កម្មវិធីសកម្មភាពបម្រើពលរដ្ឋស៊ីវិលផ្នែកសុខាភិបាលរបស់កងយោធាមារីនសហរដ្ឋអាមេរិក (MEDCAP) បានដំណើរការសកម្មភាពរបស់ខ្លួននៅខេត្តកំពត ពីថ្ងៃទី១៧ ដល់ថ្ងៃទី១៩ ខែមិថុនា ឆ្នាំ២០១១ ដោយក្នុងនោះអ្នកជំងឺសរុបចំនួន២.៨០០នាក់បានទទួលការព្យាបាលនៅវិទ្យាល័យជុំគីរី ខេត្តកំពត
កម្មវិធីសកម្មភាពបម្រើពលរដ្ឋស៊ីវិលផ្នែកសុខាភិបាលរបស់កងយោធាមារីនសហរដ្ឋអាមេរិក (MEDCAP) បានដំណើរការសកម្មភាពរបស់ខ្លួននៅខេត្តកំពត ពីថ្ងៃទី១៧ ដល់ថ្ងៃទី១៩ ខែមិថុនា ឆ្នាំ២០១១ ដោយក្នុងនោះអ្នកជំងឺសរុបចំនួន២.៨០០នាក់បានទទួលការព្យាបាលនៅវិទ្យាល័យជុំគីរី ខេត្តកំពត។
ពិធីនោះបានអនុញ្ញាតឱ្យអ្នកជំងឺដែលតាមធម្មតាមិនអាចទទួលបានការព្យាបាលជំងឺពីអ្នកឯកទេសពេទ្យ អាចទទួលបាននូវការថែទាំព្យាបាលពីវេជ្ជបណ្ឌិតជំនាញផ្នែកធ្មេញ និងភ្នែក។ លើសពីនេះទៀត មានការចែកចាយមុងដល់ប្រជាពលរដ្ឋ ដើម្បីកាត់បន្ថយផលវិបាកនៃជំងឺបណ្តាលមកពីមូសខាំផងដែរ។
កម្មវិធីនោះគឺជាការខិតខំតាមរយៈការសហការរួមគ្នាបានយ៉ាងល្អរបស់អង្គការដៃគូនៃទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (អង្គការ PSI, RACHA, RHAC, និង KHANA) កងរាជអាវុធហត្ថ កងយោធពលខេមរភូមិន្ទ អ្នកស្ម័គ្រចិត្តមកពីទីភ្នាក់ងារ Peace Corps របស់សហរដ្ឋអាមេរិក មជ្ឈមណ្ឌលវះកាត់ជំងឺកុមារ និងក្រសួងការពារប្រទេសសហរដ្ឋអាមេរិក។ ឆ្លងតាមលំដាប់ថ្នាក់នៃការរួមបញ្ចូលគ្នា ដៃគូទាំងឡាយអាចបំពេញឱ្យគ្នាទៅវិញទៅមក ហើយអាចផ្តល់ការបង្រៀន និងផ្តល់សេវាថែទាំសុខភាពប្រកបដោយគុណភាពខ្ពស់។
ការវះកាត់ជំងឺភ្នែកឡើងបាយនៅនឹងកន្លែង បានធ្វើឱ្យប្រជាជនកម្ពុជាអាចមើលឃើញបានច្បាស់ បន្ទាប់ពីពួកគេពុំមានលទ្ធភាពទទួលបានការវះកាត់បែបនេះនៅកន្លែងផ្សេង។ ការវះកាត់នេះក៏ត្រូវបានផ្តល់ផងដែរ នៅមជ្ឈមណ្ឌលវះកាត់ជំងឺកុមារ៊ដែលនៅទីនោះមកពីអង្គភាពទី៣នៃកងទ័ពម៉ារីនអាមេរិក និងគ្រូពេទ្យរបស់មជ្ឈមណ្ឌលវះកាត់កុមារ បានរួមគ្នាព្យាបាលអ្នកជំងឺ។
នៅថ្ងៃទី១៨ ខែមិថុនា លោកស្រីឯកអគ្គរដ្ឋទូតអាមេរិក Carol Rodley បានអញ្ជើញទៅទស្សនាទីតាំងរបស់គម្រោង MEDICAP ដោយបានជួបប្រាស្រ័យជាមួយពលរដ្ឋសហគមន៍ និងក្រុមដែលបានចូលរួមផងដែរ៕
ចែករំលែកព័តមាននេះ