ប្រទេសកម្ពុជាបានរាយការណ៍ពីការកើនឡើងគួរឱ្យកត់សម្គាល់ទាំងចំនួនមនុស្សដែលត្រូវបានចាប់ខ្លួន និងចំនួនគ្រឿងញៀ.នដែលរឹបអូសបានក្នុងរយៈពេល១១ខែនៃឆ្នាំ២០២៤ កន្លងមក ។ នេះបើយោងតាមរបាយការណ៍របស់នាយកដ្ឋានប្រឆាំងគ្រឿងញៀ.នដូច្នេះ ។ តើសង្គមកម្ពុជាគួរដោះស្រាយបញ្ហានេះយ៉ាងណា? របាយការណ៍បានឲ្យដឹងថា អាជ្ញាធរបានឃាត់ខ្លួនជនសង្ស័យពាក់ព័ន្ធគ្រឿងញៀ.នចំនួនជាង២៣.០០០ នាក់…
ប្រទេសកម្ពុជាបានរាយការណ៍ពីការកើនឡើងគួរឱ្យកត់សម្គាល់ទាំងចំនួនមនុស្សដែលត្រូវបានចាប់ខ្លួន និងចំនួនគ្រឿងញៀ.នដែលរឹបអូសបានក្នុងរយៈពេល១១ខែនៃឆ្នាំ២០២៤ កន្លងមក ។ នេះបើយោងតាមរបាយការណ៍របស់នាយកដ្ឋានប្រឆាំងគ្រឿងញៀ.នដូច្នេះ ។ តើសង្គមកម្ពុជាគួរដោះស្រាយបញ្ហានេះយ៉ាងណា?
របាយការណ៍បានឲ្យដឹងថា អាជ្ញាធរបានឃាត់ខ្លួនជនសង្ស័យពាក់ព័ន្ធគ្រឿងញៀ.នចំនួនជាង២៣.០០០ នាក់ ក្នុងអំឡុងខែមករា ដល់ខែវិច្ឆិកា ឆ្នាំនេះកើនឡើងជិត២៩ភាគរយ ខណៈដែលកាលពីរយៈពេលដដែលកាលពីឆ្នាំទៅ គឺមានត្រឹមតែជាង១៨.០០០នាក់ ដោយនៅក្នុងនោះមានជាង៨០០នាក់ ជាជនបរទេស ។
ក្រៅពីជនសង្ស័យសមត្ថកិច្ចក៏បានរឹបអូសគ្រឿងញៀ.នខុសច្បាប់ សរុបចំនួនជាង១៣តោន ពោល គឺមានការកើនឡើងយ៉ាងច្រើនបំផុត ខណៈដែលកាលពីរយៈពេលដដែល កាលពីឆ្នាំ២០២៣ គឺមានត្រឹមតែ ជិត៣តោនប៉ុណ្ណោះ ។ ថ្នាំញៀ.នដែលរឹបអូសបានភាគច្រើនមានខេតាមីន មេតំហ្វេតាមីន គ្រីស្តាល់ មេតំហ្វេតាមីន ហេរ៉ូអ៊ីន អេស៊ីស្តាស៊ី និងកូកាអ៊ីន ។
ផ្អែកតាមស្ថានភាពនេះ វាពិតជាពិបាកនៅក្នុងការនិយាយ ឬវិភាគអំពីបញ្ហាស្ថានភាពនៃការប្រើប្រាស់គ្រឿងញៀ.ននៅកម្ពុជាណាស់ ។ មតិខ្លះបានលើកឡើងថា កំណើននៃជនសង្ស័យដែលបានឃាត់ខ្លួន និងកំណើននៃបរិមាណគ្រឿងញៀ.នដែលរឹបអូសនេះ គឺដោយសារតែសមត្ថកិច្ចពង្រឹងការអនុវត្តច្បាប់ជាពិសេស គឺក្រោយពេលដែលសម្តេចធិបតី នាយករដ្ឋមន្ត្រីបានបង្កើនកិច្ចខិតខំប្រឹងប្រែងប្រយុទ្ធប្រឆាំងនឹងគ្រឿងញៀ.នខុសច្បាប់ ចាប់តាំងពីខែសីហា ឆ្នាំ២០២៣មក ។ ប៉ុន្តែមតិខ្លះទៀតបានលើកឡើងថា ប្រសិនបើគ្រឿងញៀ.ននៅកម្ពុជាមិនធ្ងន់ធ្ងរទេ ហើយតម្រូវការមិនច្រើនទេឈ្មួញជួញដូរគ្រឿងញៀ.នក៏មិនបង្កើនការនាំចូលមកចែកចាយឲ្យសមត្ថកិច្ចចាប់រឹបអូសដ៏ច្រើនបែបនេះឡើយ ។
កុំបន្ទោសគ្នា សំខាន់គ្រប់សមាសភាពសង្គមទាំងអស់ ទាំងអ្នកដឹកនាំ អ្នកនយោបាយ សមត្ថកិច្ច និងកង កម្លាំង ក៏ដូចជា ប្រជាពលរដ្ឋទាំងអស់ គឺត្រូវតែរួបរួមគ្នា ដើម្បីកម្ចាត់គ្រឿងញៀ.នចេញពីសង្គម ។
