លោកនេះ ប្លែកអ្វីតែរូបខ្ញុំ? ជាសាច់រឿងពិតរបស់នារី ៣នាក់ ដែលជីវិតកើតមក មានពិការភាពពីកំណើតជួបរឿងទុក្ខលំបាកជាច្រើនដែលឥតគណនាបាន ។ នាងកើតមកមានពិការភាពដៃ កាត់តាមឪពុកដែលជនមានពិការភាពបន្តដល់នាងៗដែលជាកូនស្រីៗពិបាកទៀតនោះ ។…
លោកនេះ ប្លែកអ្វីតែរូបខ្ញុំ? ជាសាច់រឿងពិតរបស់នារី ៣នាក់ ដែលជីវិតកើតមក មានពិការភាពពីកំណើតជួបរឿងទុក្ខលំបាកជាច្រើនដែលឥតគណនាបាន ។ នាងកើតមកមានពិការភាពដៃ កាត់តាមឪពុកដែលជនមានពិការភាពបន្តដល់នាងៗដែលជាកូនស្រីៗពិបាកទៀតនោះ ។
លោកអ្នកពិតជាចង់ជ្រាបហើយពីជីវិតនាងៗទាំង៣ ក្រោយពួកគេធ្លាប់រងពាក់ងាយច្រើនចំពោះរូបរាងដែលកើតមកមានលក្ខណៈមិនគ្រាន់ តែត្រង់ចំណុចនេះ មិនជាបញ្ហាចោទឡើយ សំខាន់ គឺការតស៊ូតាំងចិត្ត ពោលម្តាយឪពុកនាងពិតជាមានមោទនភាព ដោយម្តាយកំពុងឈឺ ពួកគេមិនទៅណាចោលម្តាយ ដូចដែលម្តាយបានមើលថែពួកគេតាំងពីតូចដល់ពេញវ័យ ។
តស់មកស្តាប់ពីជីវិតបងប្អូនស្រី៤នាក់ដែលពិការ និងបានស្លា.ប់ម្នាក់ កាលពីកន្លងទៅ បច្ចុប្បន្ននៅបីនាក់ដែលឆ្លៀតពេលលក់អនឡាយ ធ្វើការជាច្រើន ដើម្បីដោះស្រាយក្រពះចិញ្ចឹមគ្រួសារ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព កញ្ញា ផាន ស្រីអួច ដែលមានអាយុ២៦ឆ្នាំ ជាស្ត្រីដែលពិការដៃទាំងទ្វេ ប្រាប់ថា ដំណើរជីវិតខ្លួនសព្វថ្ងៃធ្វើការងារច្រើន ដើម្បីជួយដល់គ្រួសារ ដូចជា ការលក់ ឬប្រម៉ូតផលិតផលអនឡាយ រើសខ្ចងខ្ចៅ និងបេះផ្កាឈូកជាដើម ខណៈពេលដែលម្តាយមានជម្ងឺកំពុងសម្រាក់នៅក្នុងមន្ទីរពេទ្យមួយកន្លែង ។
កញ្ញាស្រីអួច បន្តទៀតថា កាលពីកន្លងទៅខ្លួនមានបងប្អូន៤នាក់ តែជាអកុសលបានស្លា.ប់ម្នាក់ កាលពីកន្លងទៅដោយនៅសល់៣នាក់ សុទ្ធតែជាស្រីដែលមានពិបាកភាពតាំងពីកំណើតកាត់តាមឪពុកដែលពិការដៃទាំងសងខាងដែរនោះ ។
កញ្ញា ផាន ស្រីអួច ថា ក្នុងចំណោមបងប្អូន៣នាក់ ដែលពិបាកនេះសុទ្ធតែទទួលបានការសិក្សា ទោះស្ថានភាពគ្រួសារមិនសូវអំណោយផលក៏ដោយដូចជា ខ្លួនកញ្ញាផ្ទាល់បានរៀនដល់ថ្នាក់ទី១២ និងបន្តនៅមហាវិទ្យាល័យ២ឆ្នាំ តែដោយសារគ្រួសារជួបការលំបាកខ្លាំងក៏សម្រេចចិត្តផ្អាកសិនត្រូវរកប្រាក់លក់អនឡាយ ដើម្បីជួយគ្រួសារ ហើយចំពោះប្អូនស្រីទី២ក៏គឺការសិក្សាប្រហាក់ប្រហែលគ្នាដែរ ។
បើងាកមកប្អូនទី៣ រៀនបានត្រឹមថ្នាក់ទី៩ ដោយចំស្ថានភាពគ្រួសារលំបាកខ្លាំងពេកត្រូវបង្ខំចិត្តឈប់រៀន ណាមួយមានបញ្ហាសុខភាពជម្ងឺបេះដូងផង ។ កញ្ញា ផាន ស្រីអួច ដែលមានពិការភាពពីកំណើតបន្តថា កាលពីកន្លងទៅកញ្ញាធ្លាប់តូចនឹងខ្លួនឯងដែរកើតមកពិការ គេស្តីថា« កើតមកកំបុតដៃ ពិការអញ្ចឹងធ្វើការអីកើត ម្តាយឪពុកមើលដល់តែចាស់» ពោលការលើកឡើងវាមិនត្រឹមត្រូវនោះទេ អាចថា ម្តាយឪពុកពិតជាសំណាងក្រោយពេលមើលថែកូនស្រីពិបាកជាង២ម្ភៃឆ្នាំ ចុងក្រោយនាងមើលថែម្តាយឪពុកយ៉ាងល្អ ទោះលំបាកលំបិន ជូរចត់ ពិបាករស់យ៉ាងណាក៏ដោយនោះ ។
គួរបញ្ជាក់ដែរ នារីពិការទាំង៣ធ្វើការងារប្រម៉ូតផលិតលក់អនឡាញ ធ្វើការងារជាច្រើនដែលអាចធ្វើទៅបាន ខណៈនាងៗមិនមានអ្វីជាពឹង មានតែការងារតិចតួចប៉ុណ្ណោះដើម្បីចិញ្ចឹមក្រពះ មើលម្តាយកំពុងឈឺឪពុកមានពិការភាពដែរនោះ ៕ ដោយ៖លីហួ គីមឆាយ
ចែករំលែកព័តមាននេះ