុកម្តាយ និងក្រុមគ្រួសារដឹងរឿង គឺកំហឹង និងកំហល់បានផ្ទុះពេញគ្រួសារ ។ គ្រួសារ គឺមានតែភាពអាប់អួរ ហើយបានចាប់បង្ខំរូបគេទៅកន្លែងស្តានិតិសម្បទាមួយកន្លែងនៅខេត្តបន្ទាយមានជ័យ ។ ប៉ុន្តែនៅពេលដែលចូលបាន៦ខែ ពេលចេញមកវិញហើយជួបមិត្តភក្តិ គឺរូបគេនៅតែមានចំណង់ហើយបន្តញៀ.នជាថ្មី ។
នៅពេលដែលការផ្តាច់សារធាតុញៀ.នមិនដាច់ ឪពុកម្តាយ និងក្រុមគ្រួសារជាពិសេស គឺបងប្រុស និងបងស្រី បានផ្លាស់ប្តូរការគិត ហើយគ្រប់គ្នាព្យាយាម ទទួលយកបញ្ហា ។ ជំនួសឱ្យការព្រងើយកន្តើយនឹងបញ្ហា ឬបន្ទោសរូបគេ ក្រុមគ្រួសារបានស្វែងរកយល់ពីស្ថានភាពរបស់តារា ហើយព្យាយាមនៅជាមួយនឹងតារា និងនាំតារាទៅចូលរួមកម្មវិធីនេះកម្មវិធីនោះ ពាក់ព័ន្ធស្តីពីការញៀ.នថ្នាំ និងបានពិគ្រោះជាមួយអ្នកជំនាញ ដើម្បីរៀនពីរបៀបដែលអាចអោយតារាផ្តាច់ដោយខ្លួនឯង ។
តារាបានឲ្យដឹងថា នៅពេលដែលខ្លួនបានទទួលការទទួលស្គាល់ពីគ្រួសារហើយនិយាយដោយចំហគួបផ្សំនឹងការយកចិត្តទុកដាក់ ការផ្តល់ភាពកក់ក្តៅ ក៏ដូចជាការលើកទឹកចិត្ត អត់ធ្មត់ ញញឹម តារាក៏ចាប់ផ្តើមយល់អំពីទុក្ខលំបាក និងតម្លៃនៃតំណក់ទឹកភ្នែករបស់អ្នកមានគុណ និងក្រុមគ្រួសារ ។ តារាយល់អំពីអារម្មណ៍ និងទទួលស្គាល់តម្លៃនៃការតស៊ូរបស់ឪពុកម្តាយ ដែលតស៊ូជាមួយរូបគេ ដោយមិនរួញរា ដើម្បីតែពាក្យមួយម៉ាត់ គឺនៅឲ្យឆ្ងាយពីគ្រឿងញៀ.ន ។
តារាបានលើកឡើងថា គ្រួសា រគឺជាកន្លែងបន្សាបគ្រឿងញៀ.នដ៏មានប្រសិទ្ធភាពបំផុត ហើយឪពុកម្តាយ គឺកម្លាំងចិត្តដ៏រឹងមាំដែលនាំឲ្យគេទប់ស្កាត់អារម្មណ៍នៃការស្រេកការឃ្លាន និងចំណង់នៃការញៀ.នបាន ទោះជាលំបាក ប៉ុណ្ណាក៏ដោយ ។ តារាបានបន្តថា ដំបូងគ្រឿងញៀ.នធ្វើឲ្យយើងចង់ស្លា.ប់ចង់រស់ ប៉ុន្តែការតាំងចិត្ត គឺអាចឈ្នះវាបាន ។
សម្រាប់អ្នកដែលធ្លាប់ប្រើប្រាស់គ្រឿងញៀ.ន ហើយនៅពេលដែលកំពុងតែញៀ.ន អ្វីដែលខ្លាចបំផុត គឺគេហៅខ្លួនថា «អាញៀ.នថ្នាំ» ប៉ុន្តែក្រុមគ្រួសារជាពិសេស គឺឪពុកម្តាយព្យាយាមលួងលោមរហូតដល់តារាមានការតាំងចិត្ត ហើយស្ម័គ្រចិត្តដើរចូលមជ្ឈមណ្ឌលស្តារនីតិសម្បទាជាថ្មីរហូតដល់គ្រឿងញៀ.នត្រូវបានបន្សាប ។ ហើយនៅពេលចេញមកវិញ គឺព្យាយាមកាត់ផ្តាច់មិត្តភក្តិនានាដែលនាំឲ្យរូបគេញៀ.នថ្នាំ ។
