ខេត្តកំពង់ស្ពឺ៖ ជនសង្ស័យចំនួន០២នាក់ ដែលយកកាំបិតផ្គាក់កាប់ទៅលើជនរងគ្រោះបណ្ដាលឲ្យដាច់ដៃ ម្ខាងពេលនេះត្រូវបានសមត្ថកិច្ចនគរបាលក្រុងច្បារមនធ្វើការស្រាវជ្រាវបង្ក្រាបបានដកហូតវត្ថុតាងកាំបិតផ្គាក់ និងដាវកែច្នៃថែមទៀតផង។ ការឃាត់ខ្លួនក្រុមជនដៃដល់បានកាលពីល្ងាចថ្ងៃទី២៩ ខែវិច្ឆិកា ឆ្នាំ២០២៤ ដោយអនុវត្ដតាមបទបញ្ជាលោកឧត្ដមសេនីយ៍ទោ ឃឹម…
ខេត្តកំពង់ស្ពឺ៖ ជនសង្ស័យចំនួន០២នាក់ ដែលយកកាំបិតផ្គាក់កាប់ទៅលើជនរងគ្រោះបណ្ដាលឲ្យដាច់ដៃ ម្ខាងពេលនេះត្រូវបានសមត្ថកិច្ចនគរបាលក្រុងច្បារមនធ្វើការស្រាវជ្រាវបង្ក្រាបបានដកហូតវត្ថុតាងកាំបិតផ្គាក់ និងដាវកែច្នៃថែមទៀតផង។
ការឃាត់ខ្លួនក្រុមជនដៃដល់បានកាលពីល្ងាចថ្ងៃទី២៩ ខែវិច្ឆិកា ឆ្នាំ២០២៤ ដោយអនុវត្ដតាមបទបញ្ជាលោកឧត្ដមសេនីយ៍ទោ ឃឹម សុកខៃ ស្នងការ នគរបាលខេត្ដកំពង់ស្ពឺ និងបានការដឹកនាំផ្ទាល់ពីលោកអធិការនគរបាលក្រុងច្បារមន កំលាំងនគរបាលបានធ្វើការស្រាវជ្រាវនិងឈានទៅកំណត់ឃាត់ខ្លួនមុខសញ្ញាជនដៃដល់បង្កហិង្សាដោយចេតនា ដែលបានយកកាំបិតផ្គាក់កាប់ទៅលើជនរងគ្រោះឈ្មោះ នី ចាន់ណា ភេទប្រុស អាយុ២៦ឆ្នាំ បណ្ដាលឲ្យដាច់ កដៃ ដៃខាងឆ្វេងម្ខាង កាលពីវេលាម៉ោង២៣និង៥៧នាទីថ្ងៃទី២៧ ខែវិច្ឆិកា ឆ្នាំ២០២៤ កន្លងទៅ នៅចំណុចលើផ្លូវលេខ១០៤ មុខផ្ទះសំណាក់ជំនោររាត្រី ស្ថិតក្នុងភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ គ្រាន់តែទំនាស់ពាក្យសម្តីតិចតួចសោះ។
យោងតាមបណ្ដឹងរបស់ក្រុមគ្រួសារជនរងគ្រោះ សមត្ថកិច្ចនគរបាលបានធ្វើការស្រាវជ្រាវជាច្រើនម៉ោង ហើយឈានទៅឃាត់ខ្លួនជនសង្ស័យបាន ចំនួន០២នាក់ ទី០១-ឈ្មោះ អៀង ភូមិរ៉ា ហៅវ៉ាន់ ភេទប្រុស អាយុ២៥ឆ្នាំមុខរបរមិនពិតប្រាកដ រស់នៅក្នុងភូមិផ្សារសាមគ្គី សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ(ជាជនដៃដល់កាប់ទៅលើជនរងគ្រោះ) និងទី០២-ឈ្មោះ បូ កុសល ភេទប្រុស អាយុ២២ឆ្នាំ មុខរបរមិនពិតប្រាកដ រស់នៅក្នុងភូមិរលាំងជ្រៃ ឃុំកាហែង ស្រុកសំរោងទង ខេត្តកំពង់ស្ពឺ នៅចំណុចខាងត្បូងផ្សាររាត្រីកំពង់ស្ពឺ យកមកធ្វើការសាកសួរនៅអធិការដ្ឋាននគរបាលក្រុងច្បារមន ។
ជនសង្ស័យបានផ្ដល់ចម្លើយសារភាពថា រូបគេ(ខ្លួន)បានជិះម៉ូតូ ម៉ាកស៊ុយស៊ូគីឡេត ពណ៍ខ្មៅ ពាក់ផ្លាកលេខ1V-8974 ដឹកឈ្មោះ អៀង ភូមិរ៉ា ហៅវ៉ាន់ រួចបានធ្វើសកម្មភាពយកកាំបិតផ្គាក់ដេញកាប់ជនរងគ្រោះបណ្ដាលឲ្យដាច់កដៃ ប្រាកដមែន ព្រោះតែមានទំនាស់គ្នា ។
ក្រោយឃាត់ខ្លួនជនដៃដល់សមត្ថកិច្ចនគរបាលដកហូតវត្ថុតាង (១)កាំបិតផ្គាក០១ដើម (២) ដាវ ០២ដើម (៣)ម៉ូតូ០១គ្រឿង ម៉ាកស៊ុយស៊ូគីឡែត ពណ៍ខ្មៅ ផ្លាកលេខ1V-8974។
បច្ចុប្បន្ន ក្រុមជនដៃដល់ រួមជាមួយវត្ថុតាងសមត្ថកិច្ចនគរបាលបានបញ្ជូនខ្លួនទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ដើម្បីកសាងសំណុំរឿងចាត់ការបន្ដតាមផ្លូវច្បាប់៕
ចែករំលែកព័តមាននេះ