ប្រទេសកម្ពុជានៅពេលនេះ កំពុងប្រឈមមុខនឹងបញ្ហាកាន់តែធ្ងន់ធ្ងរជាមួយនឹងការកើនឡើងនៃការផលិតគ្រឿងញៀ.ន ការជួញដូរ ហើយនិងការប្រើប្រាស់នៅក្នុងស្រុក ។ បញ្ហាដែលកំពុងកើនឡើងនេះ បានគំរា.មកំហែ.ងយ៉ាងធ្ងន់ធ្ងរដល់សុខភាពសាធារណៈ សន្តិសុខជាតិ និងស្ថិរភាពសង្គម ។ ការដោះស្រាយវិបត្តិគ្រឿងញៀ.នតម្រូវឱ្យមានវិធីសាស្ត្រទូលំទូលាយពហុភាគី ដែលពាក់ព័ន្ធនឹងសកម្មភាពរបស់រដ្ឋាភិបាល ស្ថាប័នឯកជននានាកិច្ចសហប្រតិបត្តិការអន្តរជាតិ ការចូលរួមសហគមន៍ និងការអប់រំ ពោល គឺទាំងអស់គ្នាត្រូវតែនិយាយថា «ទេ» ចំពោះវា ។
នៅក្នុងការប្រយុទ្ធនឹងការរីករាលដាលនៃគ្រឿងញៀ.ន ការអនុវត្តច្បាប់ប្រកបដោយប្រសិទ្ធភាព គឺជារឿង សំខាន់ហើយ ប៉ុន្តែកិច្ចសហប្រតិបត្តិការជាមួយស្ថាប័នពាក់ព័ន្ធគ្រប់ជាន់ថ្នាក់តាំងពីកម្រិតអន្តរជាតិ តំបន់ ជាតិ ដល់ថ្នាក់ក្រោមជាតិ និងជាមួយសហគមន៍ គឺរឹតតែសំខាន់ផងដែរ ។ គ្រឿងញៀ.ន គឺជាបញ្ហាដែលកើតមានឡើងគ្រប់កន្លែង ហើយគ្រប់គ្នាគួរតែមានតួនាទីប្រយុទ្ធប្រឆាំងនឹងបញ្ហានេះ ។ ក្រៅពីការប្រយុទ្ធ ហើយការពង្រីកការព្យាបាល និងការស្តានីតិសម្បទាក៏ត្រូវតែខិតខំប្រឹងប្រែងដោយពិតប្រាកដចេញពីបេះដូងមិនមែនចេញដោយសារមូលនិធិចេញដោយសារតែលុយនោះទេ គឺគួរតែចេញពីមនសិការ និងឧត្តមគតិ ។ ការចូលរួមពីសហគមន៍ និងពីសំណាក់ប្រជាពលរដ្ឋទូទៅ គឺកាន់តែប្រសើរពីព្រោះថា ប្រសិនបើគ្រួសារនីមួយៗជួយគ្នាកុំអោយសមាជិកណាម្នាក់រងគ្រោះព្រោះតែវា នោះគឺវារិតតែប្រសើរ ។
ឪពុកម្តាយនិយាយនៅតាមគ្រួសារ លោកគ្រូអ្នកគ្រូបញ្ជ្រាបបន្ថែមនៅសាលាដល់ពេលទៅដល់សហគមន៍ មានចាស់ព្រឹទ្ធាចារ្យ និងពិសេសព្រះសង្ឃជួយបន្ថែមមួយផ្នែកទៀតក៏រឹតតែសកម្មបន្ថែមទៀតនៅក្នុងការបញ្ជ្រាបការយល់ដឹងអំពីគ្រោះថ្នាក់នៃគ្រឿងញៀ.ន ។
សរុបទៅ វិបត្តិគ្រឿងញៀ.ននៅកម្ពុជា គឺជាបញ្ហាស្មុគស្មាញដែលទាមទារឱ្យមានកិច្ចខិតខំប្រឹងប្រែងជាបន្ទាន់ និងប្រកបដោយនិរន្តរភាពពីគ្រប់វិស័យ និងទាមទារការចូលរួមពីគ្រប់កោសិកានៃសង្គម ។
តាមរយៈការរួមបញ្ចូលគ្នានៃការខិតខំការអនុវត្ត ការអប់រំ ការព្យាបាល ការលើកទឹកចិត្ត និងការអភិវឌ្ឍសេដ្ឋកិច្ចសង្គម យើងជឿជាក់ថា ប្រទេសកម្ពុជាអាចកសាងនូវសំណាញ់នៃសកម្មភាពឆ្លើយតបដ៏រឹងមាំចំពោះបញ្ហាដែលកំពុងកើនឡើងនេះ ។ រដ្ឋាភិបាលសង្គមស៊ីវិល និងដៃគូអន្តរជាតិ ព្រមទាំងសហគមន៍ ត្រូវតែធ្វើការរួមគ្នា ដើម្បីការពារអនាគតរបស់កម្ពុជាដោយធានាឱ្យប្រជាជនរបស់ខ្លួនរស់នៅក្នុងបរិស្ថានដែលមានសុខភាពល្អ សុវត្ថិភាពជាងមុន និងគ្មានគ្រឿងញៀ.ន ។
តាមរយៈយុទ្ធសាស្ត្រដ៏ទូលំទូលាយ និងកិច្ចសហប្រតិបត្តិការពីគ្រប់គ្នាយើងរំពឹងថា យើងអាចចាត់វិធានការដ៏មានអត្ថន័យឆ្ពោះទៅរកការយកឈ្នះលើបញ្ហាប្រឈមដ៏លំបាកនេះ ។ យើងទាំងអស់គ្នា ត្រូវចាំថា គ្រឿងញៀ.ន គឺជាបិសាចសង្គម ។ ដូច្នេះយើងទាំងអស់គ្នាត្រូវកម្ចាត់វាអោយបាន៕
ចែករំលែកព័តមាននេះ