រូបរាងមិនត្រឹមតែជាកត្តាសោភ័ណភាពប៉ុណ្ណោះទេ ប៉ុន្តែថែមទាំងឆ្លុះបញ្ចាំងយ៉ាងច្បាស់ពីស្ថានភាពសុខភាពខាងក្នុងរបស់មនុស្សម្នាក់ៗផងដែរ។ ដើម្បីរក្សាភាពក្មេងជាងវ័យ ការរក្សារបបអាហារដែលមានសុខភាពល្អគឺមានសារៈសំខាន់ខ្លាំងណាស់។ ១-ស្ករចម្រាញ់ ស្ករគឺជា “សត្រូវលេខមួយ” នៃស្បែក។ នៅពេលដែលអ្នកញ៉ាំអាហារដែលមានជាតិស្ករចម្រាញ់ច្រើនដូចជា នំខេក…
រូបរាងមិនត្រឹមតែជាកត្តាសោភ័ណភាពប៉ុណ្ណោះទេ ប៉ុន្តែថែមទាំងឆ្លុះបញ្ចាំងយ៉ាងច្បាស់ពីស្ថានភាពសុខភាពខាងក្នុងរបស់មនុស្សម្នាក់ៗផងដែរ។ ដើម្បីរក្សាភាពក្មេងជាងវ័យ ការរក្សារបបអាហារដែលមានសុខភាពល្អគឺមានសារៈសំខាន់ខ្លាំងណាស់។
១-ស្ករចម្រាញ់
ស្ករគឺជា “សត្រូវលេខមួយ” នៃស្បែក។ នៅពេលដែលអ្នកញ៉ាំអាហារដែលមានជាតិស្ករចម្រាញ់ច្រើនដូចជា នំខេក ស្ករគ្រាប់ ឬភេសជ្ជៈកាបូណាត រាងកាយនឹងបង្កើតដំណើរការមួយហៅថា glycation ធ្វើឱ្យកូឡាជែននៅក្នុងស្បែកត្រូវបានបំផ្លាញ ធ្វើឱ្យស្បែយារធ្លាក់។
២-អាហារបំពង
អាហារបំពងច្រើនតែមានជាតិខ្លាញ់អាក្រក់ជាច្រើន ដែលបណ្តាលឱ្យស្ទះរន្ធញើស បង្កើនការបញ្ចេញជាតិខ្លាញ់ និងធ្វើឱ្យស្បែកងាយនឹងកើតមុន។ មិនត្រឹមតែប៉ុណ្ណឹងទេ ដំណើរការនៃការចៀននៅសីតុណ្ហភាពខ្ពស់ក៏បង្កើតសារធាតុរលាកក្នុងរាងកាយ ដែលនាំឱ្យស្បែកឆាប់ចាស់។
៣-សាច់កែច្នៃ
សាច់កែច្នៃដូចជាសាច់ក្រក សាច់ bacon ឬ ham ច្រើនតែមានអំបិល និងសារធាតុរក្សាទុកច្រើន ដែលមិនត្រឹមតែបង្កគ្រោះថ្នាក់ដល់សុខភាពប៉ុណ្ណោះទេ ថែមទាំងធ្វើឱ្យរាងកាយខ្សោះជាតិទឹកទៀតផង។ នៅពេលដែលរាងកាយខ្វះជាតិទឹក ស្បែកប្រែជាស្ងួត គ្មានជីវិត និងស្នាមជ្រួញលេចឡើង។
៤-ភេសជ្ជៈមានជាតិអាល់កុល
ជាតិអាល់កុលបណ្តាលឱ្យខ្សោះជាតិទឹក និងកាត់បន្ថយបរិមាណវីតាមីន A នៅក្នុងខ្លួន ដែលជាសារធាតុសំខាន់សម្រាប់ថែរក្សាស្បែកឱ្យមានសុខភាពល្អ។
ដើម្បីការពារស្បែករបស់អ្នក កំណត់ការទទួលទានភេសជ្ជៈមានជាតិអាល់កុល ហើយបន្ថែមទឹក ទឹកផ្លែឈើ ឬតែបៃតងដែលគ្មានជាតិផ្អែមទៅក្នុងរបបអាហារប្រចាំថ្ងៃរបស់អ្នក។
៥-ភេសជ្ជៈកាបូន
ភេសជ្ជៈកាបូណាតមានផ្ទុកជាតិស្ករ និងអាស៊ីតច្រើន ដែលបង្កគ្រោះថ្នាក់ដល់ស្រទាប់ធ្មេញ និងស្បែក។ ជាពិសេសអាស៊ីតនៅក្នុងភេសជ្ជៈអាចកាត់បន្ថយសំណើមធម្មជាតិរបស់ស្បែក ធ្វើឱ្យស្បែកស្ងួត និងអាចម៍រុយ។
ជំនួសភេសជ្ជៈដែលមានជាតិកាបូនជាមួយនឹងទឹកចម្រោះ ឬទឹកផ្លែឈើ និងបន្លែស្រស់ ដើម្បីផ្តល់សំណើម និងសារធាតុចិញ្ចឹមចាំបាច់ដល់ស្បែក។
៦-មីកញ្ចប់
មីកញ្ចប់ គឺជាអាហារដ៏ពេញនិយមមួយ ប៉ុន្តែមានផ្ទុកនូវជាតិខ្លាញ់ឆ្អែត និងអំបិលច្រើន ដែលបណ្តាលឱ្យមានជាតិទឹកនៅក្នុងខ្លួន និងធ្វើឱ្យស្បែកហើម។ មិនត្រឹមតែប៉ុណ្ណោះ មីកញ្ចប់ក៏ខ្វះសារធាតុចិញ្ចឹមសំខាន់ៗ ដែលធ្វើឲ្យរាងកាយងាយនឹងចុះខ្សោយ និងប៉ះពាល់ដល់សុខភាពស្បែក។
ជំនួសឱ្យមីកញ្ចប់ អ្នកអាចជ្រើសរើសមីស្រស់ ឬចម្អិនស៊ុបពីបន្លែ ដើម្បីធានាបាននូវអាហារូបត្ថម្ភ និងសុខភាពស្បែក៕
ចែករំលែកព័តមាននេះ