តារាបានរៀបរាប់ថា នៅក្នុងអំឡុងពេលដែលទើបតែដឹងនៅក្នុងផ្ទះដូចជា មានករណីផ្ទុះគ្រាប់បែកដ៏រន្ធត់ ប៉ុន្តែឪពុកម្តាយព្យាយាមផ្លាស់ប្តូរឥរិយាបទ ហើយព្យាយាមកសាងបរិយាកាសប្រក្រតី និងយកចិត្តទុកដាក់រូបគេតាំងពីហូបបាយ មើលទូរទស្សន៍លេងហ្គេមជាមួយគ្នា ហើយពេលខ្លះមើលរឿងកំប្លែងសើចសប្បាយជាមួយគ្នា ហើយព្យាយាមហាត់ប្រាណជាមួយគ្នា ។ បន្ទាប់ពីបានប្រឹងប្រែងប្រមាណជា៦ខែលទ្ធផលវិជ្ជមានក៏ចាប់ផ្តើមបង្ហាញ ហើយ មកដល់ពេលនេះវាមានរយៈពេលប្រមាណជា៤ទៅ៥ ឆ្នាំហើយ ដែល តារាអាចនៅឆ្ងាយពីគ្រឿងញៀ.នបានហើយអាចរៀនចប់បរិញ្ញប័ត្រវិស្វកម្មកុំព្យូទ័រ ដែលសព្វថ្ងៃ គឺកំពុងតែបម្រើការងារនៅក្នុងក្រុមហ៊ុនមួយជាមួយនឹងប្រាក់ខែសមរម្យ ដែលអាចចិញ្ចឹមខ្លួន ហើយថែមទាំងកំពុងចិញ្ចឹមចិត្តសម្លឹងនារីម្នាក់ដែលកំពុងតែមើលចិត្តថ្លើមគ្នាបង្កើតគ្រួសារថែមទៀតផង ។
តារាបានឲ្យដឹងថា រូបគេធ្លាក់ខ្លួនប្រើប្រាស់គ្រឿងញៀ.ននេះ នៅក្នុងរង្វង់ពេលរៀននៅវិទ្យាល័យ ដោយពេលនោះប្រឡងធ្លាក់បាក់ឌុបមួយឆ្នាំ ប៉ុន្តែក្រោយកែខ្លួនក៏អាចបន្សាប និងចូលរួមបន្តរហូតដល់បញ្ចប់ជំនាញនៅមហាវិទ្យាល័យ ។ នេះ គឺជារឿងរ៉ាវនៃភាពជោគជ័យរបស់បុគ្គលម្នាក់ ដែលធ្លាប់ធ្លាក់ខ្លួនប្រើប្រាស់គ្រឿងញៀ.ន តែត្រូវបានក្រុមគ្រួសារ ជាពិសេស គឺឪពុកម្តាយជួយសង្គ្រោះបានទាន់ពេលវេលា ។ រឿងរ៉ាវនេះ គឺបញ្ជាក់ថា ការដោះស្រាយគ្រឿងញៀ.នមិនមែនទាល់តែថ្នាក់ជាតិ សមត្ថកិច្ចទើបអាចដោះវាចេញបាននោះទេ ។ អ្វីដែលសំខាន់ គឺខ្លួនយើង និងមានការគាំទ្រពីក្រុមគ្រួសារ ។
ភាពជោគជ័យរបស់តារាបង្ហាញពីសារៈសំខាន់នៃចំណងគ្រួសារដ៏រឹងមាំ ការទំនាក់ទំនងបើកចំហរ និងការស្វែងរកជំនួយដែលមានជំនាញវិជ្ជាជីវៈក្នុងការដោះស្រាយការញៀ.នគ្រឿងញៀ.ន ។ កិច្ចខិតខំប្រឹងប្រែងរបស់រដ្ឋាភិបាល និងសមត្ថកិច្ចវាមានសារៈសំខាន់ហើយ តែក្រុមគ្រួសារក៏អាចដើរតួនាទីយ៉ាងសំខាន់ក្នុងការទប់ស្កាត់ និងដោះស្រាយបញ្ហានេះដោយបង្កើតបរិយាកាសគាំទ្រ និងការយល់ដឹង ។ ការបង្ក្រាបគ្រឿងញៀ.នរដ្ឋាភិបាលអាចប្រើថ្នាំខ្លាំង ប៉ុន្តែនៅក្នុងគ្រួសារគ្រឿងញៀ.នអាចបន្សាបបានដោយក្តីស្រឡាញ់ ការអត់ធ្មត់ និងការតាំងចិត្ត ។ គ្រួសារអាចធ្វើឱ្យមានភាពខុសគ្នាយ៉ាងខ្លាំងក្នុងការប្រយុទ្ធប្រឆាំងនឹងការញៀ.នថ្នាំ និងជួយមនុស្សជាទីស្រឡាញ់ឱ្យអាចវិលត្រឡប់មករកប្រក្រតីភាពវិញបាន ៕
ចែករំលែកព័តមាននេះ